Esaia 10:24 - Tosi Tapu

²⁴ Kae ko leinei le folafola a le Aliki, le Eteleno o kau tau : Ei loku kakai, leia e nofo i Sione, Aua na ke i ki le tagata Asilia ! E taai e ia a koe ki le laakau, Ti e siki e ia lana tokotoko kiate koe, ofaipe le nea leia na fai e le kau Esipito.

Esaia 10:24 ပူးပေါင်းရင်းမြစ်များ

Lua tosi o Sau 19:6

Ti na pati loa Esaia kia latou : Ko leinei le nea leia e kotou fakasa loa ki lokoutou pule : Ko leinei le folafola a le Eteleno : Aua na ke i ki masau ala na ke logo ki ai, ala na lauveli ai kiate au a tagata fakasausau a le sau o Asilia.

Ekesote 14:9

Na tuli loa latou e le kau Esipito ; ti ko osi fuli, mo saliote a Falaone, mo ana tagata ekeosi ti mo lana solia, na maua ia loa le kakai o Iselaele leia na nofo o ofi ki le tai, i Pi-Ailoti, i mua o Paale-Sefoni.

Ekesote 5:14

Na toe tamate foki le kau pule gaoi o fanau a Iselaele, ala na fakanofo e le kau pule a Falaone ; na lotou pati loa : kolea na leaise katoa ai nanafi mo le aso nei ofaipe le masani, a piliki ala na tonu ke kotou fau ?

Esaia 10:5

Malaia ki Asilia, ko le laakau o loku sausau ! Ko le laakau a ia i lona lima, ko le nea gaoi a ia o loku sausau.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 14:29

Aua na ke fakafiafia, fenua o le kau Filisitini, I le fatii o le laakau leia na taai ia a koe ! Talie e ulu loa mei le aka o le gata se gata utikona, Ti e liliu loa lona fua ko se talakone lele.

Esaia 27:7

Pe na taai e le Eteleno a Iselaele, ofaipe lana taai latou ala na taai ia a ia ? Pe na tamate e ia ofaipe lana tamate latou ala na tamate ia a ia ?

Esaia 30:19

Io, kakai o Sione, kakai o Selusalemi, E leaise ke toe tagi loa ! E soli atu loa e ia kiate koe lona kalasia, mo ka ke kalaga loa ; I le temi fai leia e logo ai loa a ia ki lau kalaga, e tali atu loa a ia kiate koe.

Esaia 30:32

I fa ta fuli a le laakau leia na teuteu kiate ia, Ti e fakavilo loa e le Eteleno kiate ia, E logo loa ki tapulini mo alepe ; E tau loa le Eteleno kiate ia i se lima makeke.

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Esaia 37:22

Ko leinei le folafola leia e fakasa e le Eteleno o uiga mo ia : Kua vesia a ia kiate koe, kua gologolo a ia kiate koe, Le taupoou, taine o Sione ; Kua kalokalo e ia lona ulu kiate koe, Taine o Selusalemi.

Esaia 37:6

Ti na pati loa Esaia kia latou : Ko leinei le nea leia e kotou fakasa loa ki lokoutou pule : Ko leinei le folafola a le Eteleno : Aua na ke i o tupu ko masau ala kua ke logo ki ai, o tupu ko masau ala kua tauvelei ai au e tagata fakasausau a le sau o Asilia.

Esaia 4:3

Ti e igoa loa ko maokioki Latou ala na toe i Sione, Ti mo latou ala na toe i Selusalemi, Io, a tagata fuli i Selusalemi e tosi loa i le kau mauuli,

Esaia 46:13

E kau fakafeofi mai laku faitotonu : e leaise mamao a ia ; Ti ko laku fakamauli : e leaise tuvai loa. E kau tuku loa le fakamauli i Sione, Ti mo loku kololia i Iselaele.

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Esaia 7:4

Ti ke pati loa kiate ia : Ke ke fimalie, aua na ke tuania fua se nea, Ti ke aua na oso noa lou loto i mua o ga potu ugaafi afu ana e lua, Mo mua o le itaita o Letisini, mo le kakai o Silia, ti mo le vosa o Lemalia.

Esaia 9:4

Talie ko taka fuli ala na taka ki ai i le tau, Ti mo teu tau fuli ala na kelekele i le toto, E laku loa ki ulaula, Ke tutu latou e le afi.

Mikea 5:5

E lotou fai loa ki alatou seleta lalatou nea kai ki le fenua o Asilia, Ti mo le fenua o Nimelote i loto o ona matapa. E saofaki loa e ia tatou i le tagata Asilia i ai, Mo ka au loa a ia ki lotatou fenua, Ti mo ka ulu loa a ia ki lotatou kele.