Esaia 10:1 - Tosi Tapu

¹ Malaia kia latou ala e tuku ia ni fakatotonu veli, Ti mo latou ala e tosi ia ni lao sala,

Esaia 10:1 ပူးပေါင်းရင်းမြစ်များ

Uluaki tosi o Sau 21:13

ti na au loa ni tagata agaveli e toka lua, o tuu i mua o Napote, ti na la fakalakasala loa Napote i mua o le kakai, o pati : Na lauveli Napote ki le Atua mo le sau ! Ti na lotou ave loa Napote ki le tua kolo, ti na lotou tukifatu loa a ia, o mate.

Pesalemo 58:2

Pe feala ke fanaki kia koutou, mo ka kotou fakalologo ? Pe kotou fakamaau i le faitotonu, vosa o le tagata ?

Ekesote 23:3

Aua na ke fakafetuu tasi loa ki le tagata mativa i lona fakamaau.

Ekesote 23:6

Aua na ke fakalakasala loa le tagata mativa i le fakamaauaga, i se nea leia e tonu ke maua e ia.

Esaia 29:21

Latou ala na tuku ia ni sala ki ni iki i le fakamaauaga, Na fai ia ni masele ki tui fakamaau i le matapa, Ti na fakatua noa ia leia e mea.

Esaia 3:11

Malaia ki le tagata agaveli ! E nofo loa a ia i le veli, Talie e kai loa e ia le fua o ona lima.

Esaia 3:14

Kua fakamaaui e le Eteleno A kau matua o lona kakai mo ona kau pule : Na kotou kai loku faisaga vite ! Ti na kotou fakaapele okoutou fale ki nea ala na kotou kaia i le kau mativa !

Esaia 5:11

Malaia kia latou ala e makape usuusu o afa ni kava makeke, Ti e fakaoki tausala lalatou inu vino i le pouli !

Esaia 5:18

Malaia kia latou ala e toso ia le agaveli ki maea o le aga fakalialia, Ti mo le agasala ki maea o le kaka,

Esaia 5:23

Kia latou ala e fakatonu ia leia e sala ki se nea alofa, Kae e fakalakasala ia latou e saosaoa !

Esaia 5:8

Malaia kia latou ala e kauga ko le fakatuu fale, Ti mo latou ala e kauga fai ko le fai o ni faisaga, O fakaoki ake e leaise koi maua se ganea lauatea, Ti kua lotou nonofo tefua i le fenua katoa !

Esaia 59:13

Io, na motou agasala ti na motou agatuu ki le Eteleno, Na motou tiaki lomatou Atua ; Na motou masau ki le agamakeke mo le agatuu, Na motou faufau mo fakakaukaui i omatou loto ni masau loi ;

Esaia 59:4

E leaise fai e se tasi se tagi i le maoki, E leaise fai e se tasi se fakamaau i le faitotonu ; E lotou fanaki ki nea noa, ti e lotou lau ni nea salasala ; E lotou fakakaukaui le veli, ti e lotou fanaui le agasala.

Selemia 22:13

Malaia kiate leia e laga ia lona fale i le lee faitotonu, Ti e fakalasi ia ona lau fata i le agaveli, Leia e fakagaoi ia lona oloi kae leaise totogi, Kae leaise se soli kiate ia lona totogi !

Amosi 2:7

E lotou loto ke tio ki le efu o le kele i le ulu o le kau fakaaloalofa, Ti e lotou tiaki le tagi a le kau mativa. E ano le vosa mo le tamana ki le taine e tasi, O tupu ke fakakelekele loku suafa maokioki.

Mikea 6:16

E tausi a agai fenua a Omeli Ti mo aga fuli o le fale o Akapo, Ti e kotou saele i alatou tokoi ; Koia leia e kau tuku ai loa a koe ki le maumau, Ti e kau fakaliliu loa lou kakai ko se nea fakakata, Ti e ke amo loa le luma o loku kakai.

