Esaia 1:15 - Tosi Tapu

¹⁵ Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Esaia 1:15 ပူးပေါင်းရင်းမြစ်များ

Uluaki tosi o Sau 8:22

Na tuu loa Salomone i mua o le aletale o le Eteleno, o agaaga ki le fakatasiga katoa o Iselaele. Na siki loa e ia ona lima ki le lagi, o pati :

Uluaki tosi o Sau 8:54

I le oki o le fai e Salomone o lana kole katoa lena mo lana tagi lena ki le Eteleno, na tuu ake loa a ia ki aluga mei mua o le aletale o le Eteleno, leia na tutuli ai, mo ona lima na mafao ki le lagi.

Esetalasi 9:5

I le temi o le moliga o le afiafi, na kau tuu ake loa mei loku mafaia, mo oku kofu ti mo loku taupulupulu masaesae ; na kau tutuli loa ki lalo, o siki oku lima ki le Eteleno, loku Atua,

Sopo 27:20

E fakalomaki a ia e le malaia ofaipe le vai ; Ti e too a ia e le asesio i le pouli.

Sopo 35:13

E maumau noa le tagi, e leaise logo le Atua, Ti e leaise tokaga le Mafimafi.

Pesalemo 134:2

Kotou siki okoutou lima ki le sagatualio, Ti kotou fakafetai ki le Eteleno !

Pesalemo 55:1

Ki le pule o le kau sua. Mo ni nea faimusika va. Katiko a Tavite.

Pesalemo 66:18

Ka na kau fai ni manatu veveli i loku loto, Na leaise tali loa e le Aliki laku kole.

Ekesote 9:29

Na pati loa Moisese kiate ia : Ka kau mavae loa i le kolo, e kau siki loa oku lima ki le Eteleno, ti e tuku loa a mana, ti e leaise toe to loa se ua fatu, o tupu ke ke iloa e fakalogo le malama nei ki le Eteleno.

Taagapati 1:28

I le aso lena e lotou kalaga loa kiate au, kae e leaise kau tali loa ; E lotou afa loa au, kae e leaise lotou maua loa au ;

Taagapati 6:17

Ko mata ala e fia nealasi, mo le alelo leia e loi, Mo lima ala e liligi ia le toto saosaoa,

Esaia 4:4

I le oki o le fufulu e le Eteleno o kelekele o taineliki o Sione, Ti mo le fakamea o Selusalemi i le toto leia e maua i loto malie o ona, Ki le matagi o lona faitotonu mo le matagi o le maumau.

Esaia 45:15

Kae ko se Atua a koe leia e mumuni, Atua o Iselaele, le fakamauli !

Esaia 58:4

Ko leinei, e kotou sesunio ke visi, ke fefele, Ke ta fakamakeke okoutou kaito ; E leaise kotou sesunio ofai ki le uiga totonu o le aso lena, Ke logo lokoutou leo ki aluga.

Esaia 58:7

Vaevae lau pane mo leia e fia kai, Fakaulu ki lou fale latou e fakaaloalofa mo sala nofoaga ; Ka ke tio ki se tagata telefua, uufi a ia, Kae aua na ke maliu kese i leia e tatau mo koe.

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Esaia 8:17

E kau amanaki malie ki le Eteleno, Leia kua tapono ia ona mata ki le fale o Sakopo ; E kau tuku laku fanaki kiate ia.

Selemia 11:11

Koia e folafola ai le Eteleno, o pati : Ko leinei, e kau aumai loa kia latou ni malaia Ala e leaise feala ke lotou sao loa i ai. E lotou kalaga loa kiate au, Ti e leaise kau fakalogo loa kia latou.

Selemia 14:12

Kapau e lotou sesunio, e leaise kau fakalogo loa ki alatou tagi ; Kapau e lotou momoli ni failaulau mo ni moliga, e leaise kau tali loa latou ; Talie e kau loto ke maumaui latou ki le seleta, mo le oge, mo le taumasaki.

Selemia 4:31

Talie e kau logo ki ni tagi ofaipe ni tagi i le mamae a se fafine e lolotoga gaoi, Ni tagi o le mamae ofaipe se uluaki fanau. Ko le leo o le taine o Sione ; e tukumanava a ia, e siki e ia ona lima, O pati : Malaia kiate au ! E gaegae loku laumalie o tupu ko le kau tukipo !

Esekiele 11:6

Na kotou liuliuga a tukipo i le kolo leinei, Na kotou fakaapele a ala ki mate.

Esekiele 14:3

Vosa o le tagata, kua amo e le kau tagata lena olatou taulaatua i olatou loto, ti kua pipiki olatou mata ki le nea leia na fakavilo ia latou ki le veli. Pe e kau tuku loa ke lotou afa mai se nea kiate au ?

Esekiele 39:23

Ti e iloa loa e atu puleaga na tupu ko ana agasala Leia na ave ai le fale o Iselaele ki le popula, Na tupu ko ana agatuu kiate au ; Koia na kau fufu ai oku mata kia latou, Ti na kau tuku ai latou ki lima o le fili, O tupu ke lotou mamate fuli i le seleta.

Oseo 5:6

E lotou ano loa mo alatou ovi ti mo alatou pipi tagata o afa le Eteleno, Kae e leaise lotou maua loa a ia : Kua mavae a ia i loto malie o latou.

Mikea 3:4

Ti e lotou kalaga loa ki le Eteleno, Kae e leaise tali loa a ia kia latou ; E fufu loa e ia kia latou ona mata i le temi lena, Talie na lotou fai ni gaoi veveli.

Sakalia 7:13

Ka kalaga loa le Eteleno, na leaise lotou fakalogo : Koia e pati ai le Eteleno : na leaise kau fakalogo kia latou mo ka lotou kalaga mai kiate au.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Mateo 6:7

Ka kotou faikole, aua na kotou liuliuga ni kupu noa ofaipe le kau pagani, ala e manatu e tali loa alatou kole i le mauke o alatou masau.

Soane 9:31

E tou iloa e leaise tali e le Atua le kau agasala ; kae kapau e fakaapaapa se tasi ki le Atua mo fai ia lona finegalo, e tali e ia a ia.

Uluaki tosi kia Timoteo 2:8

Koia e kau loto ai ke faikole tagata fuli i ganea fuli, o siki ni lima mea, sala ita mo sala manatu veli.