Epelo 8:13 - Tosi Tapu

¹³ I le pati : sai foou, na fakasa e ia kua matua le uluaki sai ; Koia ko le nea leia kua matua, le nea leia kua gaegae, kua meimei ke puli.

Epelo 8:13 ပူးပေါင်းရင်းမြစ်များ

Esaia 51:6

Kotou siki okoutou mata ki le lagi, ti kotou tio ki lalo ki le kele ! Talie e puli loa a atu lagi ofaipe se afu, E maluku loa le kele ofaipe se kofu popo, Ti e mamate loa lona kakai ofaipe ni lago ; Kae e tuu loa laku fakamauli o lee gato, Ti e leaise toe gato loa laku faitotonu.

Mateo 24:35

E puli loa le lagi mo le kele, kae e leaise toe puli loa aku folafola.

Luka 22:20

I le oki o le kai, na toe too foki e ia le ipu, o soli a ia kia latou, o pati : Ko le ipu leinei o le sai foou i loku toto, leia e liligi o tupu ko koutou.

Uluaki tosi ki le kau Kolinto 13:8

E leaise puli le alofa i se aso. E gato loa a kikite, e gato loa a masau kesekese, e gato loa le iloa.

Lua tosi ki le kau Kolinto 3:6

Ko ia foki leia na teuteui ia maua ke ma liliu ko ni tagata gaoi o se sai foou, leai o le matai tosi, kae o le Laumalie ; talie e tamate e le matai tosi, kae e saofaki e le Laumalie.

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Epelo 1:11

E lotou pupuli loa, kae e ke agai ai fuai ; Elotou popo fuli loa ofaipe se kofu,

Epelo 12:24

kia Sesu leia ko le tagata fakasoko pati o le sai foou, ki le toto o le afusi leia e masau malie ake i le toto o Apele.

Epelo 7:22

I le nea foki lena, na soko ai Sesu ko le fakamaoki o se sai malie tukupau.

Epelo 8:6

Kae ko leinei, kua maua e ia se gaoi leia e malie lasi ake, talie kua liliu a ia ko le tagata fakasokopati o se sai leia e malie lasi ake ti kua fakatafito ki ni fakapapau ala e malilie lasi ake.

Epelo 8:8

Talie na valoki e le Atua ni sala ki Iselaele o pati : Ko leinei, e au a aso, e pati le Aliki, Ala e kau fai ai loa mo le fale o Iselaele ti mo le fale o Suta, Se sai foou,

Epelo 9:15

Ti koia leia kua liliu ai a ia ko le fakasokopati o se sai foou, o tupu ke tali e latou ala na kalagai a nea malilie lee gato ala na fakapapau kia latou. Kua lotou mafai a ia, talie kua soko se mate, ti kua aga le mate lena o fakamauli a tagata mei sala ala na lotou fai i lalatou koi fakalogo ki le uluaki sai.