Epelo 9:11 - Tosi Tapu

¹¹ Kae kua au Kilisito ko le pule fai sakilifisio o nea malilie ka au ; ti kua ulu a ia ki le tapenakulo lasi ake mo malie tukupau, leia na leaise fau e lima o le tagata, ko lona uiga e leaise tuu a ia i le malama nei ;

Epelo 9:11 ပူးပေါင်းရင်းမြစ်များ

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Pesalemo 40:7

E leaise ke oli ki se sakilifisio pe ko se moliga, Na ke fakamavaa oku taliga. E leaise ke kole se failaulau pe ko se vikitima ki agasala.

Esaia 59:20

E au loa se fakamauli ki Sione, Kia latou o Sakopo ala e tafoki loa i alatou agasala, E pati le Eteleno.

Selemia 33:8

E kau fakamea loa latou i alatou agasala fuli ala na lotou fai kiate au, E kau fakamolemole loa a agaveli fuli ala na lotou agasala ai kiate au, Ti na lotou agatuu ai kiate au.

Malakia 3:1

Ko leinei, e kau kakau loa laku tagata avelogo ; E teuteu loa e ia le ala i oku mua. Ti fokifa e ulu loa ki lona fale tapu le Aliki leia e kotou afa ; Ti ko le tagata avelogo o le sai leia e kotou oli ki ai, ko leinei, e au a ia, E pati le Eteleno o kau tau.

Mateo 11:3

Pe ko koe leia e tonu ke au, pe tonu ke motou talitali ki se tasi ake ?

Mateo 2:6

Ti ko koe, Peteleemi, kele o Suta, E leaise ko koe ai ko se kolo noa i kolo tafito o Suta, Talie e tupu loa iate koe se pule Leia e fagai ia loa Iselaele, loku kakai.

Maleko 14:58

Na motou logo ki lana pati : E kau maumaui loa le fale tapu leinei leia na fau e lima o le tagata, ti e kau fakatuu loa i ni aso e tolu se tasi ake a fale tapu leia e leaise fau loa e se lima o le tagata.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 4:25

Na pati loa le fafine kiate ia : E kau iloa e tonu ke au le Mesia leia e igoa ko le Kilisito ; ka au loa a ia, e fakasa mai loa e ia kia matou a nea fuli.

Gaoi 7:48

Kae e leaise nofo le Taualuga i le nea leia na fai e le lima o le tagata, ofaipe lona fakasa e le polofeta :

Lua tosi ki le kau Kolinto 4:18

se fua malie lee gato o le kololia, talie e ma tio, o leai ki nea ala e tio ki ai a mata, kae ki nea ala e leaise tio ki ai a mata ; talie ko nea ala e tio ki ai a mata e fakatemi ; kae ko nea ala e leaise tio ki ai a mata e lee gato.

Lua tosi ki le kau Kolinto 5:1

Talie e ma iloa, ka maumaui loa le falela leinei leia e ma nonofo ai i le malama nei, e ma maua ia loa i le lagi se fale leia na fai e le Atua, ko se nofoaga lee gato leia na leaise fai e le lima o tagata.

Kolose 2:11

Ti kua silikosisio foki koutou iate ia ki se silikosisio leia na leaise fai e le lima o tagata, kae ki le silikosisio a Kilisito, leia ko le fakamativa o le tino fakakanofi :

Epelo 10:1

Ko le lao, leia e maua ia se ata o nea malilie ka au, kae leai le maoki totonu o nea, e leaise mafai ia i se aso ke ave ia ki le malie tukupau latou ala e fakafeofi ki le Atua, talie e tonu ke fai tuumau a sakilifisio ana, i fetuu fuli.

Epelo 12:27

Ko kupu anei : " i se tasi faiaga " e fakasa ia le fetogi o nea ala kua lui, o sakinake na fakatupu latou o fakatemi, kae ke tuu o talu oki a nea ala e leaise mafai ke lui.

Epelo 13:14

Talie e leaise tou maua i lalo nei se kolo leia e tuu mau, kae e tou afa le kolo leia ka au.

Epelo 2:17

Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Epelo 3:1

Koia, fetaina maokioki, ala e kau ki le vokasio mei lagi, kotou tokaga lasi ki le apositolo, mo le pule fai sakilifisio o le tui leia e motou fakasa ia,

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.

Epelo 7:1

Talie ko le Melekiseteke lena, ko le sau o Salemi, ti ko le tagata fai sakilifisio a le Atua taualuga ; na ano a ia ki mua o Apalaamo i lana toe liliu mei le lava o le kau sau, ti na tapuaki loa a ia kia Apalaamo ;

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.

Lua tosi a Soane 1:7

Talie kua ulu mai ki le malama nei ni tagata toka api, ti e leaise lotou fakasa ia kua au Sesu-Kilisito i se tino fakatagata ; ko leia e felaaki ko le tagata a ia, ti ko le atekilisito.