Esaia 10:29 - Tosi Tapu

²⁹ Kua lotou fakalaka i le vasa lau ikiiki o mauga ; Kua lotou momoe i Kepa ; Kua lulu Lama ; Kua sola Kipea o Saulo.

Esaia 10:29 ပူးပေါင်းရင်းမြစ်များ

Uluaki tosi o Sau 15:23

Ko le toe o gaoi fuli a Asa, ana gaoi logologona, mo nea fuli ala na fai e ia, ti mo kolo ala na fau e ia, pe leaise tosi a ia i le tosi fakamatala ki sau o Suta. I lona temi matua, na mamate loa ona vae.

Selemia 31:15

E folafola le Eteleno, o pati : E logo ki ni tagi i Lama, Ki ni tagi laulau, ki ni loimata kona ; E tagi Lasele ana fanau ; Ti e leaise tali e ia ke fakapelepele a ia i ana fanau, Talie kua lotou pupuli.

Oseo 10:9

Iselaele, na ke agasala talu mei aso o Kipea ! I ai na lotou tutuu loa i aluga. Na leaise kaku loa kia latou le tau ki le kau agaveli i Kipea.

Oseo 5:8

Kotou pupusi le fakatagi pupusi i Kipea, Kotou pupusi le fakatagi pupusi i Lama ! Kotou fai ni kalaga i Pete-Aveni ! Tokaga ki ou muli, Pesamino !

Oseo 9:9

Kua lotou uku i le agasala ofaipe aso o Kipea. E manatui loa e le Eteleno alatou agaveli, E tautea loa e ia alatou agasala.

Sosue 21:17

Mei le faasiga o Pesamino, na lotou soli loa ki le kau Levi, a Kapaone mo ona tua kolo, mo Kepa mo ona tua kolo ;

Uluaki tosi a Samuele 10:26

Na ano foki mo Saulo ki lona kaiga i Kipea. Na ano loa mo ia se kakai loto sako, leia na fetogi olatou loto e le Atua.

Uluaki tosi a Samuele 11:4

Na kaku loa a tagata avelogo ki Kipea, le kolo o Saulo, ti na lotou fakasa loa a nea ana ki le kakai. Ti na siki loa e le kakai katoa lolatou leo, o fetagisi loa.

Uluaki tosi a Samuele 13:16

Ko Saulo, mo lona vosa ko Sonatane, mo le kakai leia na nofo mo laua, na nonofo loa i Kipea o Pesamino, ti na nonofo loa le kau Filisitini i Mikimase.

Uluaki tosi a Samuele 13:2

Na filifili loa e Saulo a tagata e tino afe tolu o Iselaele : na nofo loa a tino afe e lua mo ia i Mikimase, i le mauga o Petele, ti na nofo loa le tino afe e tasi mo Sonatane i Kipea o Pesamino. Na kakau loa e ia le toega o le kakai ke tasi ano ki olatou falela.

Uluaki tosi a Samuele 13:23

Na au loa se solia Filisitini o nonofo i le ala o Mikimase.

Uluaki tosi a Samuele 14:2

Na talitali loa Saulo i le potupotu o Kipea, i lalo o le kelenati o Mikoloni, ti ko le kakai leia na nofo mo ia ko tino lelau e ono.

Uluaki tosi a Samuele 14:4

I le vasa o le anoaga, leia na fia ano ai a Sonatane ki le kolo tau o le kau Filisitini, na i ai se fatu matakakai i se tasi fetuu ti mo se tasi fatu matakakai i se tasi fetuu, na igoa le tasi ko Poteseti, ti ko le tasi ko Sene.

Uluaki tosi a Samuele 14:5

Na tuu le tasi a fatu i le potu noleto, o aga ki Mikimase, ti na tuu le tasi i le potu saute, o aga ki Kepa.

Uluaki tosi a Samuele 15:34

Na ano loa Samuele ki Lama, ti na pale loa Saulo ki lona fale i Kipea o Saulo.

Uluaki tosi a Samuele 7:17

Ti na toe liliu mai a ia ki Lama leia na tuu ai lona kaiga ; i Lama na fakamaaui e ia a Iselaele, ti na fakatuu e ia i ai se aletale ki le Eteleno.