Apakuki 2:12

Malaia ki leia e fakatuu ia se kolo ki le toto, Leia e fakatuu ia se kolo ki le agaveli !

Apakuki 2:15

Malaia ki leia e fakainu ia lona oloi, Kiate koe leia e liligi ia lau fagu vino ke fakainu ai a ia ke kona, O tupu ke tio ki lona telefua !

Apakuki 2:19

Malaia ki leia e pati ki le laakau : Tuu ki aluga ! Ki se fa fatu gutu mate : Alaala ! Pe fakasa loa e ia se nea ? Ko leinei, e teuteui a ia ki le aulo mo le siliva, Kae e leaise maua iate ia se laumalie leia e fakamauli ia a ia.

Apakuki 2:6

Pe leaise liliu loa a ia ki kakai fuli ko ni nea fakakatai, Mo se nea fakagologolo mo se nea fakaofolele ? E pati loa : Malaia ki le tagata leia e fakatuuga ia a nea ala e leaise ko ni ana nea ! E kaku loa ki afea ?… Malaia ki le tagata leia e fakatuuga ia ona maua !

Apakuki 2:9

Malaia ki leia e tanaki ia ki lona fale ni totogi kaia, O tupu ke fakatuu lona ofaga i se ganea taualuga, Ke sao ai i le lima o le malaia !

Mateo 11:21

Malaia kiate koe, Kolasini ! Malaia kiate koe, Petesaita ! Talie, kanapau na fai a milakulo ala na fai i loto malie o koutou i Tile mo Sitone, kua fualoa ake lolatou fakasemala, o too le taga mo le mugalafu.

Mateo 23:23

Malaia kia koutou, kau sekelipa mo kau faliseo malualoi ! Talie e kotou totogi le vaega kau agafulu o le menete, mo le aneti, mo le kumini, kae e kotou tuku kese a nea mauiga o le lao, le faitotonu, mo le manavaalofa, ti mo le maokioki : Ko na a nea ala e tonu ke fai, ti e leaise fakanoai foki mo la ake a nea.

Mateo 23:27

Malaia kia koutou, kau sekelipa mo kau faliseo malualoi ! Talie e kotou faipe ni tanuma tetea, ala e sa mai i tafa e fulumalie, kae i loto, e kotou apele ko ivi mate ti mo kelekele fuli.

Mateo 23:29

Malaia kia koutou, kau sekelipa mo kau faliseo malualoi ! Talie e kotou fau a tanuma o le kau polofeta, ti e kotou teuteui a tanuma o le kau agatonu,

Mateo 26:24

E ano le Vosa o le tagata, o mulimuli ki le nea leia kua tosi kiate ia. Kae malaia ki le tagata leia e fakatau ia le Vosa o le tagata ! E malie ake ke aua na tupu le tagata lena.

Luka 11:52

Malaia kia koutou, kau toketa o le lao ! Talie na kotou too le kalavi o le poto ; na leaise kotou ulu a koutou totonu, ti na kotou tapui ke ulu latou ala na fia ulu ki ai.

Soane 19:6

I le tio a le kau pule faisakilifisio ti mo le kau leo kiate ia, na lotou kalaga leo lasi loa : Kulusifikoi ! Kulusifikoi ! Na pati loa Pilato kia latou : Kotou too a ia e koutou totonu, ti kotou kulusifiko a ia ; talie ko au, e leaise kau maua fua se sala iate ia.

Soane 9:22

Na pati fenaaki loa ona matua talie na la i ki le kau Sutea ; talie kua tuku e le kau Sutea ke fakamavae mei le sinakoka latou fuli ala e fakasa ia ko Sesu ko le Kilisito.

Suta 1:11

Malaia kia latou ! Talie kua lotou muli i le ala o Kaino, ti kua lotou fakatau latou o tupu ko se totogi ki le sese o Palaame, ti kua lotou mamate i le agatuu a Kole.