Esaia 1:13 - Tosi Tapu

¹³ Kotou tuku le aumai o moliga noa : E kau fakalialia ki le iseso, Mo masina foou, mo sapato ti mo fakatasiga ; E leaise kau mafai ia le tio ki le tukipo i aso lalasi.

Esaia 1:13 ပူးပေါင်းရင်းမြစ်များ

Lua tosi o Sau 4:23

Ti na pati loa lona avaga : Kolea kua ke loto ai ke ke ano kiate ia i le aso nei ? E leaise ko se masina foou pe ko se aso sapato. Na tali loa le fafine : E leaise veli se nea.

Uluaki tosi o Koloniko 23:31

ti ke lotou momoli tuumau i mua o le Eteleno a failaulau fuli ki le Eteleno, i aso sapato, mo masina foou, mo aso lalasi, o mulimuli ki le lasi o aso mo nea fuli ala kua fakatuutuu kia latou.

Pesalemo 78:40

Na tua fia lalatou agatuu kiate ia i le toafa ! Na tua fia lalatou fakatupu ia lona sausau i le potu lavaki !

Ekesote 12:16

I le uluaki aso, e kotou fai loa se fakatasi tapu ; ti i le fitu o aso, e kotou toe fai loa se fakatasi tapu. E leaise fai loa se gaoi i aso ana ; ko le nea e tasi leia e fakataga ko le teuteui o le nea kai a le tagata taki toka tasi.

Taagapati 21:27

Ko le sakilifisio a le kau agaveli ko se nea fakalialia ; Tafito mo ka fai a ia mo ni manatu veveli.

Taagapati 7:14

Na tonu ke kau momoli se sakilifisio fakafetai, Ti na kau fakasoko i le aso nei aku fakapapau.

Esaia 66:23

I masina foou fuli ti mo sapato fuli, E au loa a kakai fuli o atolasio kiate au, e pati le Eteleno.

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Tagi laulau a Selemia 2:6

Na veteki e ia lona a ofaipe leia o se oloto, Na maumaui e ia le ganea o lana fakatasi ; Na galoi e le Eteleno i Sione a aso lalasi mo le sapato, Ti na tiaki e ia i lona sausau lasi le sau mo le tagata faisakilifisio.

Esekiele 20:39

Ti ko koutou, fale o Iselaele, e folafola le Aliki, le Eteleno, o pati : Ke kotou tasi ano o tausi ki ona taulaatua ! Kae i le oki o le nea lena, e kotou fakalogo mai loa kiate au, ti e leaise kotou toe fakakelekele loa loku suafa taputapu ki akoutou moliga mo okoutou taulaatua.

Oseo 2:11

Koia e kau toe too ai loa laku fulumeto i lona temi ti mo laku vino i lona lakaga, ti e kau too loa laku fului manu mo le kie leia na tonu ke fufu ia lona telefua.

Soele 1:14

Kotou logologo se sesunio, se fakatasi mamalu ! Kotou fakatasi a matua, mo kakai fuli o le fenua I le fale o le Eteleno, lokoutou Atua, Ti kotou tagi ki le Eteleno !

Soele 2:15

Kotou pupusi le fakatagi pupusi i Sione ! Kotou logologo se sesunio, mo se fakatasi mamalu !

Levitiko 26:31

E kau fakaliliu loa okoutou kolo o toafa, ti e kau maumaui loa okoutou fale tapu, o tupu ke aua na kau toe sauga ki le manogi malie o okoutou kaloni.

Malakia 1:10

Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.

Numelo 10:2

Fai kiate koe ni fakatagi pupusi siliva e lua ; e ke fai loa laua ki se siliva leia kua tuki ki le amale. E fakaaoga loa laua ki le fakatasii o le kakai ti mo le fakasa o le mavae o le nofolaga.

Mateo 15:9

E maumau noa lalatou fakavikiviki kiate au, Talie e lotou tuku ni lekula fakatagata ofaipe ni pelesepeto meiate au.

Luka 11:42

Kae malaia kia koutou, kau faliseo ! Talie e kotou soli le vaega kau agafulu o le menete, mo le lue, mo faasiga magiti kesekese, kae e kotou fakanoai le faitotonu mo le alofa o le Atua : E tonu ke fai a nea anei, ti ke aua na fakanoai foki mo nea ana.

Uluaki tosi ki le kau Kolinto 11:17

I le tuku atu o le valoki leinei, e leaise kau viki koutou, talie ka kotou fakatasi, e leaise tupu ke kotou liliu o asilisili malilie, kae ke kotou liliu o asilisili veveli oki.

Efeso 4:30

Aua na kotou fakamamae le Laumalie Maokioki o le Atua leia na fakamailoga ia koutou ki le aso o le letamisio.

Filipe 1:15

Ko le maoki, e fakasa e ni iki a Kilisito i se finenonofo ti mo se loto fefele ; kae e fakasa a ia e ni iki ake i ni manatu malilie.