Epelo 8:10 - Tosi Tapu

¹⁰ Kae ko leinei le sai leia e kau fai loa mo le fale o Iselaele. Ile oki o aso ana, e pati le Aliki : Ekau tuku loa aku lao ki olatou loto, Ti e kau tosi loa latou i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Epelo 8:10 ပူးပေါင်းရင်းမြစ်များ

Ekesote 24:4

Na tosi loa e Moisese a folafola fuli a le Eteleno. Ti na alaala usu loa a ia o fakatuu se aletale i lalo o le mauga, ti na eti loa e ia ni fatu e kau agafulu tupu lua o fakatatau ki famili e tino agafulu tupu lua o Iselaele.

Ekesote 24:7

Na too loa e ia le tosi o le sai o lau i mua o le kakai ; ti na lotou pati loa : E motou fai loa a nea fuli ala kua pati ki ai le Eteleno, ti e motou fakalogo loa ki ana folafola.

Ekesote 34:1

Na pati loa le Eteleno kia Moisese : Ta ni fatu lalapa e lua ofaipe uluaki fatu, ti e kau tosi loa i ai a folafola ala na tuu i uluaki fatu ala na ke maumaui.

Ekesote 34:27

Na pati loa le Eteleno kia Moisese : Tosi a folafola anei ; talie kua kau fai le sai mo koe mo Iselaele, o mulimuli ki folafola anei.

Katiko o Katiko 2:16

Ko loku alofaaga a aku ; ti ko au, a ana ; E fagai e ia lana kau manu i lotolotoga o lilio.

Selemia 24:7

E kau soli loa kia latou se mafu ke lotou iloa ko au ko le Eteleno ; e lotou liliu loa ko loku kakai, ti e kau liliu loa ko lolatou Atua, mo kapau e lotou toe liliu mai kiate au i lolatou loto katoa.

Selemia 31:1

E pati le Eteleno : I le temi lena, e kau liliu loa ko le Atua o famili fuli o Iselaele, Ti e lotou liliu loa ko loku kakai.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Selemia 32:38

E lotou liliu loa ko loku kakai, Ti e kau liliu loa ko lolatou Atua.

Selemia 32:40

E kau fai loa mo latou se sai lee gato, E leaise kau toe mafuli kese loa ia latou, E kau fai loa kia latou le nea leia e malie ; Ti e kau tuku loa ki olatou loto le i kiate au, O tupu ke aua na lotou fakamamao iate au.

Esekiele 37:27

E tuu loa loku nofoaga i lotolotoga o latou ; e kau nofo loa i ai ko lolatou Atua, ti ko latou ko loku kakai.

Esekiele 39:22

E iloa loa e le fale o Iselaele ko au ko le Eteleno, lona Atua, Talu mei le aso lena o kaku ki le temi ka au.

Oseo 2:23

E folafola le Eteleno, o pati : I le aso lena, e kau tali loa, e kau tali loa ki le lagi, e tali loa e ia le kele ;

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Sakalia 8:8

E kau aumai loa latou, ti e lotou nonofo loa i loto malie o Selusalemi ; e lotou liliu loa ko loku kakai, ti e kau liliu loa ko lolatou Atua i le maoki mo le faitotonu.

Mateo 22:32

Ko le Atua au o Apalaamo, le Atua o Isaake, le Atua o Sakopo ? Ko le Atua e leaise ko le Atua a ia o le kau mate, kae ko le Atua a ia o le kau mauli.

Loma 11:27

Ti e fakasoko loa laku sai mo latou, I le aso leia e kau too ai loa alatou agasala.

Uluaki tosi ki le kau Kolinto 6:16

E leai ai ! Pe leaise kotou iloa ko leia e pipiki ki le fafine fai feauaki e liliu a ia ko se tino e tasi mo ia ? Talie e pati, e la liliu loa ko se tino e tasi.

Lua tosi ki le kau Kolinto 3:3

Kua fakasa maoki koutou ko se tosi koutou a Kilisito, leia kua tosi e lama gaoi, o leai ki se vaitosi, kae ki le Laumalie o le Atua mauli, o leai i ni laupapa fatu, kae i ni laupapa kanofi, i mafu.

Tetelonome 30:6

E silikosisio loa e le Eteleno, lou Atua, lou loto mo le loto o lou sakoga, o tupu ke ke alofa loa ki le Eteleno, lou Atua, i lou loto katoa mo lou laumalie katoa, o tupu ke ke mauli ai loa.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 11:16

Kae ko leinei e lotou oli ki se fenua malie tukupau ake, leia i le lagi. Koia na leaise luma ai le Atua i lona fakaigoa a ia ko lolatou Atua, talie na teuteui e ia se kolo mo latou.

Sakopo 1:18

Na fakatupu e ia tatou ki le folafola o le maoki o mulimuli ki lona finegalo, o tupu ke tou liliu ko le kau uluaki tupu o lana kakai.

Sakopo 1:21

Koia ke kotou tiaki ai a nea kelekele fuli ti mo agaveli fuli, kae kotou tali i le loto malu le folafola leia kua to ia koutou, leia e feala ke fakamauli ia okoutou laumalie.

Uluaki tosi a Petelo 1:23

talie kua kotou tupu foou, o leai mei se pulapula popo kae mei se pulapula lee popo, mei le folafola mauli mo lee gato a le Atua.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,