Esaia 1:19 - Tosi Tapu

¹⁹ Kapau e kotou maua se loto malie ti kapau e kotou patigaofie, E kotou kai loa a fua malilie tukupau o le fenua ;

Esaia 1:19 ပူးပေါင်းရင်းမြစ်များ

Esaia 25:6

Kua teuteu e le Eteleno o kau tau ki kakai fuli, i le mauga leinei, Se kaitasi o ni nea kai malilie, Se kaitasi o ni vino matua, Mo ni kanoi manu malilie mo gako, Mo ni vino matua, kua mea malie.

Esaia 3:10

Fakasa ki le tagata agatonu, e tapuakina loa a ia, Talie e fiafia loa a ia i fua o ana gaoi.

Esaia 58:14

Ti e ke maua loa lou fiafia i le Eteleno, Ti e kau ave loa a koe ki potu taualuga o le fenua, E kau fakafiafia loa a koe ki le tofiga o Sakopo, lou tamana ; Talie kua masau le gutu o le Eteleno.

Esaia 65:13

Koia e folafola ai le Aliki, le Eteleno, o pati : Ko leinei, e kai loa aku tagata fakasausau, kae e kotou fia kakai loa ; Ko leinei, e inu loa aku tagata fakasausau, kae e kotou fia inu loa ; Ko leinei, e fiafia loa aku tagata fakasausau, kae e kotou luma loa ;

Selemia 21:8

E ke pati loa ki le kakai lena : E folafola le Eteleno, o pati : Ko leinei, kua kau tuku i okoutou mua le ala o le mauli mo le ala o le mate.

Selemia 7:3

E folafola le Eteleno o kau tau, le Atua o Iselaele, o pati : Kotou fetogi okoutou ala mo akoutou gaoi, Ti e kau tuku loa koutou ke nofo i le fenua leinei.

Selemia 7:5

Kapau e kotou fetogi okoutou ala mo akoutou gaoi, Kapau e kotou fai le faitotonu i okoutou vasaa,

Selemia 7:7

Ti e kau tuku loa koutou ke nonofo i le ganea leinei, I le fenua leia na kau tuku ki okoutou tamana, I tautupu ki tautupu.

Soele 2:26

E kotou kakai loa ti e kotou makokona loa, Ti e kotou fakavikiviki loa ki le suafa o le Eteleno, lokoutou Atua, Leia na fai ia kia koutou ni nea fakamanamana ; Ti e leaise toe luma loa loku kakai.

Levitiko 25:19

E soli atu loa e le fenua ona fua kia koutou, ti e kotou kai loa o makokona, ti e kotou nonofo loa i ai i le fimalie.

Levitiko 26:3

Kapau e kotou mulimuli loa ki aku lao, ti kapau e kotou tausi loa aku folafola ti mo fai loa latou,

Levitiko 26:5

E leikiaise oki loa lakoutou sasa ia le fulumeto kae kua kotou tau loa le vite, ti e kaku loa le tatao o le vino ki le muluki o fakaili. E kotou kai loa lakoutou pane o makona ti e kotou nofo loa i lokoutou fenua i le fimalie.

Akeseo 1:12

Ko Solopapele, vosa o Saletiele, mo Sosue vosa o Sotesatake, le tagata faisakilifisio lasi, ti mo le toega fuli o le kakai, na logo loa ki le leo o le Eteleno, lolatou Atua, ti mo folafola a Akeseo, le polofeta, o mulimuli ki le kauga leia kua tuku kiate ia e le Eteleno, lolatou Atua. Ti na maua loa e le kakai se i ki le Eteleno.

Tetelonome 28:1

Kapau e ke fakalogo loa ki le leo o le Eteleno, lou Atua, o tausi ti mo fai ana folafola fuli ala e kau tuku atu kiate koe i le aso nei, e soli loa e le Eteleno, lou Atua, kiate koe le tuulaga uluaki i puleaga fuli o le kele.

Epelo 5:9

i le oki o lona siki ki le malie tukupau, na liliu a ia kia latou fuli ala e fakalogo kiate ia ko le pule o se saofaki lee gato,