Epelo 9:27 - Tosi Tapu

²⁷ Kua fakatuutuu ke mate tua tasi a tagata fuli, ti o soko mai loa le fakamaau.

Epelo 9:27 ပူးပေါင်းရင်းမြစ်များ

Senesi 3:19

E ke kai loa lau pane i le kavakavaia o lou lae, o kaku ki le aso leia e ke toe liliu ai loa ki le kele, leia na ke too mei ai ; talie ko le efu a koe, ti e ke toe liliu loa ki le efu.

Lua tosi a Samuele 14:14

E maoki e tonu ke tou mamate fuli, ti e tou tatau loa mo le vai leia e maligi ki le kele, leia e leaise mafai ke toe fakatasii ; e leaise too e le Atua le mauli, ti e leaise loto a ia ke mamao mei lona agai le tagata leia na sola.

Sopo 14:5

Kapau kua tosi a aso o le tagata, ti kapau kua ke lau ona masina ; Ti kapau kua ke fakatotonu le koiga ke aua na fakalaka ai,

Sopo 19:25

Kae e kau iloa e mauli loku fakamauli, Ti e tuu fakamuli ake loa a ia i le malama nei.

Sopo 30:23

Talie e kau iloa e ke taki au ki le mate, Ki le ganea leia e fakatasi ai latou fuli e mauuli.

Pesalemo 89:48

Ke ke manatui le toetoe o loku mauli ! Pe na ke fakatupu a vosa fuli o le tagata ke tuku latou ki le noa !

Ekelesiasi 12:14

Koia ei loku vosa, ke ke ako mei nea ana ; e leaise toe oki loa, mo kapau e loto ke fai se tuuga tosi, ti e fakatupu gaegae ki le tino le ako lasi.

Ekelesiasi 12:7

leia e tuania ai loa ki le nea leia e taualuga, leia e maua ai loa ni i i le ala, leia e se ai loa le amatie, leia e mamafa ai loa le seseivaka, leia e puli ai loa le manogi o le kapele, talie e ano le tagata ki lona nofoaga lee gato, ti e ano loa le kau tagi laulau i ala ;

Ekelesiasi 3:2

Se temi ke tupu ai, mo se temi ke mate ai, mo se temi ke to ai, ti mo se temi ke taaki ai le nea leia kua to ;

Ekelesiasi 3:20

E ano nea fuli ki le ganea e tasi ; na fai a nea fuli ki le efu, ti e toe liliu nea fuli ki le efu.

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Ekelesiasi 9:5

Talie e iloa e le kau mauli e lotou mamate loa ; kae e leaise iloa se nea e latou ala kua mamate, ti e leaise toe talitali ki se totogi, talie kua galo latou.

Luka 20:32

Ti na mate loa le fafine.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Loma 5:12

Koia, ofaipe le ulu o le agasala ki le malama nei i se tagata e toka tasi, ti i le agasala le mate, o kaku ai loa le mate ki tagata fuli talie na agasala tagata fuli…

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Lua tosi kia Timoteo 4:1

Koia e kau fakatotonu atu ai kiate koe i mua o le Atua, ti mo mua o Sesu-Kilisito, leia e tonu ke fakamaaui ia le kau mauli mo le kau mate, ti e kau kole atu a ia i le igoa o lana toe liliu mai mo lona puleaga,

Epelo 10:27

kae ko se talitali fakaii ki le fakamaau ti mo se afi kaka leia e tutu ia loa le kau fili o le Atua.

Epelo 6:2

mo le tui ki le Atua, mo le akonaki o papitema, mo le teki o lima, mo le toe tuuake o le kau mate, ti mo le fakamaau lee gato.

Uluaki tosi a Soane 4:17

Kapau e malie tukupau le alofa ia tatou, ti e tou apele loa i le loto toa i le aso o le fakamaau, talie e tatau lotatou mauli i le malama nei mo le mauli o Sesu-Kilisito.

Suta 1:15

ke fai se fakamaau ki tagata fuli, ti mo fakamaoki ki tagata agaveli fuli a gaoi veli fuli ala na lotou fai ti mo lauveli fuli ala na lau kiate ia e le kau agasala sala lotu.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.