Epelo 9:28 - Tosi Tapu

²⁸ E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Epelo 9:28 ပူးပေါင်းရင်းမြစ်များ

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Levitiko 10:17

Kolea na leaise kolua kai ai le kanomate o le sakilifisio lena i le ganea tapu, talie ko se nea kai tapu a ia ? Kua tuku a ia e le Eteleno kia kolua, o tupu ke kolua amo ia le agasala o le kakai, o tupu ke kolua fai kiate ia le fakamolemole o agasala i mua o le Eteleno.

Sakalia 14:5

E kotou sosola loa i le vaivailiua o oku mauga, Talie e ano loa le vaivailiua o mauga o kaku ki Ateseli ; E kotou sosola loa ofaipe lakoutou sosola i mua o le mafuike, I le temi o Osiasi, sau o Suta. Ti e au loa le Eteleno, loku Atua, mo ana kau sagato fuli.

Numelo 18:1

Na pati loa le Eteleno kia Alone : Ko koe, mo ou vosa, ti mo le fale o lou tamana mo koe, e kotou amo ia loa le mamae o agasala ala na fai i le sagatualio ; Ko koe mo ou vosa, e kotou amo ia loa le mamae o agasala ala na fai i lakoutou gaoi fakapelepitelo.

Numelo 18:23

E fai loa e le kau Levi le tausi o le falela tapu, ti e lotou amo loa alotou sala. E leaise lotou maua loa se tofiga i loto malie o fanau a Iselaele : ko se lao loa lena ke tuku sosolo i okoutou sakoga.

Numelo 7:33

mo se pipi tagata muli, mo se ovi tagata, mo se akeno fetuu tasi, ki le failaulau ;

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Mateo 26:28

talie ko le nea leinei ko loku toto, ko le toto o le sai foou, leia na liligi ki le toka api, ke fakamolemole ai a agasala.

Soane 14:3

Ti ka kau ano loa, ti ka kau teuteui loa se nofoaga kia koutou, e kau toe liliu mai loa, ti e kau too loa koutou mo au, o tupu ko le ganea leia e kau nofo ai e kotou nonofo ai foki.

Gaoi 1:11

o pati : Tagata Kalilea, kolea e kotou nonofo ai i lena, o tio ki le lagi ? Ko le Sesu lena, kua ave ki lagi ia koutou, e toe au loa ofaipe lakotou tio ki lana ano ki le lagi.

Loma 3:25

Ko ia leia kua fakatuutuu e le Atua ko le failaulau fakamolemole o agasala kia latou ala e tui loa ki lona toto, o tupu ke fakasa ai lana faitotonu, talie na leaise fakatuaa e ia a agasala ala na fai i mua, i le temi o lona kataki fualoa.

Loma 5:15

Kae e leaise tatau le sala mo le soli noa ; talie, kapau i le sala a se toka tasi na mamate ai se toka api, e toe feaki ake loa le lasi o le liligi ki se toka api o le kalasia o le Atua ti mo le soli noa o le kalasia, i se fa tagata e toka tasi, ko Sesu-Kilisito.

Loma 6:10

Talie na mate a ia, ti na mate tua tasi a ia o tupu ko le agasala ; ti ko leinei kua toe liliu a ia ki le mauli, ti e mauli a ia ki le Atua.

Loma 8:23

Ti e leaise gato fua iate ia, kae ko tatou foki, a nei e maua ia a uluaki fua o le Laumalie, e tou fetagisi i otatou loto, o talitali ki lotatou fufui ti mo le saofaki o otatou tino.

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Uluaki tosi ki le kau Kolinto 1:7

Koia e leaise koi puli fua ia koutou se nea alofa, koutou ala e talitali ki le fakasa o lotatou Aliki ko Sesu-Kilisito.

Uluaki tosi ki le kau Kolinto 15:54

Ka kofu loa e le tino pala leinei le lee pala, ti ka kofu loa e le tino mate leinei le mauli lee gato, ti e soko loa le folafola leia e tuu i le Tosi : Kua folo le mate e le malo.

Uluaki tosi ki le kau Tesalonika 1:10

ti ke talitali mei le atu lagi ki lona Alo, leia na toe fakatuuake e ia mei le kau mate, Sesu, leia e fakamauli ia tatou mei le sausau ka au.

Lua tosi ki le kau Tesalonika 2:1

O uiga mo le toe liliu mai o lotatou Aliki ko Sesu-Kilisito ti mo latatou fakatasi mo ia, e motou kole atu, fetaina,

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Tito 2:13

o talitali ki le amanaki malie manuia, ti mo le fakasa o le kololia o lotatou Atua lasi ti mo lotatou Fakamauli ko Sesu-Kilisito.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Epelo 10:10

Ti e tupu ko le finegalo lena kua tou soko ai o maokioki ki le momoli o le tino o Sesu-Kilisito, tua tasi fuai.

Epelo 12:14

Ke kotou afa le tokamalie mo le kakai fuli, ti mo le maokioki, talie sala mo ia e leaise tio loa se tasi ki le Aliki.

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.

Epelo 5:9

i le oki o lona siki ki le malie tukupau, na liliu a ia kia latou fuli ala e fakalogo kiate ia ko le pule o se saofaki lee gato,

Epelo 7:27

leia e leaise aoga kiate ia, o tatau mo la ake kau pule fai sakilifisio, ke momoli e ia i aso taki tasi ni sakilifisio, o uluaki mua ki ana agasala totonu, ti oki ki agasala a le kakai. Talie na fai e ia le nea lena o tua tasi malie, i lana momoli a ia totonu.

Epelo 9:25

Ti na leaise ulu a ia ki ai ke momoli a ia totonu o tua mauke, ofaipe le ulu a le pule fai sakilifisio i fetuu fuli ki le sagatualio o momoli se toto kese ;

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Lua tosi a Petelo 3:12

Kotou talitali ti kotou gaoi ke soko vave le aso o le Atua, aso leia e maumaui ai loa e le afi le atu lagi, ti e okioki ai loa a nea o le lagi i le tutu e ula o le afi !

Uluaki tosi a Soane 3:2

Alofaaga, ko fanau tatou a le Atua i le temi nei, ti e leikiaise fakasa lotatou anoaga i le temi ka au ; kae e tou iloa, ka sa loa a ia, e tou tatau loa mo ia, talie e tou tio loa kiate ia totonu.

Uluaki tosi a Soane 3:5

Ti e kotou iloa, na sa Sesu ke too e ia a agasala, ti e leaise maua se agasala iate ia.

Suta 1:21

ke kotou nofo mau i le alofa o le Atua, o talitali ki le manavaalofa o lotatou Aliki ko Sesu-Kilisito o uiga mo le mauli lee gato.

Apokalipisi 1:7

Ko leinei, e au a ia mo ni ao. Ti e tio loa kiate ia a mata fuli, ti mo latou foki ala na sokai ia a ia ; ti e tagi mamae loa a faasiga fuli o le malama nei o tupu ko ia. Io. Amene !