Esaia 10:14 - Tosi Tapu

¹⁴ Na kau teki loku lima ki koloa fuli o atu puleaga, ofaipe ki se ofaga ; Ti, ofaipe le tae o ni fuai moa i se ofaga leia kua tiaki e le ufa, Na kau tae le malama nei katoa : Na leaise tasi fua na fakataugaoi ia lona kapakau, Pe na fakamavaa ia lona gutu, pe na fai ia se kalaga.

Esaia 10:14 ပူးပေါင်းရင်းမြစ်များ

Lua tosi o Koloniko 32:13

Pe leaise kotou iloa le nea leia na motou fai, e au mo oku tamana, ki kakai fuli o la ake fenua ? Pe na feala ke saofaki e atua o puleaga ana olatou fenua mei loku lima ?

Sopo 31:25

Kapau na kau fiafia i le lasi o oku koloa, I le lasi o koloa kesekese ala na kau maua i laku gaoi ;

Taagapati 18:12

I mua o le maumau, e malaga ki aluga le loto o le tagata ; Kae e muamua le fakataulalo i le kololia.

Esaia 14:6

Leia na taai ia a kakai i lona itaita Ki ni tautea faisosoko ; Leia na pule i le fakamakeke ki atu puleaga, Kua tuli fakaveliveli.

Esaia 37:25

Na kau fakamavaa ia ni matapuna vai, ti na kau inu olatou vai, Ti e kau fakamasa loa ki loku taga vae A vaitafe fuli o Esipito.

Esaia 5:8

Malaia kia latou ala e kauga ko le fakatuu fale, Ti mo latou ala e kauga fai ko le fai o ni faisaga, O fakaoki ake e leaise koi maua se ganea lauatea, Ti kua lotou nonofo tefua i le fenua katoa !

Selemia 49:16

Ko lou fia makeke, mo le fia nealasi o lou loto na fakasese ia a koe, A koe leia e nofo i pu o utu, Ti e maua ia le tumutumu o mauga liliki. Ka ke fakatuu loa lou ofaga ke taualuga ofaipe leia o le akuila, E kau fakaifo loa a koe mei ai ki lalo, e pati le Eteleno.

Esekiele 35:13

Na kotou malaga kiate au i akoutou masau, Na kotou liuliuga akoutou masau veli kiate au : Na kau logo.

Apetiasi 1:4

Pe ke fakatuu ia loa lou ofaga o taualuga ofaipe leia o le akuila, Pe ke fakatuu loa a ia i lotolotoga o fetuu, E kau ti loa a koe mei ai ki lalo, e pati le Eteleno.

Naume 2:9

Na fai Ninive i le temi mua pe se fa tane na apele i le vai ; Kae ko leinei kua mafaa a ia, ti kua lotou sosola… Kotou tutuu ! Kotou tutuu !… Kae e leaise toe mafuli se tasi…