Epelo 9:14 - Tosi Tapu

¹⁴ e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !

Epelo 9:14 ပူးပေါင်းရင်းမြစ်များ

Lua tosi a Samuele 4:11

ti e feaki ake loa mo kapau kua tukipooi e ni tagata agaveli se tagata agatonu i lona fale, i lona moeaga, pe leaise toe kese ake loa laku afa lona toto ki okoulua lima, pe leaise kau tamate fenaaki loa koulua ?

Lua tosi o Sau 19:16

Eteleno ! Tuku mai lou taliga, ti ke fakalogo mai. Eteleno ! Fakamavaa ou mata, ti ke tio. Logo ki masau a Sanekelipe, leia na kakau ia mai Lapesake ke au o lauveli ki le Atua mauli.

Sopo 15:16

Ti e feaki ake loa le lasi o le fakalialia mo le kelekele o le tagata, Leia e inu ia le agasala ofaipe le vai ?

Pesalemo 51:2

I le au o le polofeta ko Natane kia Tavite, i le oki o lana ano kia Pate-Sepa.

Ekesote 12:5

E kotou too loa se akeno tagata lee mele, mo fetuu tasi. E feala ke kotou too loa se akeno pe ko se uviki koti.

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 53:9

Na tuku lona tanuma i le kau agaveli, Lona tanuma mo le tagata mou koloa, Kae na leaise fai e ia se veli, Ti na leaise maua se kaka i lona gutu.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.

Esekiele 45:18

E folafola le Aliki, le Eteleno, o pati : I le uluaki aso o le uluaki masina, e ke too loa se pipi tagata muli lee mele, ti e ke fai loa le fakamea o le fale tapu.

Taniela 6:26

E kau fakatotonu le nea leinei : I loku puleaga katoa, ke maua le i mo le fakaapaapa ki le Atua o Taniela. Talie ko le Atua mauli a ia, ti e mauli a ia o lee gato ; e leaise maumaui loa lona puleaga i se aso, ti e tuu loa lana pule o kaku ki le fakaoki.

Levitiko 22:20

E leaise kotou momoli loa se manu leia e maua ia se mele, talie e leaise tali malie loa a ia.

Numelo 28:11

I le uluaki aso o masina fuli, e kotou momoli loa ki le Eteleno, se failaulau ko ni pipi tagata e lua, mo se ovi tagata e tasi, mo ni akeno fetuu taki tasi e fitu, ko manu fuli ana e tonu ke lee mele.

Numelo 28:3

E ke pati loa kia latou : Ko leinei le sakilifisio tutu e le afi leia e kotou momoli loa ki le Eteleno : i aso fuli, ko akeno fetuu taki tasi e lua mo lee mele, ofaipe se failaulau leia e fai sosoko.

Numelo 28:9

I le aso o le sapato, e kotou momoli loa ni akeno e lua ala e fetuu taki tasi mo lee mele, mo se moliga nea kai ko kilo falina e ono ala kua lusi fakatasi mo le lolo, ti mo se moliga nea inu.

Mateo 12:28

Kae, kapau e kau kapu le kau temonio i le makeke o le Laumalie o le Atua, ti kua au le Puleaga o le Atua kia koutou.

Mateo 16:16

Na tali loa Simone Petelo : Ko le Kilisito a koe, ko le Alo o le Atua mauli.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Mateo 7:11

Koia kapau ko koutou, ala e agaveveli, e kotou iloa le soli o ni nea malilie ki akoutou fanau, pe leaise toe lasi ake le fia soli loa e lokoutou Tamana i Selo o ni nea malilie kia latou ala e kole ake kiate ia,

Luka 1:74

Ke fakataga mai kia tatou, i le oki o lotatou saofaki i lima o otatou fili, Ke tou tausi kiate ia sala i,

Luka 12:24

Kotou tio ki kolopo : E leaise lotou faisaga pe utuutu, e leaise lotou tanaki ni nea kai ki se fata, kae e fagai latou e le Atua. E kotou mauiga lasi ake i manu lele !

Luka 12:28

Kapau e teu fenaaki e le Atua a laakau ala e tuu i le vao i le aso nei, ti e laku loa ki le afi i apogipogi, ti e toe feaki ake loa lana fakalava koutou, kakai tui gaegae ?

