Esaia 10:33 - Tosi Tapu

³³ Ko leinei, ko le Aliki, le Eteleno o kau tau, E fatifatii ia a laa o laakau i se makeke lasi : Kua tuuti a laa lalasi, Kua tuku ki lalo a laa taualuga.

Esaia 10:33 ပူးပေါင်းရင်းမြစ်များ

Lua tosi o Koloniko 32:21

Koia na kakau ai loa e le Eteleno se aselo ke tamate ia i le nofolaga tau o le sau o Asilia le kau tagata makeke fuli, mo le kau taki tau, ti mo le kau pule tau. Ti na toe liliu loa le sau o Asilia ki lona fenua mo se luma lasi ai. Na ulu loa a ia ki le fale o lona atua, ti na tamate loa a ia i ai ki le seleta e ona vosa totonu ala na au mei ona tootooga.

Esaia 18:5

I mua o le tau o vite, i le temi leia e gato ai le somo o le vite, I le temi leia e liliu ai a se ko ni fuai vite ala e leleu, Ti e talai ai a laa ki le sele, ti e paki ai a somo, kae koti ai a lau…

Esaia 32:19

Kae e taotao loa le vaomatua e le ua fatu, Ti e tuku loa le kolo ke taulalo.

Esaia 33:3

Ka sa lou leo, e sosola a kakai ; Ka ke tuu ake ki aluga, e mavete a atu puleaga.

Esaia 37:38

I se aso leia na lolotoga punou ai a ia i le fale o Niseloke, lona atua, na tamate loa a ia e ona vosa ko Atelameleke mo Saletesele ki le seleta, ti na la sosola loa ki le fenua o Alalate. Ti na pule loa lona vosa, ko Esale-Atone, o fetogi a ia.

Esaia 5:15

E tuku loa ki le kele le kau liliki, ti e fakataulalo loa le kau lalasi, Ti e saele tulolo loa le kau fia nealasi fuli.

Selemia 22:7

E kau teuteui kiate koe ni kau tagata maumau, O tasi mo ia ana masafu ; E lotou tuuti loa ou sete fulumalilie, Ti e lotou laku loa latou ki le afi.

Esekiele 31:3

Ko leinei, ko Asilia ko se sete lasi o Lipane ; Na fulumalilie ona laa, Na matotolu ona lau, ti na taualuga a ia, Ti na fakalaka lona tumutumu i laakau fuli.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Amosi 2:9

Kae na kau maumaui i olatou mua le kau Amole, Ala na taualuga ofaipe ni sete, Ti na makeke ofaipe ni sene ; Na kau maumaui olatou fua i aluga, Ti mo olatou aka i lalo.

Naume 1:12

Koia e folafola ai le Eteleno : Logo ai e lotou makeke mo toka api, Kae e tuuti loa latou ti e lotou pupuli loa. E kau loto ke fakamamae a koe, Ke aua na toe fakamamae a koe…

Luka 14:11

Talie ko leia e fia taualuga e tuku loa a ia ki lalo, ti ko leia e fakataulalo e siki loa a ia ki aluga.