Esaia 1:1 - Tosi Tapu

¹ Folafola kikite a Esaia, vosa o Amotesito, ki Suta mo Selusalemi, i le temi o Osiasi, mo Sotame, mo Akase, mo Esekiasi, sau o Suta.

Esaia 1:1 ပူးပေါင်းရင်းမြစ်များ

Lua tosi o Sau 15:1

I le kau lua tupu fitu fetuu o le sau o Selopoamo i Iselaele, na sau loa Asalia, vosa o Amatesia i Suta.

Lua tosi o Sau 15:13

Na sau loa Salume, vosa o Sapesi, i le fetuu kau tolu tupu iva o le sau o Osiasi i Suta. Na sau loa a ia i le masina e tasi i Samalia.

Lua tosi o Sau 15:32

I le fetuu lua o le sau o Pekase, vosa o Lemalia, sau o Iselaele, na sau loa Sotame, vosa o Osiasi, i Suta.

Lua tosi o Sau 15:7

Na mate loa Asalia ti na tanu loa a ia mo ona tamana i le kolo o Tavite. Ti na sau loa Sotame, lona vosa, o fetogi a ia.

Lua tosi o Sau 18:1

I le fetuu tolu o le sau o Ose, vosa o Ela, i Iselaele, na sau loa Esekiasi, vosa o Akase, i Suta.

Lua tosi o Sau 19:2

Na kakau loa e ia Eliakimi, pule o le fale o le sau, mo Sepena, le sekalaipe ti mo le kau ulumatua o kau tagata faisakilifisio kia Esaia, le polofeta, vosa o Amote. Na lotou kofu loa ki ni taga.

Lua tosi o Koloniko 26:1

Na too loa e le kakai katoa o Suta a Osiasi i lona fetuu kau agafulu tupu ono, o fakanofo ke sau o fetogi lona tamana ko Amatesia.

Lua tosi o Koloniko 26:22

Ko le toe o gaoi a Osiasi, mei le kamataaga o kaku ki le fakaoki, na tosi e Esaia, vosa o Amote, le polofeta.

Lua tosi o Koloniko 27:1

Na sau Sotame i lona fetuu kau lua tupu lima, ti na sau loa a ia i fetuu e kau agafulu tupu ono i Selusalemi. Na igoa lona tinana ko Selusa, taine o Satoke.

Lua tosi o Koloniko 28:1

Na sau Akase i lona fetuu kau lua tupu tasi, ti na sau loa a ia i fetuu e kau agafulu tupu ono i Selusalemi. Na leaise fai loa e ia le nea leia e totonu ki mata o le Eteleno, ofaipe Tavite, lona tamana.

Lua tosi o Koloniko 29:33

Ti na toe fakatapui foki mo pipi tagata e kau lelau ono ti mo ovi fafine e tolu afe.

Pesalemo 89:19

Talie ko le Eteleno ko lomatou paletau, Ko le Sagato o Iselaele ko lomatou sau a ia.

Esaia 13:1

Ko le folafola kikite ki Papilone, leia na fakasa kia Esaia, vosa o Amotesito.

Esaia 2:1

Folafola kikite a Esaia, vosa o Amotesito, ki Suta mo Selusalemi.

Esaia 20:2

I le temi lena na folafola le Eteleno kia Esaia, vosa o Amotesito, o pati kiate ia : Ano, o tatala le taga mei lou vakavaka ti mo ou taka mei ou vae. Na fai loa a ia ki ai, ti na ano telefua loa a ia, mo saele kilii vae.

Esaia 21:2

Kua fakatio au ki se nea fakaii. Kua fakaveliveli le tagata fakaveliveli, ti kua maumau le tagata maumau. Ei Elame, ke ke pale ! Ei Meti, ke ke takatakai le kolo ! Talie kua kau fakagato ai lona fia nealasi !

Esaia 37:2

Na kakau loa e ia Eliakimi, le pule o le fale o le sau, mo Sepina, le sekalaipe, ti mo le kau matua i le kau tagata faisakilifisio ki le polofeta ko Esaia, vosa o Amotesito. Na lotou kofu fuli ki ni taga.

Esaia 38:1

I le temi lena, na masaki loa Esekiasi, o teiteiki ke mate. Ti na au loa le polofeta ko Esaia, vosa o Amotesito, o pati kiate ia : Ko leinei le folafola a le Eteleno : Tuku au fakatotonu ki lou fale, talie ka ke mate loa, talie leaise ke toe mauli loa.

Esaia 40:9

Pale ki se mauga taualuga, Sione, o fakasa le logo malie ; Kalaga fakamakeke lou leo, Selusalemi, o fakasa le logo malie ; Kalaga leo lasi, aua na ke i, Pati ki kolo o Suta : Ko leinei lokoutou Atua !

