Esaia 10:4 - Tosi Tapu

⁴ E tulolo loa ni iki i loto malie o le kau popula, Ti e vivilo loa ni iki i lotolotoga o le kau mate. Kae logo ai a nea fuli ana, e leaise malu le sausau o le Eteleno, Kae koi falo aifai lona lima.

Esaia 10:4 ပူးပေါင်းရင်းမြစ်များ

Esaia 22:2

Kolea kua ke logoa ai, ti kua ke maveuveu ai, A koe ko le kolo fiafia ! E leaise mamate loa ou mate i le seleta, E leaise lotou mamate loa i le tau.

Esaia 24:22

E lotou fakatasi fuli loa ofaipe se kau popula i se fale pilisoni, Ti e tapono loa latou i ni kogafale pilisoni. Ti, ka oki loa ni aso mauke ai, E tonu ke tautea loa latou.

Esaia 34:3

Kua tiaki olatou kau mate ki fafo, Kua namuku olatou mate, Ti kua tafe le toto i mauga.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Esaia 66:16

Talie e fai e le Eteleno ana fakamaauaga ki le afi, Ti e tautea e ia a kanofi fuli ki le seleta ; Ti e toka api loa latou ala e tamate loa e le Eteleno.

Esaia 9:11

Le kau Silia i le potu esite, mo le kau Filisitini i le potu uesite ; Ti e lotou kai maaga loa Iselaele. Kae logo ai a nea fuli ana, e leaise malu loa lona itaita, Ti koi falo aifai lona lima.

Esaia 9:12

Talie e leaise toe liliu mai le kakai ki leia e taai ia a ia, Ti e leaise afa e ia le Eteleno o kau tau.

Esaia 9:16

Koia e leaise mafai ke fiafia le Aliki ki ona tagata tupulaga, Pe alofa ki ona fanau sala matua mo ona fafine lokonui ; Talie ko latou fuli ko ni kau malualoi mo ni kau agaveveli, Ti e masau olatou gutu fuli ki nea fakalialia. Kae logo ai a nea fuli ana, e leaise malu lona itaita, Kae koi mafao aifai lona lima.

Esaia 9:17

Talie e kaikai le agaveli ofaipe le afi, Leia e tutu ia a uluvao gaoa mo talatala ; E tutu e ia le vaomatua matotolu, leia e mafuta ai ni afu matotolu.

Esaia 9:20

E kai e Manase a Efalaimi, ti e kai e Efalaimi a Manase, Ti e la oso fakatasi o kai a Suta. Kae logo ai nea fuli ana, e leaise makona aifai le sausau o le Eteleno, Kae koi falo aifai lona lima.

Selemia 15:2

Ti kapau e lotou pati atu kiate koe : Pe motou ano loa kifea ? E ke tali loa kia latou : ko leinei le folafola a le Eteleno : Ki le mate latou ala e tonu ke mate, Ki le seleta latou ala e tonu ke tamate e le seleta, Ki le oge latou ala e tonu ke mate i le oge, Ki le popula latou ala e tonu ke ano o popula !

Selemia 37:10

Ti kapau foki e kotou tamate loa le solia katoa a le kau Kaletea leia e tau kia koutou, ti kapau foki e toe loa ia latou ni kau lavelavea ata, e lotou toe tutuu ake loa o taki toka tasi mei lona falela, ti e lotou tutu loa le kolo leinei ki le afi.

Selemia 4:8

Koia ke kotou tui ni taga, ke kotou tagi ti ke kotou tagi laulau, Talie e leaise toe maliu loa le sausau kaka o le Eteleno ia tatou.

Oseo 9:12

Kapau e lotou maua foki ni fanau, E kau too loa latou, ke aua na lotou liliu ko ni tagata ; Ti e malaia kia latou, i le aso leia e kau tiaki ai loa latou !

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Tetelonome 32:30

Pe mafai ke tuli loa e se toka tasi se tino afe, Pe ke kapu loa e se toka lua ni tino agafulu afe, Mo kapau na leaise fakatau latou e lolatou Utu, Mo kapau na leaise tuku latou e le Eteleno ?