Epelo 8:12 - Tosi Tapu

¹² Talie e kau fakamolemole loa alatou agaveli, Ti e leaise kau toe manatui loa alatou agasala.

Epelo 8:12 ပူးပေါင်းရင်းမြစ်များ

Pesalemo 25:7

Ke aua na ke manatui a sala o loku temi tupulaga ti mo aku agasala ; Ke ke manatui au o mulimuli ki lou manava alofa, O tupu ko lou agamalie, ei Eteleno !

Pesalemo 65:3

Ei koe, leia e fakalogo ki kole ! E au loa tagata fuli kiate koe,

Esaia 43:25

Ko au, ko au leia e soloi ia a agatuu o tupu ko loku alofa kiate au, Ti e leaise kau toe manatui loa au agasala.

Esaia 44:22

E kau soloi au sala ofaipe se kokofu, Ti mo au agasala ofaipe se ao ; Toe liliu mai kiate au, Talie na kau totogi a koe.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Selemia 33:8

E kau fakamea loa latou i alatou agasala fuli ala na lotou fai kiate au, E kau fakamolemole loa a agaveli fuli ala na lotou agasala ai kiate au, Ti na lotou agatuu ai kiate au.

Selemia 50:20

I aso ana, i le temi lena, e pati le Eteleno, E afa loa le agaveli a Iselaele, ti e leaise maua loa a ia, Le agasala a Suta, ti e leaise maua loa a ia ; Talie e kau fakamolemole loa ki le toetoega leia e kau tuku loa i le fenua.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Mikea 7:19

E toe manava alofa loa a ia kia matou, E tuku loa e ia ki lalo o ona vae amatou agaveli ; E ke ti loa ki le takele o le moana alatou agasala fuli.

Loma 11:27

Ti e fakasoko loa laku sai mo latou, I le aso leia e kau too ai loa alatou agasala.

Efeso 1:7

Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Kolose 1:14

leia e tou maua ai le totogi, ti mo le fakamolemole o agasala.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,