Epelo 9:1 - Tosi Tapu

¹ Ko leinei, na maua maoki foki e le uluaki sai ni fakatotonu ki le atolasio, ti mo se sagatualio i le malama nei.

Epelo 9:1 ပူးပေါင်းရင်းမြစ်များ

Ekesote 25:8

E lotou fau loa se sagatualio kiate au, ti e kau nofo loa i loto malie o latou.

Esekiele 43:11

Kapau e lotou fakasemala ki alatou agatuu, ti ke fakailo loa kia latou le paaki o le fale tapu leinei, lona fakatuutuu, mo ona katupa, mo ona uluaga, mo ona paaki fuli, mo ona fakatuutuu fuli ; io, ona paaki fuli mo ona lao. Tuku ki olatou mata a paaki kesekese fuli, o tupu ke lotou taupau ona paaki fuli mo ona fakatotonu fuli, ti ke lotou mulimuli katoa ki ai i lona fai.

Levitiko 18:30

Kotou tausi loa aku fakatotonu ; ti aua na kotou fai loa se aga fakalialia e tasi i nea fakalialia ala na fai i mua o koutou, ti e leaise kotou kelekele loa. Ko au ko le Eteleno, ko lokoutou Atua.

Levitiko 22:9

E lotou tausi loa aku fakatotonu, o tupu ke aua na lotou amo ia le tua o lalatou agasala ti ke lotou mamate, talie na lotou fakakelekele a nea tapu. Ko au ko le Eteleno, leia e fakamaokioki ia latou.

Numelo 9:12

E leaise lotou tuku loa se nea leia ke kaku ki le usu, ti e leaise lotou fatii loa se ivi. E lotou fai loa le Pasikate o mulimuli ki fakatotonu fuli o le Pasikate.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Loma 9:4

ala e Iselaele, ala e maua ia le fufui, mo le kololia, mo sai, mo le lao, mo le atolasio, mo fakapapau,

Kolose 2:8

Kotou tokaga na fakasesei koutou e se tasi ki le filosofia ti mo se masau noa, o fanaki ki le talatisio a tagata, ti mo makeke fakalaumalie o le malama nei, kae leai kia Kilisito.

Epelo 8:13

I le pati : sai foou, na fakasa e ia kua matua le uluaki sai ; Koia ko le nea leia kua matua, le nea leia kua gaegae, kua meimei ke puli.

Epelo 8:2

Ko le tagata tausi o le sagatualio ti mo le tapenakulo maoki, leia na fakatuu e le Aliki kae leai e se tagata.

Epelo 8:7

Talie kanapau na saosaoa le uluaki sai, na leaise aoga loa ke fetogi a ia e se lua.

Epelo 9:24

Talie na leaise ulu Kilisito ki se sagatualio leia na fau e lima o le tagata, leia ko le fakatata o le tapenakulo maoki, kae na ulu a ia ki le lagi totonu, o tupu ke fakafofoga e ia tatou i le temi nei i mua o le Atua.