Esaia 10:3 - Tosi Tapu

³ Kolea ka kotou fai loa i le aso o le tautea Ti mo le maumau leia ka vilo loa kia koutou mei se fenua mamao ? Ko ai leia ka kotou sosola loa ki ai, ke tokoi atu kia koutou, Ti kofea ka kotou tuku ai loa lokoutou kololia ?

Esaia 10:3 ပူးပေါင်းရင်းမြစ်များ

Senesi 31:1

Na logo loa Sakopo ki masau o vosa o Lapane, ala na pati : Kua too e Sakopo a nea fuli o lotatou tamana, ti kua fakatupu e ia lona koloa fuli ki nea o lotatou tamana.

Lua tosi o Sau 7:15

Na lotou ano loa i muli o le kau Silia o kaku ki le Solotane ; ti na lotou tio loa kua apele le ala katoa i nea lava mo nea ala na titiaki e le kau Silia i lalatou sola fakatavili. Na toe liliu loa a tagata avelogo, o fakamatala a nea ana ki le sau.

Sopo 31:14

Ti kolea loa ka kau fai i le aso leia e tuu ai le Atua ki aluga ? Ti kolea loa laku tali i le aso leia e teki ai e ia le tua ?

Taagapati 11:4

I le aso o le sausau, e leaise aoga le mou koloa ; Kae e fakamauli i le mate e le faitotonu.

Esaia 13:6

Kotou fetagisi, talie kua ofi mai le aso o le Eteleno : Kua au a ia ofaipe se maumau mei le Mafimafi.

Esaia 17:4

I le aso lena, e gaegae loa le kololia o Sakopo, Ti e puli loa le gako o lona tino.

Esaia 20:6

Ti e pati loa le kakai o le potu tai lena i le aso lena : Ko le ikuaga loa leinei o atatou amanaki malie ! Na tou fanaki ke tokoi mai a ia kia tatou, ke saofaki e ia tatou mei le sau o Asilia ! Ti e feaki loa lotatou sao ?

Esaia 26:14

Ko latou ala kua mamate e leaise toe mauli loa, E leaise toe tutuu ake loa ki aluga ni ata ; Talie na ke tautea latou, na ke tamate latou, Ti na ke maumaui a fakamanatu fuli.

Esaia 26:21

Talie ko leinei, e ulu le Eteleno mei lona nofoaga, Ke tautea le kakai o le malama nei o tupu ko ana agasala ; Ti e fakasa loa e le fenua le toto leia na maligi, Ti e leaise toe fufu loa e ia le kakai leia na tamate.

Esaia 28:20

Talie e fai loa pe le pati a le taagapati : E toetoe le palepale ke moe ai, Ti e lau ikiiki le kie kafu ke kafu ai.

Esaia 29:6

E gaoi loa le Eteleno o kau tau kiate koe i le gugulu o le mana, mo le mafuike, mo se logoa fakaii, Mo le sasataki ti mo le afa, Ti mo le ula o se afi veli.

Esaia 30:16

Na kotou pati : Leai ! e motou lele loa i ni osi ! Koia e kotou lele ai loa i ni osi, kae o sosola. Na kotou pati : e motou eke loa i ni osi gasolo ! Koia e tuli loa koutou e ni osi ala e toe gasolo ake.

Esaia 30:5

E lotou luma fuli loa o tupu ko se kakai leia e leai loa sona aoga fua kia latou, Pe ke fakamauli ia latou, pe ke tokoi kia latou, Kae e fakatupu ia loa lolatou luma ti mo lolatou mamae.

Esaia 30:7

Talie e noa ti e lee aoga le tokoi a Esipito ; Koia e kau fakaigoa ai le nea lena ko se logoa noa.

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Esaia 39:3

Ti na ano loa le polofeta ko Esaia ki le sau ko Esekiasi, o pati kiate ia : Koa masau a tagata ana ? Na lotou au meifea ? Ti na tali loa Esekiasi : Na lotou au kiate au mei se fenua mamao, mei Papilone.

Esaia 5:14

Koia kua fakamavaa ai le gutu o le nofoaga o le kau mate, Ti kua fakamavaa lasi ai lona gutu ; Ti e ifo loa ki ai le kau mauiga mo le kau mou koloa o Sione, Ti mo lona kakai logoa mo fiafia.

Esaia 5:26

Kua siki e ia se manumanu ki kakai mamao, Ti e vekai e ia se kakai mei potupotu o le malama nei : Ti ko leinei, kua kaku fakatavili mai aifai a ia.

Selemia 22:7

E kau teuteui kiate koe ni kau tagata maumau, O tasi mo ia ana masafu ; E lotou tuuti loa ou sete fulumalilie, Ti e lotou laku loa latou ki le afi.

Selemia 4:30

Ti ko koe, leia na maumaui, kolea loa ka ke fai ? E ke teu kula loa, e ke tui loa ni nea fakateuteu aulo, E ke pena loa ou mata ki vali ; Kae e leaise aoga fua o lou fakafulumalie, Talie e vesia au feauaki kiate koe, E lotou loto ki lou mauli.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Selemia 9:9

Pe leaise kau tautea loa latou, o tupu ko nea ana ? e pati le Eteleno. Pe leaise kau totogi loa ki se puleaga felaaki ?

Oseo 5:13

E tio Efalaimi ki lona masaki, ti mo Suta ki ona lavea ; E ano Efalaimi ki Asilia, o masau ki le sau ko Salepe ; Kae e leaise mafai e le sau lena ke faitoo ia koutou, Talie e leaise maua e ia se faitoo ki okoutou lavea.

Oseo 9:5

Kolea e kotou fai loa i aso fakaalialiki, I aso lalasi o le Eteleno ?

Oseo 9:7

Kua lotou soko mai, a aso o le tautea, Kua lotou kaku mai, a aso o le totogi o gaoi : E tonu ke iloa a ia e Iselaele ! Kua valea le polofeta, kua ulu vale le tagata tio malama ! O tupu ko le lasi o au agaveli mo au agatuu.

Amosi 5:19

E kotou fai loa pe se tagata leia e sola i mua o se laione, Ti e felavei loa mo se uluso, Pe leia e ano ki lona fale, o teki lona lima ki le paa, ti uuti e se gata.

Mikea 7:4

Ko leia e malie ia latou e faipe se laakau talatala, Ko leia e faitotonu ia latou e veli ake i le vao sukisuki. Ko leinei kua ofi mai le aso leia na fakasa e au kau polofeta, le aso o lou tautea. I le aso lena e lotou nofo loa i le luma.

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Luka 19:44

Ti e lotou maumaui katoa loa a koe, io, a koe mo lou kakai ; ti e leaise lotou tuku loa se fatu i aluga o se tasi a fatu, o tupu na leaise ke iloa le aso leia na fakatele ai kiate koe.

Tetelonome 28:49

E lagai loa e le Eteleno kiate koe se puleaga mei mamao, mei potupotu o le malama nei, se puleaga leia e oso ofaipe le akuila fekai, se puleaga leia e leaise ke matala ki lana masau,

Uluaki tosi a Petelo 2:12

Kotou maua i lotolotoga o le kau pagani se mauli malie, o tupu, i le nea leia e lauvelii ai koutou ofaipe ni tagata veveli, ke lotou tio ki akoutou gaoi malilie, ti ke lotou fakafetai ki le Atua, i le aso leia e fakatele ai loa a ia kia latou.