Epelo 9:4 - Tosi Tapu

⁴ Na tuu i ai le aletale aulo ki kaloni, ti mo le aleka o le sai leia na kofu katoa ki le aulo. Na tuku i loto o le aleka se ipu aulo leia na tuku ai le mane, mo le tokotoko o Alone, leia na se, ti mo laui fatu o le sai.

Epelo 9:4 ပူးပေါင်းရင်းမြစ်များ

Uluaki tosi o Sau 7:50

Mo pesini, mo sele, mo ipu, mo ipu kavei, ti mo tanakiaga malala, mo saniele o le matapa o le potu taputapu ti mo le matapa o le potu tapu ; na lotou aulo mea fuli.

Uluaki tosi o Sau 8:21

Kua kau teuteui i ai se ganea ke tuku ai le aleka o le sai a le Eteleno, le sai leia na fai e ia mo otatou tamana, i le temi leia na fakamavae ai latou mei le fenua o Esipito.

Uluaki tosi o Sau 8:9

Na gato fai ki fatu e lua na tuku loa i loto o le aleka, fatu ala na tuku ki ai e Moisese i Olepe, i le temi leia na fai ai e le Eteleno lana sai mo fanau a Iselaele, i lalatou mavae mei le fenua o Esipito.

Lua tosi o Koloniko 5:10

Na tuku tefua i loto o le aleka a fatu e lua o le lao ala na tuku ki ai e Moisese i Olepe, i le temi leia na fai ai e le Eteleno lana sai mo fanau a Iselaele, i lalatou mavae mei Esipito.

Ekesote 26:33

E ke tau loa le lito ki fao, ti e i loto o le lito lena e ke fakaulu loa ki ai le aleka o le fakamaoki ; e vaei loa e le lito le potu tapu mo le potu taputapu.

Ekesote 31:18

I le oki o le masau a le Eteleno kia Moisese i le mauga o Sinai, na soli loa e ia kia Moisese a fatu e lua o le fakamaoki, ala na tosi e le lima o le Atua.

Ekesote 32:15

Na toe liliu loa Moisese, o ifo loa mei le mauga, mo fatu e lua o le fakamaoki ala na too e ia i lona lima ; na tosi a fatu i ola fetuu e lua, io, na tosi laua i leia fetuu mo leia fetuu.

Ekesote 34:29

Na ifo loa Moisese mei le mauga o Sinai, ti na too loa e ia i ona lima a fatu e lua o le sai ; na leaise iloa loa e ia kua gigila ona mata, talie na masau a ia mo le Eteleno.

Ekesote 37:25

Na fai loa e ia le aletale o kaloni ki le akasia ; ko lona loa ko satimeta e kau lima ti ko lona laulasi ko satimeta e kau lima ; na tatau fuli ona fetuu e fa, ti ko lona taualuga na meta tasi. Na tuu i ona tifi e fa ni tala e fa.

Ekesote 39:35

mo le aleka o le fakapapau mo ona amo, ti mo le nofoaga o le manava alofa ;

Ekesote 40:3

E ke tuku loa ki loto le aleka o le fakapapau, ti e ke tapono loa le aleka ki le lito.

Levitiko 16:12

E too loa e ia se tanakiaga malala leia kua apele i le malala kaka o le aletale leia e tuu i mua o le Eteleno, mo ni lukuga kaloni fakamanogi e lua na ali ki lona alofilima ; ti e ave loa e ia a nea ana ki loto o le lito tapono, ki le potu taputapu.

Numelo 17:10

Na pati loa le Eteleno kia Moisese : toe ave le tokotoko o Alone ki mua o le aleka o le fakamaoki, ke taupau a ia ofaipe se fakamailoga ki fanau o le agatuu, o tupu ke ke fakagato i oku mua alotou lalau, ti ke aua na lotou mamate loa.

Numelo 17:5

Ko le tagata leia e kau filifili loa ko ia leia e se loa lana tokotoko, ti e kau fakagato loa i oku mua a lalau ala e fai e fanau a Iselaele kia koulua.

Numelo 17:8

I le apogipogi ake, i le temi leia na ulu ai loa Moisese ki le falela o le fakamaoki, ko leinei, kua se le tokotoko o Alone, ki le famili o Levi : kua tupu i ai ni muko, mo ni se, mo ni fuai amatie leleu.

Tetelonome 9:11

I le oki o aso e kau fa mo po e kau fa, na soli mai loa e le Eteleno kiate au a laui fatu e lua o le sai.

Tetelonome 9:9

I le aso lena na kau pale ai loa ki le mauga, o tali a laui fatu o le sai leia na fai e le Eteleno mo koutou. Na kau nofo loa i le mauga i aso e kau fa mo po e kau fa, ti na leaise kau kai fua se pane ti mo inu fua se vai ;

Apokalipisi 11:19

Ti na fakamavaa loa le fale tapu o le Atua i le lagi, ti na sa loa le aleka o lona sai i lona fale tapu. Ti na i ai loa ni uila, mo ni leo, mo ni mana, mo se mafuike, ti mo se ua fatu makeke.

Apokalipisi 8:3

Ti na au loa se tasi ake aselo, o tuu i aluga o le aletale mo se tulipulo aulo ; ti na soli loa kiate ia ni kaloni mauke, o tupu ke momoli fakatasi e ia latou mo faikole a le kau sagato fuli, i aluga o le aletale aulo leia e tuu i mua o le ekeekeaga fakasau.