Epelo 8:1 - Tosi Tapu

¹ Ko le puani tafito o le nea leia e tou masau ki ai : Kua tou maua se pule fai sakilifisio, leia kua eke i le fetuu atamai o le nofoaga sau o le agai o le Atua i le atu lagi,

Epelo 8:1 ပူးပေါင်းရင်းမြစ်များ

Uluaki tosi o Koloniko 29:11

A au, Eteleno, le taualuga, mo le makeke, mo le maumau, mo le gigila, ti mo le kololia, talie ko nea fuli i le lagi mo le kele a au ; a au, Eteleno, le pule, talie e ke malaga o taualuga i nea fuli !

Sopo 37:22

E fakaliliu e le matagi o le potu noleto ke gigila le lagi ofaipe le aulo. Io, e fakaii ai le agai o le Atua !

Pesalemo 104:1

Loku laumalie, fakafetai ki le Eteleno ! Eteleno, loku Atua, e ke lasi ai ! E ke kofu ki le gigila mo le fulumalie !

Pesalemo 110:1

A Tavite. Pesalemo. Folafola a le Eteleno ki loku Aliki : Nofo a koe i loku fetuu atamai, O kaku ki laku fai ki ou fili lou tekiaga vae.

Pesalemo 145:12

O tupu ke e iloa e vosa o tagata lou mafimafi Ti mo le kololia lasi o lau pule.

Pesalemo 21:5

Na kole atu e ia kiate koe le mauli, ti na ke soli a ia kiate ia, Io, se mauli fualoa ki le lee gato o lee gato.

Esaia 24:14

Kua lotou too se sua, kua lotou fai ni kalaga nekenekea ; Kua lotou fakavikiviki ki le mafimafi o le Eteleno i mata tai.

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Maleko 16:19

I le oki o le masau a le Aliki kia latou, na ave loa a ia ki Selo, ti na ekeeke loa a ia i le lima atamai o le Atua.

Efeso 6:20

leia kua sai ai au ki ni tini ko lona fakafofoga, ti ke kau masau makeke ki ai, talie tonu ke kau masau fenaaki ki ai.

Kolose 3:1

Koia kapau kua kotou toe tuuake mo Kilisito, kotou afa a nea o aluga, i le ganea leia kua nofo ai Kilisito i le lima atamai o le Atua.

Epelo 1:13

Ti ko ai loa i le kau aselo kua pati ki ai le Atua : Ke ke ekeeke i loku fetuu atamai Okaku ke kau fakaliliu ou fili ko lou tekiaga vae ?

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 10:12

Kae ko Kilisito, i le oki o lana momoli se sakilifisio e tasi ki agasala, na nofo a ia o lee gato i le lima atamai o le Atua ;

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.

Epelo 2:17

Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Epelo 3:1

Koia, fetaina maokioki, ala e kau ki le vokasio mei lagi, kotou tokaga lasi ki le apositolo, mo le pule fai sakilifisio o le tui leia e motou fakasa ia,

Epelo 4:14

Koia i le kua tou maua ai se pule fai sakilifisio leia kua ulu i le atu lagi, Sesu, le Alo o le Atua, ke tou tuu makeke i le tui leia e tou fakasa.

Apokalipisi 3:21

Ko leia e malo loa, e kau fakanofo loa a ia mo au i loku ekeekeaga fakasau, ofaipe au leia na malo ti kua ekeeke mo loku Tamana i lona ekeekeaga fakasau.