Luka 4:18

E iate au le Laumalie o le Aliki, Talie kua fakanofo e ia au ke fakasa ia le logo malie ki le kau mativa ; Na kakau mai e ia au ke fakamauli latou ala kua loto fatifatii,

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Gaoi 1:2

o kaku ki le aso leia na ave ai a ia ki Selo, i le oki o le tuku o ana fakatotonu, i le Laumalie Maokioki, ki le kau apositolo ala na filifili e ia.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 14:15

Ei tagata, kolea e kotou fai ai le nea lena ? Ko maua foki, ko ni tagata e natula tatau mo koutou ; ti e ma fakasa atu kia koutou se logo malie, ti e ma kole atu kia koutou ke kotou fakafiti ki nea vaiga ana, kae ke kotou tafoki ki le Atua mauli, leia na fakatupu ia le lagi, mo le kele, mo le tai, ti mo nea fuli i ai.

Gaoi 15:9

Ti na leaise fai fua e ia se fakakesekese ia tatou mo latou, o fakamea e ia olatou loto i le tui.

Loma 1:20

Koia, kua lotou tio mata ai ki malilie fakapulipuli o le Atua, mo lona mafimafi, mo lona natula fakaatua, talu mei le kamataaga o le malama nei, mo kapau e lotou tio ki ana gaoi. Koia e leaise lotou maua ai se solaaga.

Loma 1:4

leia na fakasa fakamakeke ko le Alo o le Atua e le Laumalie Maokioki i lana toe tuuake mei le kau mate, Sesu-Kilisito, lotatou Aliki ;

Loma 11:12

Ti kapau na liliu lolatou faisala ko le fakakoloaaga o le malama nei, ti ko lolatou fakamativa ko le fakakoloaaga a ia o le kau pagani, ti e feaki ake loa le lasi o koloa mo ka lotou tafoki fuli loa.

Loma 11:24

Kapau ko koe, na tuuti a koe mei le oliveto vao, o mulimuli ki lou natula totonu, ti kua fakapipiki a koe, o fakafesagai ki lou natula totonu, ki le oliveto maalaala, e toe tasi ake loa le fakapipiki o latou, o mulimuli ki lolatou natula totonu, ki lolatou oliveto totonu.

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Uluaki tosi ki le kau Kolinto 15:45

Koia e tuu ai i le tosi : Ko le uluaki tagata, ko Atama, na liliu a ia ko se laumalie mauli. Ko le Atama fakamuli, ko Sesu, kua liliu a ia ko se Laumalie fakamauli.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Kalate 2:19

Talie ko le lao leia kua kau mate ai ki le lao, o tupu ke kau mauli ki le Atua.

Efeso 2:5

tatou ala na mamate i atatou patigataa, kua fakamauli e ia tatou fakatasi mo Kilisito (kua kotou mauli i le kalasia) ;

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Tetelonome 15:21

Kapau e maua loa e ia se mele, kapau e kito a ia pe kivi, kapau e maua e ia se lavea veli, ke aua na ke momoli loa a ia i se sakilifisio ki le Eteleno, lou Atua.

Tetelonome 17:1

Ke aua na ke momoli loa i se sakilifisio ki le Eteleno, lou Atua, se pipi, pe ko se akeno, pe ko se koti, leia e maua ia se mele pe ko se masaki, talie e fakalialia loa le Eteleno, lou Atua, ki le manu lena.

Tetelonome 31:27

Talie e kau iloa lou loto fefeka, mo le fefeka o lou ua. Kapau na kotou fakafesagai ki le Eteleno i le temi leia na kau mauli ai mo koutou, e feaki ake loa i le oki o loku mate !

Tetelonome 33:27

Ko le Atua o le lee gato ko se mumuniaga, Ti e maua i lalo o ona lima lee gato se solaaga. I ou mua na kapu e ia le fili, Ti na pati a ia : ke tamate !

Tetelonome 5:26

Talie ko ai leia kua logo i se aso, ofaipe matou, ki le leo o le Atua mauli leia e masau mei loto malie o le afi, ti na toe mauli ?

Uluaki tosi ki le kau Tesalonika 1:9

Talie e fakamatala, o uiga mo matou, pe na feaki lakotou tali matou ti mo lakotou tafoki ki le Atua, o tiaki a taulaatua, kae ke tausi le Atua mauli mo maoki,

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !

Uluaki tosi kia Timoteo 3:15

kae kapau e kau tuvai atu, ke ke iloa loa le nea leia e tonu ke fai i le fale o le Atua, leia ko le Ekelesia o le Atua mauli, ko le pou, mo le fakatafito, ti mo le taofiaga o le maoki.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 10:10

Ti e tupu ko le finegalo lena kua tou soko ai o maokioki ki le momoli o le tino o Sesu-Kilisito, tua tasi fuai.

