Esaia 1:20 - Tosi Tapu

²⁰ Kae kapau e kotou patigataa ti kapau e kotou agatuu, E tafi loa koutou e le seleta, Talie kua folafola le gutu o le Eteleno.

Esaia 1:20 ပူးပေါင်းရင်းမြစ်များ

Sopo 36:12

Ti kapau e leaise lotou patigaofie, e lotou pupuli loa i le seleta, Ti e lotou mamate loa o tupu ko lolatou fakafefeka.

Ekesote 9:2

Kapau e leaise ke tuku loa le kakai ke ano, ti kapau e ke toe taofi loa a ia,

Esaia 3:11

Malaia ki le tagata agaveli ! E nofo loa a ia i le veli, Talie e kai loa e ia le fua o ona lima.

Esaia 3:25

E mamate loa au tagata i le seleta, Ti e mamate loa au tagata toa i le tau.

Esaia 34:16

Kotou afa i le tosi a le Eteleno, ti kotou lau ! E leaise se nea fua e tasi e leaise soko loa i nea fuli ana, E leaise puli loa se manu fua e tasi o latou. Talie na fakatotonu a ia e lona gutu. Ko lona Laumalie leia e tanaki ia loa latou.

Esaia 40:5

Ti e fakasa loa le kololia o le Eteleno, Ti e tio loa kiate ia a tagata fuli i le temi fai lena ; Talie kua folafola le gutu o le Eteleno.

Esaia 58:14

Ti e ke maua loa lou fiafia i le Eteleno, Ti e kau ave loa a koe ki potu taualuga o le fenua, E kau fakafiafia loa a koe ki le tofiga o Sakopo, lou tamana ; Talie kua masau le gutu o le Eteleno.

Esaia 65:12

E kau tuku loa koutou ki le seleta, Ti e kotou peluki fuli loa a tuli ke tamate koutou ; Talie na kau kalaga atu, ti na leaise kotou tali mai ; Na kau masau, ti na leaise kotou fakalogo ; Kae na kotou fai le nea leia e veli ki oku mata, Ti na kotou filifili le nea leia e kau vesia ki ai.

Esaia 8:6

O tupu na tiaki e le kakai leinei a vai o Siloe ala e tafe mamalie, Kae na lotou fiafia ia Letisini mo le vosa o Lemalia,

Selemia 17:27

Kae kapau e leaise kotou fakalogo mo ka kau fakatotonu atu kia koutou Ke fakatapu le aso o le sapato, Ke aua na amo se amoga, Ke aua na fakaulu se amoga i matapa o Selusalemi i le aso o le sapato, Ti e kau tutu loa se afi i matapa o le kolo, Ti e kai loa e ia a fale fakaalialiki o Selusalemi, ti e leaise toe mate loa a ia.

Selemia 21:8

E ke pati loa ki le kakai lena : E folafola le Eteleno, o pati : Ko leinei, kua kau tuku i okoutou mua le ala o le mauli mo le ala o le mate.

Selemia 26:4

E ke pati loa kia latou : E folafola le Eteleno, o pati : Kapau e leaise kotou fakalogo i le temi leia e kau fakatotonu atu ai kia koutou ke mulimuli i laku lao leia na kau tuku ki okoutou mua,

Selemia 4:17

E lotou takatakai Selusalemi ofaipe latou ala e taupau ia se faisaga, O tupu na agatuu a ia kiate au, e pati le Eteleno.

Selemia 46:14

Kotou fakasa a ia i Esipito, Kotou fakasa a ia i Miketoli, Kotou fakasa a ia i Nofi mo Takepanese ! Kotou pati : Tuu ki aluga, teuteu, Talie e kai le seleta i ou tafa !

Levitiko 26:25

E kau lagai loa se tau ki lokoutou fenua, ke tautea ai koutou, o tupu ko lakoutou motusi ia laku sai ; e kotou sosola loa ki kolo, kae e kau fakasoko loa se taumasaki veli ke kotou vilo ai ki lima o okoutou fili.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Mikea 4:4

E lotou nonofo loa le tagata taki tasi i lalo o lana vite mo lona fiki, Ti e leaise toe fakamamae loa latou e se tasi ; Talie kua masau le gutu o le Eteleno o kau tau.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Tito 1:2

ala e fakatafito ki le amanaki malie o le mauli lee gato, leia na fakapapau i mua o sekulo fuli e le Atua leia e leaise loi,

Uluaki tosi a Samuele 12:15

Kae kapau e leaise kotou fakalogo loa ki le leo o le Eteleno, ti kapau e kotou fakatutuu loa ki le folafola a le Eteleno, e siki loa le lima o le Eteleno kia koutou, ofaipe lana siki a ia ki okoutou tamana.

Uluaki tosi a Samuele 12:25

Kae kapau e kotou fai le agaveli, e kotou mamate loa, koutou mo lokoutou sau.

Uluaki tosi a Samuele 15:29

Ko ia leia ko le makeke o Iselaele e leaise loi ti e leaise toe fakasemala, talie e leaise ko se tagata a ia ke fakasemala.