Epelo 9:19 - Tosi Tapu

¹⁹ Ko Moisese, i le oki o lana fakasa i mua o le kakai katoa a fakatotonu fuli o le lao, na too ia loa le toto o uviki pipi mo koti, mo se vai, mo se kie kula, mo se taulu isopa, ti na fai loa e ia le afusi ki le tosi lao totonu ti mo le kakai katoa, o pati :

Epelo 9:19 ပူးပေါင်းရင်းမြစ်များ

Pesalemo 51:7

Ko leinei, na kau tupu i le agaveli, Ti na fanaui au e loku tinana i le agasala.

Ekesote 12:22

E kotou too loa se taulu isopa, e kotou fakasusu loa a ia ki le toto leia e tuku loa i le pesini, ti e kotou takai loa le kau matapa mo fa pou e lua o le matapa, ki le toto leia e tuku loa i le pesini. E leaise toe mavae loa se tasi o koutou mei lona fale o kaku ki le usu.

Esaia 52:15

Koia e liliu loa a ia ki le toka api ko se tupuaga o le fiafia ; I ona mua e tapono loa e ni sau olatou gutu ; Talie e lotou tio loa ki le nea leia na leaise fakamatala kia latou, E lotou logo loa ki le nea leia na leaise lotou logo ki ai.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Levitiko 1:10

Ti kapau ko lana moliga ko se manu ikiiki ki le failaulau, ko se akeno tagata muli pe ko se koti tagata muli, e momoli loa e ia se manu tagata lee mele.

Levitiko 3:6

Kapau e momoli e ia se manu ikiiki, tagata pe fafine, i se sakilifisio fakafetai ki le Eteleno, e ave loa e ia se manu lee mele.

Numelo 19:18

E too loa e se tagata mea se taulu isopa, o ukui loa aia ki le vai ; ti e afusi loa e ia ki ai le falela, mo nea fuli i loto, ti mo latou fuli ala e nonofo i loto, ti e toe tatau foki ki leia na lave ki ni ivii tagata pe ki se tanuma.

Numelo 19:6

E too loa e le tagata faisakilifisio se fafie sete, mo se taulu isopa, ti mo se fului ovi kula, ti e ti loa e ia latou ki loto malie o le afi leia e tutu ai le pipi fafine.

Mateo 27:28

Ti na lotou too loa ona kofu, kae lotou fakakofu loa a ia ki se taupulupulu kula malie.

Maleko 15:17

Ti na lotou fakakofu loa a ia ki se taupulupulu kula malie, ti na lotou teki loa ki lona ulu se pala talatala leia na lotou fili.

Maleko 15:20

Ti na oki loa lalatou gologolo lena kiate ia, na lotou too loa iate ia le taupulupulu, kae na lotou toe fakatui loa kiate ia ona kofu, ti na lotou ave loa a ia ke tutuki ki se koluse.

Soane 19:2

Ti na fili loa e le kau solia se palaa talatala o teki ki lona ulu, ti na lotou fakakofu loa a ia ki se taupulupulu kula ; ti na lotou fakafeofi ake loa kiate ia,

Soane 19:5

Na ulu mai loa Sesu ki fafo, kua pala a ia ki le pala talatala ti kua kofu a ia ki le taupulupulu kula. Ti na pati loa Pilato kia latou : Ko leinei le tagata.

Epelo 1:1

I mua, na masau le Atua i ni temi kesekese ti mo ni fai kesekese ki otatou tamana i le kau polofeta,

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Epelo 10:4

Talie e leaise feala ai ke too ia a agasala e le toto o pipi tagata ti mo koti.

Epelo 12:24

kia Sesu leia ko le tagata fakasoko pati o le sai foou, ki le toto o le afusi leia e masau malie ake i le toto o Apele.

Epelo 9:12

ti kua ulu tua tasi a ia ki le potu taputapu, ti na leaise ulu a ia mo le toto o se koti pe ko se uviki pipi, kae na ulu a ia mo lona toto totonu, ti kua maua e ia se totogi lee gato kia tatou.

Epelo 9:13

Talie kapau ko le toto o koti mo uviki pipi tagata, ti mo le mugalafu o se pipi fafine leia e liligi kia latou ala e kelekele, e fakamaokioki ia mo tuku ia le mea o le kanofi,

Epelo 9:18

Koia na leaise fakamaoki ai le uluaki sai i mua o le liligi o le toto.

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !