Esaia 10:12 - Tosi Tapu

¹² Kae, kao oki malie loa le gaoi a le Aliki I le mauga o Sione mo Selusalemi, Ti o kau tautea loa le sau o Asilia o tupu ko fua o lona loto fia nealasi, Ti mo le matasoka o le tio o ona mata fia taualuga.

Esaia 10:12 ပူးပေါင်းရင်းမြစ်များ

Lua tosi o Sau 19:31

Talie e somo ake loa i Selusalemi se ga toetoega, ti e au loa mei le mauga o Sione ni iki ala na sao i le tau. Ko lena le nea leia e fai loa e le Aliki i le lasi o lona alofa.

Pesalemo 18:27

Ki leia e mea e ke fakasa lou mea, Ki leia e agatuu e ke fai o mulimuli ki lana agatuu.

Pesalemo 21:10

E ke fakaliliu loa latou ofaipe se gutuumu kaka, I le aso leia e ke fakasa ai loa a koe. E maumaui loa latou e le Eteleno i lona sausau, Ti e tutu loa latou e le afi.

Pesalemo 76:10

I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

Pesalemo 76:5

E ke taualuga ake, mo makeke ake I mauga o le kau kaia.

Taagapati 21:4

Ko ni mata fia taualuga mo se loto fia nealasi, Ko nea ana e fakasa ia le agasala a le kau agaveli.

Taagapati 30:13

E i ai se tau tagata leia e apele ona mata i le vesia, Ti e tio fakaveli ki tagata fuli.

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 24:21

I le temi lena, e tautea loa e le Eteleno i le lagi le kau tau o aluga, Ti mo sau o le malama nei i le malama nei.

Esaia 27:7

Pe na taai e le Eteleno a Iselaele, ofaipe lana taai latou ala na taai ia a ia ? Pe na tamate e ia ofaipe lana tamate latou ala na tamate ia a ia ?

Esaia 27:9

Koia na fakamolemole loa i ai le agasala a Sakopo, Ti ko leinei le fua o le fakamolemole o lana agasala : Kua fakaliliu e le Eteleno a fatu fuli o aletale Ke tatau mo ni fatu lase ala kua efu ; Ti e leaise toe fakatuu ake loa ki aluga a taulaatua o Asetalate mo fakatata o le laa.

Esaia 29:14

Koia e kau toe taai ai loa le kakai leinei Ki ni nea fakatalatupua mo ni milakulo ; Ti e puli loa le poto o lona kau poto, Ti e puli loa le atamai o ona kau tagata atamai.

Esaia 33:1

Malaia kiate koe leia e maumaui ia a nea fuli, Kae na leaise maumaui ! Leia e kaia, kae na leikiaise kaia iate ia ! Io, ka oki loa lau maumaui, e maumaui loa a koe ; Ti ka oki loa lau kaia, e kaia loa iate koe.

Esaia 37:23

Ko ai leia na ke gologolo ki ai ti na ke lauveli ki ai ? Ko ai leia na ke masau leo lasi ki ai ? Kua ke siki ou mata ki aluga Ki le Sagato o Iselaele.

Esaia 37:29

Talie kua ke itaita kiate au, Ti kua logo mai au masau matasoka ki oku taliga, E kau tuii loa laku matau ki lou isu, ti mo laku fakagutu ki ou laugutu, Ti e kau toe fakaliliu loa a koe i le ala leia na ke au ai.

Esaia 5:15

E tuku loa ki le kele le kau liliki, ti e fakataulalo loa le kau lalasi, Ti e saele tulolo loa le kau fia nealasi fuli.

Esaia 50:11

Ko leinei, ko koutou fuli ala e tafu ia se afi, Ti e too ia ni taume ulaula, Kotou ano ki loto malie o lakoutou afi mo akoutou taume ulaula ! Ko loku lima leia e fakasoko ia loa a nea ana kia koutou ; E kotou momoe loa i le mamae.

Esaia 65:7

O akoutou agaveli, e pati le Eteleno, ti mo agaveli o okoutou tamana, Ala na tutu ia le iseso i aluga o mauga, ti na nukinuki kiate au i aluga o mauga liliki ; E kau fuafua loa kia latou le totogi totonu o alatou gaoi i le temi kua sili.

Esaia 9:9

Kua maluluku ki lalo ni piliki, Kae e motou toe lagai loa latou ki ni fatu ta ; Kua tuutuu ki lalo ni pou sikomole, Kae e motou toe fetogi loa latou ki ni pou sete.

Selemia 25:29

Talie ko leinei, kua kau kamata fai le veli I le kolo leia e kalagai ai loku suafa ; Ti ko koutou, pe kotou sala tautea loa ? E leaise kotou sala loa i le tautea ; Talie e kau kalagai loa le seleta ki kakai fuli o le malama nei, E pati le Eteleno o kau tau.

Selemia 50:18

Koia e folafola ai le Eteleno o kau tau, le Atua o Iselaele, o pati : Ko leinei, e kau tautea loa le sau o Papilone mo lona fenua, Ofaipe laku tautea le sau o Asilia.

Selemia 50:32

E seke loa le taine fia nealasi o vilo ki lalo, ti E leaise toe lagai loa a ia ki aluga e se tasi. E kau tuku loa le afi ki ona kolo, Ti e kai loa e ia ona tafatafa fuli.

Esekiele 31:10

Koia e folafola ai le Aliki, le Eteleno, o pati : O tupu na malaga lona kuaga ki aluga, O tupu na malaga lona tumutumu i laakau fuli o le vaomatua, Ti na fia nealasi lona loto i lona taualuga,

Esekiele 31:14

O tupu ke aua na toe malaga ki aluga taulu o laakau fuli ala e tuu i tafatafa o le vai, Ti ke aua na toe masiki olatou tumutumu i laakau o le vaomatua, Ti ke aua na toe taualuga a sene fuli ala e fakavai tuumau. Talie kua tuku ki le mate a nea fuli mo fanau a le tagata, Ti e lotou ifo loa ki le loloto o le kele, Mo latou ala e ifo ki le popoko.

Taniela 11:45

E fakatuu loa e ia ona falela fakasau i le vasa o le tai mo le mauga tapu o le fenua manuia. Ti e kaku loa a ia ki lona fakaoki, kae e leaise tokoi fua se tasi kiate ia.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Numelo 24:24

Kae e au loa ni vaka mei Kitimi, E lotou fakamamae loa le kau Asilia, e lotou fakamamae loa le Epeleo ; Ti e toe maumaui loa mo ia foki.

Mateo 12:33

E kotou pati : e malie le laakau, ti e malie lona fua ; e kotou pati foki : e veli le laakau, ti e veli lona fua ; talie e iloa le laakau i lona fua.

Mateo 15:19

Talie e au mei le loto a manatu veveli, mo tukipo, mo tono, mo oli veli, mo kaia, mo fakamaoki loi, ti mo fatituu.

Tetelonome 32:27

Kae na kau i na gologolo loa olatou fili kiate au, Ti mo lotou pati loa ko latou ala na fai ia le nea lena, O lotou manatu loa na leaise fai e loku lima a nea fuli ana.

Uluaki tosi a Petelo 4:17

Talie ko leinei kua kamata le fakamaau, ti e kamata a ia i le fale o le Atua. Io, kapau kua kamata a ia kia tatou, e feaki ake loa le fakaoki o latou ala e leaise fakalogo ki le Evaselio a le Atua ?