Esaia 1:28 - Tosi Tapu

²⁸ Kae e maumaui loa latou fuli ala e agatuu mo latou fuli ala e agasala, Ti e mamate loa latou fuli ala e tiaki ia le Eteleno.

Esaia 1:28 ပူးပေါင်းရင်းမြစ်များ

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Lua tosi o Koloniko 21:10

Na talu mei ai le agatuu a Etome ki le pule a Suta o kaku mai ki le aso nei. Na toe agatuu foki Lipena i le temi lena ki le pule a Suta, o tupu na tiaki e Suta le Eteleno, le Atua o ona tamana.

Lua tosi o Koloniko 28:23

Na fai loa e ia ni sakilifisio ki atua o Tamaso, ala na tautea ia a ia, o pati loa a ia : Talie e tokoi a atua o sau o Silia kia latou, e kau fai loa ni sakilifisio kia latou ke lotou tokoi mai kiate au. Kae ko le tupuaga loa lena o lona malaia, o ona mo Iselaele katoa.

Lua tosi o Koloniko 28:6

Na tamate loa e Pekase, vosa o Lemalia, i le aso e tasi i Suta ni tagata e tino lelau tino lua afe, tagata toa fuli, o tupu na lotou tiaki le Eteleno, le Atua o olatou tamana.

Sopo 31:3

Pe leaise ko le vaega o le kau agasala ko le maumau ? Pe leaise ko le vaega o latou ala e fai ia le agaveli ko le malaia ?

Sopo 34:26

E tamate e ia latou Ofaipe ni kau tukipo i mua o le kakai.

Sopo 34:27

Talie na lotou maliu kese iate ia, Talie na lotou tiaki ona ala,

Pesalemo 1:6

Talie e iloa e le Eteleno le ala o le kau agatonu, Ti ko le ala o le kau agasala e taki ia ki le malaia.

Pesalemo 104:35

Ke pupuli le kau agasala i le malama nei, Ti ke aua na toe maua le kau agaveli ! Loku laumalie, fakamalo ki le Eteleno ! Kotou fakafetai ki le Eteleno !

Pesalemo 125:5

Kae ko latou ala e saele i ala pikopiko, Ke maumaui latou e le Eteleno o fakatasi mo latou ala e fai ia le veli ! Ke nofo le tokamalie i Iselaele !

Pesalemo 37:38

Kae e maumaui fuli le kau agatuu, Ti e motusi le sakoga o le kau agaveli.

Pesalemo 5:6

E leaise tutuu le kau vale i ou mua ; Ti e ke vesia kia latou fuli ala e fai ia le agaveli.

Pesalemo 73:27

Talie ko leinei, ko latou ala e fakamamao iate koe e mamate ; E ke maumaui latou fuli ala na vesia kiate koe.

Pesalemo 9:5

Talie na ke puipui loku faitotonu mo laku gaoi, E ke eke i lou ekeekeaga fakasau o fakamaau i le faitotonu.

Pesalemo 92:9

Kae ko koe, ko le Taualuga a koe, O lee gato, ei Eteleno !

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Esaia 24:20

Kua matuletule le malama nei ofaipe se tagata kona, Kua matule a ia ofaipe se fale pola ; Kua taomi a ia e lana agasala, Kua siga a ia ki lalo, Ti e leaise toe tuu ake a ia ki aluga.

Esaia 30:13

E liliu loa le sala lena kia koutou Ofaipe se mafaa i se paa taualuga leia e talitali fai ke solo ; E sa loa se makita i le mafaa, ti e fokifa fai kua solo a ia i le temi e tasi :

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Esaia 50:11

Ko leinei, ko koutou fuli ala e tafu ia se afi, Ti e too ia ni taume ulaula, Kotou ano ki loto malie o lakoutou afi mo akoutou taume ulaula ! Ko loku lima leia e fakasoko ia loa a nea ana kia koutou ; E kotou momoe loa i le mamae.

Esaia 58:2

I aso fuli e lotou afa au, E lotou fia iloa oku ala ; Ofaipe se puleaga leia na fai ia le faitotonu Ti na leaise tiaki ia le lao o lona Atua, E lotou kole mai kiate au ni fakamaau faitotonu, E lotou oli ke fakafeofi ki le Atua.

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Esaia 65:11

Kae ko koutou, ala e tiaki ia le Eteleno, Ala e galoi ia loku mauga tapu, Ala e fakatuu ia se aletale kia Kate, Ti e fakaapele ia se ipu kia Meni,

Esaia 66:17

Ko latou ala e fakatapui mo fakamea i oloto, Ala e lotou ulu taki toka tasi ki ai, Ala e kai ki inati o puaka, Ki ni nea fakalialia ti mo ni kimoa, Ko latou fuli ana e mamate loa, e pati le Eteleno.

Esaia 66:24

Ti ka mavae loa mei ai, e tio loa Ki mate o latou ala na agatuu kiate au ; Talie e leaise mamate loa olatou ilo, ti e leaise toe mate loa lolatou afi ; Ti e lotou liliu loa ko se nea fakalialia ki le kakai katoa.

Selemia 17:13

Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Selemia 44:12

E kau too loa a toetoega o Suta, ala kua mafuli olatou mata o ano ki le fenua o Esipito, ke nofo i ai, ti e lotou mamate fuli loa. Io, ko le fenua lena e lotou vivilo ai loa, o mamate i le seleta, mo le oge, latou fuli mei leia e ikiiki o kaku ki leia e lasi ; ti e lotou liliu loa ko se nea fakalialia, mo se nea fakaii, mo fakatupu lauveli, mo fakalumaluma.

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.

Lua tosi a Petelo 3:7

kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Uluaki tosi a Samuele 12:25

Kae kapau e kotou fai le agaveli, e kotou mamate loa, koutou mo lokoutou sau.