Epelo 10:12

Kae ko Kilisito, i le oki o lana momoli se sakilifisio e tasi ki agasala, na nofo a ia o lee gato i le lima atamai o le Atua ;

Epelo 10:2

Talie ka na mafai ke fakamea tua tasi a agasala a latou ala e momoli ia a sakilifisio ana, kua fualoa ake le fakagato o le momoli o sakilifisio, talie kua puli loa i olatou loto le manatui o alatou agasala.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Epelo 11:21

Ko le tui leia na tapuaki ai loa Sakopo, i lana teuteu ke mate, ki vosa taki tasi o Sosefo, ti mo atolasio, o fafanaki ki le potupotu o lona tokotoko.

Epelo 13:12

Koia na mate ai foki Sesu i le tua kolo, o tupu ke fakamea ai le kakai ki lona toto totonu.

Epelo 3:12

Kotou tokaga, fetaina, ke aua na maua e se tasi o koutou se loto veli mo tui gataa, o kaku o mavae mei le Atua mauli.

Epelo 6:1

Koia foki, ke tuku ki muli a uluaki folafola a Kilisito, tou fai atu ki le nea leia e malie tukupau ; kae aua na toe teki le fakatafito o le fakafiti ki gaoi mate,

Epelo 7:16

leia na leaise fakanofo o mulimuli ki ni lekula fakatagata, kae o mulimuli ki le makeke o se mauli leia e leaise toe mate ;

Epelo 7:27

leia e leaise aoga kiate ia, o tatau mo la ake kau pule fai sakilifisio, ke momoli e ia i aso taki tasi ni sakilifisio, o uluaki mua ki ana agasala totonu, ti oki ki agasala a le kakai. Talie na fai e ia le nea lena o tua tasi malie, i lana momoli a ia totonu.

Epelo 9:12

ti kua ulu tua tasi a ia ki le potu taputapu, ti na leaise ulu a ia mo le toto o se koti pe ko se uviki pipi, kae na ulu a ia mo lona toto totonu, ti kua maua e ia se totogi lee gato kia tatou.

Epelo 9:26

talie kapau koia ti na tonu loa ke mamae tua mauke Kilisito talu mei le kamataaga o le malama nei. Kae i le temi nei, i le fakaoki o sekulo, na sa a ia o tua tasi ke maumaui ai le agasala ki lona sakilifisio.

Epelo 9:7

Kae ki le lua potu o le tapenakulo, e ulu ki ai le pule fai sakilifisio toka tasi o tua tasi i le fetuu, kae tonu ke ave e ia ki ai se toto, kiate ia totonu ti mo agasala a le kakai.

Epelo 9:9

Ko se fakatata lena ki le temi nei ; ko lona uiga, ko nea alofa mo sakilifisio, ala na momoli ki le Atua, e leaise mafai ke fakasoko ia o malie tukupau le loto o leia e fai ia le atolasio lena ;

Uluaki tosi a Petelo 1:19

kae ki le toto mauiga o Kilisito, ofaipe se akeno sala ila mo lee mele ;

Uluaki tosi a Petelo 2:22

A ia leia na leaise agasala, Ti na leaise maua fua i lona gutu se kaka ;

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Uluaki tosi a Petelo 4:2

o tupu ke mauli, o leaise toe mulimuli ki oli o tagata, kae o mulimuli ki le finegalo o le Atua, i le lolotoga o le temi koi toe kiate ia ke mauli ai i le tino.

Uluaki tosi a Soane 1:7

Kae kapau e tou saele i le malama, ofaipe ia totonu e nofo i le malama, e tou fekomunioaki tuumau, ti e fakamea tatou e le toto o Sesu lona Alo i agasala fuli ai.

Uluaki tosi a Soane 3:5

Ti e kotou iloa, na sa Sesu ke too e ia a agasala, ti e leaise maua se agasala iate ia.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,

Uluaki tosi a Samuele 17:26

Na pati loa Tavite ki tagata ala na tutuu i ona tafa : Kolea loa e fai ki leia e tamate ia loa le Filisitini lena, ti e sau ia loa le matagafua i Iselaele ? Ko ai le Filisitini lena, le pagani lena, ke tauvelei e ia le kau solia a le Atua mauli ?