Esaia 1:6 - Tosi Tapu

⁶ Mei le tagavae o kaku ki le ulu, e leaise ganea fua koi malie : Ko lavea ata, mo kafo, mo papala, Ala na leaise sai, pe na faitoo, pe na tului ki se lolo.

Esaia 1:6 ပူးပေါင်းရင်းမြစ်များ

Lua tosi a Samuele 14:25

I Iselaele katoa, na leaise maua se tasi ke tupulaga ofaipe Apesalone ; mei ona taga vae o kaku ki le fa ulu na leaise maua fua se ga mele e tasi.

Sopo 5:18

E fai e ia le mamae, kae toe fakamauli foki e ia ; E fai e ia le lavea, kae toe faitoo a ia e lona lima.

Pesalemo 77:2

E pale loku leo ki le Atua, ti e kau tagi ; E pale loku leo ki le Atua, ti e fakalogo mai loa a ia kiate au.

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Selemia 17:9

E pikopiko le loto o fakalaka i nea fuli, ti e agaveli a ia : Ko ai e mafai ke iloa ia a ia ?

Selemia 30:12

E folafola le Eteleno, o pati : E veli ai lou kafo, E mamae ai lou lavea.

Selemia 30:15

Kolea e ke tagi ai i lou kafo, Ti mo le mamae o lou lavea ? Kua kau fakamamae a koe ki nea ana O tupu ko le lasi o au agaveveli, Ti mo le mauke o au agasala.

Selemia 33:6

Ko leinei, e kau soli loa kiate ia le mauli mo le malolo, ti e kau faitoo loa latou, Ti e kau fakamavaa loa kia latou se matapuna lasi o le tokamalie mo le agatonu.

Selemia 6:14

E lotou faitoo fakakaka le lavea o le taine o loku kakai ; E lotou pati : Tokamalie ! tokamalie ! Kae e leai se tokamalie ;

Selemia 6:7

Ofaipe se vai e mapuna mei se sosoni, E mapuna foki lona agaveli meiate ia ; E masau ata iate ia ki le fakamakeke mo le maumau ; E tio tuumau oku mata ki le mamae mo lavea.

Naume 3:19

E leai se faitoo ki lou lavea, E mateia lou lavea. Ko latou fuli ala e logo loa ki le masau kiate koe E pasipasi loa olatou lima kiate koe ; Talie ko ai leia na leaise kaku ki ai lou agaveli ?

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Mateo 9:12

I le logo a Sesu kia latou, na pati loa a ia kia latou : E leaise ko latou ala e saosaoa e aoga ki ai le toketa, kae ko le kau masaki.

Luka 10:34

Na fakafeofi loa a ia kiate ia, ti na liligi loa e ia se lolo mo se vino ki ona lavea, ti na sai loa e ia latou ; ti na luluku loa e ia le tagata o fakaeke ki lana manu fanoga, ti na ave loa e ia a ia ki se fale talifanoga, ti na tokaga loa a ia kiate ia.