Esaia 10:26 - Tosi Tapu

²⁶ E siki loa e le Eteleno o kau tau le suipi kiate ia, Ofaipe lana taai Matiane i le utu o Olepe ; Ti, ofaipe lana siki lana tokotoko ki le tai, E toe siki loa e ia a ia, ofaipe lana fai i Esipito.

Esaia 10:26 ပူးပေါင်းရင်းမြစ်များ

Lua tosi o Sau 19:35

I le po lena, na ifo mai loa le aselo o le Eteleno, ti na tamate loa e ia i le nofolaga tau o le kau Asilia a tagata e tino lelau tino valu tupu lima afe. I le ala usu ake, ko leinei, kua mamate a tagata fuli.

Pesalemo 35:23

Ke ke alaala, ke ke alaala o fakamaau au o mulimuli ki loku agatonu ! Ei loku Atua mo loku Aliki, ke ke puipui loku mauli !

Pesalemo 83:11

Na maumaui latou i Ene-Toli, Ti na lotou liliu ko ni faikauga ke fakagako ai le kele.

Ekesote 14:16

Ko koe, siki lou tokotoko, falo lou lima ki le tai, o fakavaelua a ia ; ti e saele loa fanau a Iselaele i loto malie o le tai malo.

Esaia 10:24

Kae ko leinei le folafola a le Aliki, le Eteleno o kau tau : Ei loku kakai, leia e nofo i Sione, Aua na ke i ki le tagata Asilia ! E taai e ia a koe ki le laakau, Ti e siki e ia lana tokotoko kiate koe, ofaipe le nea leia na fai e le kau Esipito.

Esaia 11:16

Ti e i ai loa se ala ki le toetoega o lona kakai, Leia e toe loa mei Asilia, Ofaipe le ala leia na tuku ki Iselaele, I le aso leia na mavae ai i Esipito.

Esaia 30:30

Ti e fakagugulu loa e le Eteleno lona leo fakaii, E fakaali loa e ia lona lima leia kua fakalogo ta, I le vevela o lona sausau, I loto malie o le ula o se afi kaka, Mo le lomaki, mo le afa, ti mo le ua fatu.

Esaia 30:31

I le logo ki le leo o le Eteleno, e lulu loa le tagata Asilia ; E taai loa a ia e le Eteleno ki lana laakau.

Esaia 30:32

I fa ta fuli a le laakau leia na teuteu kiate ia, Ti e fakavilo loa e le Eteleno kiate ia, E logo loa ki tapulini mo alepe ; E tau loa le Eteleno kiate ia i se lima makeke.

Esaia 9:3

Talie ko le fa amo leia na taomi ia lona ua, Mo le tokotoko leia na ta ia lona tua, Mo le laakau leia na fakapopula ia a ia, Kua ke fatii latou, ofaipe le aso o Matiane.

Esaia 9:4

Talie ko taka fuli ala na taka ki ai i le tau, Ti mo teu tau fuli ala na kelekele i le toto, E laku loa ki ulaula, Ke tutu latou e le afi.

Apokalipisi 11:18

Na iita a atu puleaga ; kae kua au lou sausau, ti kua soko mai le temi ke fakamaaui ai le kau mate, ti ke fakapale ai au tagata fakasausau ko le kau polofeta, mo le kau sagato, mo latou fuli ala na i ki lou suafa, liliki mo lalasi, ti ke maumaui ai latou ala na maumaui ia le kele.

Apokalipisi 19:15

Ti na ulu mei lona gutu se seleta lau ikiiki, ke tamate ai a puleaga : E taki loa e ia latou ki se tokotoko ukamea ; ti e takatakafi loa e ia le fuai vite i le tatauaga vino o le sausau kaka o le Atua Mafimafi.

Tuifakamaau 7:25

Na lotou fakapilisoni loa a sau e lua o Matiane ko Olepi mo Sepi ; ti na lotou tamate loa Olepi i le fatu o Olepi, ti mo Sepi i le tatauaga vino o Sepi. Na lotou soko atu loa le tuli o le kau Matiane. Ti na lotou ave loa a ulu o Olepi mo Sepi kia Seteone i le fetuu uesite o le Solotane.