Esaia 6:1

I le fetuu o le mate o le sau ko Osiasi, na kau tio ki le Aliki na eke i se ekeekeaga fakasau taualuga, ti na fakaapele e tapatapa o lona kofu le fale tapu.

Esaia 7:1

Na soko loa i le temi o Akasi, vosa o Sotame, vosa o Osiasi, sau o Suta, na pale loa Letisini, sau o Silia, mo Pekase, vosa o Lemalia, sau o Iselaele, ke taui Selusalemi, kae na leaise la mafai ia.

Selemia 23:16

E folafola le Eteleno o kau tau, o pati : Aua na kotou fakalogo ki masau a le kau polofeta, ala e faikikite atu kia koutou ! E lotou toso koutou ki ni nea noa ; E lotou fakasa a manatu o olatou loto, Kae leai le nea leia e au mei le gutu o le Eteleno.

Esekiele 1:1

I le kau tolu fetuu, i le aso lima o le masina fa, i laku nofo mo le kakai popula i le vaitafe o Kepale, na mavaa loa le lagi ti na kau tio loa ki ni nea fakaatua.

Oseo 1:1

Na fakasa loa le folafola a le Eteleno kia Ose, vosa o Peeli, i le temi o Osiasi, mo Sotame, mo Akase, ti mo Esekiasi, ko sau o Suta, ti mo le temi o Selopoamo, vosa o Soasi, sau o Iselaele.

Amosi 1:1

Masau a Amosi, ko se tasi o le kau tausi manu o Tekoa, tio na maua loa e ia ki Iselaele, i le temi o Osiasi, sau o Suta, ti mo le temi o Selopoamo, vosa o Soasi, sau o Iselaele, fetuu e lua i mua o le mafuike.

Amosi 4:5

Kotou fai akoutou sakilifisio fakafetai ki se pane fakatupu ! Kotou fakasa, kotou logologo akoutou moliga ala e kotou fai, Talie ko le nea lena e kotou loto ki ai, fanau o Iselaele, E pati le Aliki, le Eteleno.

Mikea 1:1

Na fakasa le folafola a le Eteleno kia Mikea, mei Moleseti, i le temi o Sotame, mo Akase, mo Esekiasi, sau o Suta, kikite ki Samalia mo Selusalemi.

Naume 1:1

Masau mamafa ki Ninive. Tosi o le folafola kikite a Naume, mei Elekosi.

Apakuki 2:2

Na masau mai loa le Eteleno kiate au, o pati : Tosi le folafola fakakikite : Togi a ia i ni laupapa, O tupu ke lau tuumau a ia.

Numelo 12:6

Ti na pati loa a ia : Kolua fakalogo malie mai ki aku masau ! Ka maua loa ia koutou se polofeta, ko se ata loa leia e kau sa ai loa kiate ia, a au ko le Eteleno, ti e kau masau loa kiate ia i se moe miti.

Numelo 24:16

Ko leinei le folafola a leia e logo ki folafola a le Atua, A leia e iloa ia a fakatuutuu loloto a le Taualuga, A leia e tio ki le tio a le Mafimafi, A leia e punou kae mavaa ona mata.

Numelo 24:4

Ko leinei le folafola a le tagata leia e logo ki folafola a le Atua, A leia e tio ki le tio a le Mafimafi, A leia e punou kae mavaa ona mata.

Mateo 17:9

I le lolotoga o lalatou ifo mei le mauga, na tuku loa e Sesu kia latou le fakatotonu leinei : Aua na kotou masau ki se tasi o uiga mo le nea leia na kotou tio ki ai, o kaku ki le toe tuuake o le Vosa o le tagata mei le kau mate.

Gaoi 10:17

Ti i le lolotoga fifili a Petelo ki le uiga o le nea leia na tio ki ai, ko leinei, na tutuu ake loa ki le matapa a tagata ala na kakau mai e Kolenelio, o afa le fale o Simone.

Gaoi 26:19

Talu mei ai, sau Akilipa, na leaise kau toe patigataa ki le nea leia na sa mei lagi :

Lua tosi ki le kau Kolinto 12:1

E tonu ke fakakololia… E leaise malie le nea lena. Kae e kau fia masau i le temi nei ki nea ala na kau tio ki ai mo logo ki ai ti na fakasa mai e le Aliki kiate au.

Lua tosi a Petelo 1:21

talie na leaise folafola fua e tasi na tuku mei se finegalo o le tagata, kae na ekenaki e le Laumalie maokioki ni tagata ke lotou masau mei le Atua.