Epelo 8:5 - Tosi Tapu

⁵ E lotou fai se tausi o fakatatau ki le paaki ti mo le ata o nea i le lagi, ofaipe le fakasa fakatomua e le Atua kia Moisese i mua o le fakatuu o le tapenakulo, i lana pati kiate ia : Tokaga o fai a nea fuli, o fakatatau ki le paaki leia na fakasa kiate koe i le mauga.

Epelo 8:5 ပူးပေါင်းရင်းမြစ်များ

Uluaki tosi o Koloniko 28:12

Na soli loa e ia kia Salomone le paaki o nea fuli ala na fakasasa kiate ia e le Laumalie, o uiga mo lotoa o le fale o le Eteleno, ti mo kogafale fuli i lona takatakai ki koloa o le fale o le Atua mo koloa o le sagatualio,

Uluaki tosi o Koloniko 28:19

Na pati loa Tavite : Ko nea fuli ana, na tosi latou e le lima o le Eteleno, ti na soli mai e ia kiate au le poto ke kau matala ki nea fuli, mo paaki fuli o le fale.

Ekesote 25:40

Tio, ti ke fai a nea fuli o fakatatau ki lona fakatata leia na fakasa kiate koe i le mauga.

Ekesote 25:9

E kotou fai loa le tapenakulo mo ona nea gaoi fuli o fakatatau ki le paaki leia e kau fakasa atu loa kiate koe.

Ekesote 26:30

E ke fakatuu loa le tapenakulo o fakatatau ki le fakatata leia na fakasa atu kiate koe i le mauga.

Ekesote 27:8

E ke fai loa le aletale ke popoko a loto, ki ni papa ; e ke fai loa a ia o fakatatau ki le fakatata leia na fakasa kiate koe i le mauga.

Numelo 8:4

Na fai feneeki loa le tuuaga malama : na fai a ia ki le potu aulo e tasi leia na tuki ki le amale, mei le vae o kaku ki ona sei laakau. Na fai loa le tuuaga malama o fakatatau ki le paaki leia na fakatio Moisese ki ai e le Eteleno.

Mateo 2:12

Ti na fakasa loa e le Atua kia latou i se moe miti ke aua na toe liliu kia Elote, ti na lotou toe liliu loa ki lolatou fenua i se tasi ake a ala.

Gaoi 7:44

Na nofo otatou tamana i le toafa mo le falela o le fakamaoki, o mulimuli ki le fakatotonu a leia na pati kia Moisese ke fau a ia o mulimuli ki le paaki leia kua tio a ia ki ai.

Kolose 2:17

Ko nea fuli ana ko le ata o nea ala ka soko mai, kae ko le tino ko Kilisito.

Epelo 10:1

Ko le lao, leia e maua ia se ata o nea malilie ka au, kae leai le maoki totonu o nea, e leaise mafai ia i se aso ke ave ia ki le malie tukupau latou ala e fakafeofi ki le Atua, talie e tonu ke fai tuumau a sakilifisio ana, i fetuu fuli.

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Epelo 13:10

E tou maua se aletale leia e leaise taga kia latou ala e fai ia a gaoi i le tapenakulo ke lotou kai ona nea kai.

Epelo 9:9

Ko se fakatata lena ki le temi nei ; ko lona uiga, ko nea alofa mo sakilifisio, ala na momoli ki le Atua, e leaise mafai ke fakasoko ia o malie tukupau le loto o leia e fai ia le atolasio lena ;

Sosue 22:28

Na motou pati loa : kapau, i se temi ki muli, e lotou fai loa le pati lena kia matou mo amatou fanau, e motou tali loa kia latou : Ke kotou tio ki le paaki o le aletale o le Eteleno, leia na fai e omatou tamana, o leai ki ni failaulau ti mo ni sakilifisio, kae ofaipe se fakamaoki kia matou mo koutou.

Apokalipisi 15:5

Ti na sili a ia, na kau tio loa kua fakamavaa i le lagi le fale tapu leia e tuku ai le tapenakulo o le fakamaoki.