Epelo 9:12 - Tosi Tapu

¹² ti kua ulu tua tasi a ia ki le potu taputapu, ti na leaise ulu a ia mo le toto o se koti pe ko se uviki pipi, kae na ulu a ia mo lona toto totonu, ti kua maua e ia se totogi lee gato kia tatou.

Epelo 9:12 ပူးပေါင်းရင်းမြစ်များ

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Levitiko 16:15

Ti e tamate loa e ia le koti tagata ki le fakamolemole o agasala a le kakai, ti e ave loa e ia se toto ki loto o le lito tapono, o fai ai ni afusi ki le toto i aluga o le tapono o le manava alofa ti mo mua o le tapono o le manava alofa.

Levitiko 4:3

Kapau na agasala le tagata faisakilifisio leia kua pani ki le lolo tapu, ti kua agasala loa i ai le kakai, e tonu loa ke momoli e ia ki le Eteleno, o uiga mo lana agasala, se pipi tagata lee mele.

Levitiko 8:2

Ave Alone mo ona vosa ki le uluaga o le falela tapu ; ti toe ave foki ki ai a kofu tapu, mo le lolo tapu, mo le pipi tagata ki le agasala, mo ovi tagata e lua, ti mo le kete leia e tanaki ai a pane sala fakatupu ;

Levitiko 9:15

Ti na momoli loa e ia le sakilifisio ki le kakai. Ti na too loa e ia le ovi tagata leia na momoli ki le fakamolemole o le kakai, ti na tamate loa e ia a ia, ti na momoli loa e ia a ia ki le fakamolemole, ofaipe le uluaki manu.

Sakalia 3:9

Talie ko leinei, kua kau fakatuu se fa fatu i mua o Sosue ; ti e i ai ni fa mata e fitu i le fa fatu lena e tasi ; e kau togi loa i ai, e au totonu, le nea leia e tonu ke togi i ai, e folafola le Eteleno o kau tau, ti e kau too loa le agasala a le fenua leinei, i se aso e tasi.

Maleko 3:29

kae ko leia e fatituu loa ki le Laumalie Maokioki, e leaise toe fakamolemole loa kiate ia : Kua fai e ia se agasala lee gato.

Luka 1:68

Fakafetai ki le Aliki, le Atua o Iselaele, Talie kua asiasi a ia ki lona kakai ti kua totogi e ia a ia,

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Efeso 1:7

Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Kolose 1:14

leia e tou maua ai le totogi, ti mo le fakamolemole o agasala.

Uluaki tosi ki le kau Tesalonika 1:10

ti ke talitali mei le atu lagi ki lona Alo, leia na toe fakatuuake e ia mei le kau mate, Sesu, leia e fakamauli ia tatou mei le sausau ka au.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 10:19

Koia, fetaina, kua tou maua i le toto o Sesu-Kilisito le lauatea ke tou ulu ai ki le sagatualio,

Epelo 10:4

Talie e leaise feala ai ke too ia a agasala e le toto o pipi tagata ti mo koti.

Epelo 13:12

Koia na mate ai foki Sesu i le tua kolo, o tupu ke fakamea ai le kakai ki lona toto totonu.

Epelo 5:9

i le oki o lona siki ki le malie tukupau, na liliu a ia kia latou fuli ala e fakalogo kiate ia ko le pule o se saofaki lee gato,

Epelo 7:27

leia e leaise aoga kiate ia, o tatau mo la ake kau pule fai sakilifisio, ke momoli e ia i aso taki tasi ni sakilifisio, o uluaki mua ki ana agasala totonu, ti oki ki agasala a le kakai. Talie na fai e ia le nea lena o tua tasi malie, i lana momoli a ia totonu.

Epelo 9:13

Talie kapau ko le toto o koti mo uviki pipi tagata, ti mo le mugalafu o se pipi fafine leia e liligi kia latou ala e kelekele, e fakamaokioki ia mo tuku ia le mea o le kanofi,

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !

Epelo 9:15

Ti koia leia kua liliu ai a ia ko le fakasokopati o se sai foou, o tupu ke tali e latou ala na kalagai a nea malilie lee gato ala na fakapapau kia latou. Kua lotou mafai a ia, talie kua soko se mate, ti kua aga le mate lena o fakamauli a tagata mei sala ala na lotou fai i lalatou koi fakalogo ki le uluaki sai.

Epelo 9:19

Ko Moisese, i le oki o lana fakasa i mua o le kakai katoa a fakatotonu fuli o le lao, na too ia loa le toto o uviki pipi mo koti, mo se vai, mo se kie kula, mo se taulu isopa, ti na fai loa e ia le afusi ki le tosi lao totonu ti mo le kakai katoa, o pati :

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Epelo 9:7

Kae ki le lua potu o le tapenakulo, e ulu ki ai le pule fai sakilifisio toka tasi o tua tasi i le fetuu, kae tonu ke ave e ia ki ai se toto, kiate ia totonu ti mo agasala a le kakai.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;