Esaia 1:3 - Tosi Tapu

³ E iloa e le pipi lona pule, Ti mo le asino le fale manu o lona pule : Kae e leaise iloa e Iselaele se nea fua e tasi, E leaise maua fua e loku kakai sona ga atamai.

Esaia 1:3 ပူးပေါင်းရင်းမြစ်များ

Pesalemo 94:8

Ke kotou tokaga, tagata valelea ! Kau sala atamai, koafea e kotou popoto ai loa ?

Taagapati 28:5

Ko tagata ala e fai ia le veli e leaise matala ki le nea leia e totonu ; Kae ko latou ala e afa ia le Eteleno e matala ki nea fuli.

Taagapati 6:6

Ano ki le fa lomimi, a koe leia e gasueveli ; Tio ki ona ala, ti liliu o poto.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 42:20

Na ke tio ki nea mauke ai, kae na leaise ke tokaga fua ki ai ; Na fakamavaa a taliga, kae na leaise logo fua.

Esaia 44:18

E leaise lotou maua se atamai, e leaise lotou matala fua ki se nea, Talie na tapono olatou mata ke aua na lotou tio, Ti mo olatou loto ke aua na lotou matala.

Esaia 5:12

Ko le alepe, mo le lute, mo le nafa, mo le fulute, ti mo le vino e fakaalaala ia alatou lafeti ; Kae e leaise lotou tokaga fua ki le gaoi a le Eteleno, Ti e leaise lotou tio fua ki le gaoi o ona lima.

Esaia 5:13

Koia e ave fakapunamauli loa loku kakai o fakapopula : E mamate loa ona kau lalasi i le fia kai, Ti e mamate loa lona kakai toka api i le fia inu.

Esaia 56:11

Ti ko ni kuli uakai latou ala e leaise toe makokona ; Ko ni tagata tausi manu latou ala e leaise matala ki se nea ; E lotou tasi mulimuli fuli i lona ala, O tasi fai le nea e malie kiate ia, o kaku ki le mulimuli :

Selemia 10:14

E liliu a tagata fuli o valelea i mua o lona poto, Ti e luma a tagata gaoi ukamea fuli i le fakatata leia na lotou fau ; Talie ko loi ata a taulaatua ana, E leaise maua fua se tukumanava ia latou.

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 35:16

Io, kua taupau e vosa o Sonatape, vosa o Lekape, a fakatotonu ala na tuku e lolatou tamana kia latou, kae e leaise fakalogo le kakai leinei kiate au !

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 50:6

Ko loku kakai ko se kau ovi leia na puli noa ; Na fakasese latou e olatou tausi ovi, o taki latou i mauga ; Na lotou ano mei mauga lalasi ki mauga liliki, Kae galo lolatou lotoa.

Selemia 8:7

Io, e iloa foki e le amatuku i le lagi lona temi leia e tonu ke ano ai ; E iloa foki e le lupe, mo le pekapeka, ti mo le amatuku Le temi leia e tonu ke lotou toe liliu ai ; Kae e leaise iloa fua e loku kakai le lao a le Eteleno.

Esekiele 16:30

Oiau ! Ki le lasi o le gaegae o lou loto, e pati le Aliki, le Eteleno, i lau aga o fai a nea fuli ana, ala ko le gaoi a se fafine pule i le faiaga.

Taniela 9:11

Kua maumaui e Iselaele katoa lau lao, ti kua lotou mafuli kese talie ke aua na lotou fakalogo ki lou leo. Koia kua liligi ai kia matou a malaia ala na tosi i le lao a Moisese, le tagata fakasausau a le Atua, talie kua motou agasala ki le Atua.

Oseo 2:8

Koia, e kau tapono loa lona ala ki ni laakau talatala ti e kau fakatuu loa i ai se kau a, o tupu ke aua na toe maua e ia ona ala.

Mateo 13:19

Ka logo se tagata ki le folafola o le Puleaga kae e leaise matala a ia ki ai, e au le pule veli o too le nea leia na muluki i lona loto : Ko le tagata lena leia na tali ia le fakaili i tafatafa o le ala.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Lua tosi a Petelo 3:5

E leaise lotou fia iloa le nea leinei : Na maua i mua ni atu lagi i le folafola a le Atua, ti mo se malama nei leia na toso mei le vai ti na fai ki le vai,