Esaia 1:5 - Tosi Tapu

⁵ Koa ni tautea foou ke teki kia koutou ? Talie kua kotou liuliuga akoutou agatuu. Kua masaki le fa ulu katoa, Ti kua mamae le mafu katoa.

Esaia 1:5 ပူးပေါင်းရင်းမြစ်များ

Lua tosi o Sau 1:13

Na toe kakau loa e Akasia se tasi ake a pule mo lana kau tagata e tino lima. Na pale loa le tolu pule lena kia Elia ; kae i lana kaku loa kia Elia, na peluki loa e ia ona tuli i mua o Elia, ti na kolekole loa a ia, o pati : Tagata a le Atua, e kau kolekole atu ke mauiga kiate koe loku mauli mo le mauli o tagata anei e tino lima, ko au tagata fakasausau !

Lua tosi o Koloniko 28:22

I le lolotoga o lana nofo i le mamae, na soko atu e ia lana agasala ki le Eteleno, a ia, le sau ko Akase.

Neemia 9:34

Ko omatou sau, mo omatou pule, mo omatou tagata faisakilifisio, ti mo omatou tamana na leaise lotou taupau ia lau lao, ti na leaise lotou fakalogo ki au folafola, ti mo fakatokaga ala na ke fai kia latou.

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 31:6

Fanau a Iselaele, Kotou toe liliu mai ki leia na kotou agatuu veli ki ai !

Esaia 33:24

E leaise pati se tasi : E kau masaki ! E maua e le kakai o Selusalemi le fakamolemole o alatou agasala.

Esaia 9:13

Koia e taaki ai loa e le Eteleno le ulu mo le siku o Iselaele, Le taulu palemie mo le fa u i se aso fai e tasi.

Selemia 13:23

Pe feala ke fetogi e se tagata Etiopia lona kili, Ti mo se leopale ona pulepule ? E tatau foki mo koutou, pe feala ke kotou fai le malie, Koutou ala kua masani i le fai o le veli ?

Selemia 17:9

E pikopiko le loto o fakalaka i nea fuli, ti e agaveli a ia : Ko ai e mafai ke iloa ia a ia ?

Selemia 2:30

Na ano noa laku taai akoutou fanau ; Na leaise lotou tokaga fua ki le akonaki. Na kai e lakoutou seleta akoutou kau polofeta, Ofaipe se laione maumau.

Selemia 44:15

Ko tagata fuli ala kua iloa ia kua tutu e olatou avaga le iseso ki ni iki ake atua kese, mo fafine fuli ala na tutu i ai, ti na lotou api ai, ti mo le kakai katoa leia na nofo i le fenua o Esipito, i Patolosi, na tali loa kia Selemia :

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Selemia 5:5

E kau ano loa ki le kau lalasi, ti e kau masau loa kia latou, Talie ko latou, e lotou iloa le ala o le Eteleno, Le lao o lolatou Atua ; Kae kua lotou fatii fulifuli le laakau taki, Kua lotou motusi a sai.

Selemia 9:3

E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.

Tagi laulau a Selemia 5:17

Kapau e mamae omatou loto, Kapau e fakapouli omatou mata,

Esekiele 24:13

Selusalemi, kua ke kelekele o tupu ko au aga fakalialia fuli. Na kau loto ke fakamea a koe, kae na leaise ke tuku ke fakamea a koe. Koia e leaise feala loa ke ke liliu o mea, o kaku ki laku liligi kiate koe loku sausau katoa.

Esekiele 34:16

E kau afa loa le ovi leia na puli noa, ti e kau aumai loa leia na sese, ti e kau sai loa le lavea o leia na lavea, ti e kau fakamakeke loa leia na masaki. Kae e kau maumaui loa a ovi ala e pepeti mo makeke. E kau taupau loa latou i le faitotonu.

Esekiele 34:4

Na leaise kotou fakamakeke le ovi gaegae, ti mo faitoo le ovi masaki, ti mo sai le ovi lavea ; na leaise kotou aumai le ovi sese, ti mo afa mai le ovi puli noa ; kae na kotou pulei fakamakeke latou.