Epelo 7:25 - Tosi Tapu

²⁵ Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Epelo 7:25 ပူးပေါင်းရင်းမြစ်များ

Sopo 22:17

Na lotou pati ki le Atua : ano kese ia matou ; Kolea le nea e feala ke fai e le Mafimafi kia matou ?

Sopo 23:3

Oi, ka na kau iloa le ganea leia e kau maua ai loa a ia, Ka na mafai ke kau kaku ki lona ekeekeaga fakasau,

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Esaia 45:24

E lotou pati mai loa kiate au : Ko le Eteleno toka tasi leia e maua ai le faitotonu mo le makeke ; Ko latou fuli ala na itaita kiate ia E toe liliu mai loa kiate ia i le luma.

Esaia 53:12

Koia e kau soli ai loa kiate ia lona vaega mo le kau lalasi ; E vae loa e ia le koloa o le tau mo le kau makeke, O tupu na tuku e ia a ia totonu ki le mate, Ti na lau a ia i le kau tukipo, Talie na amo e ia a agasala a le toka api, Ti na ulufaki e ia le kau agasala.

Esaia 59:16

E tio a ia e leaise se tagata, E ofolele a ia e leaise se tasi e kole ; Koia na au ai lona lima o tokoi kiate ia, Ti na fanaki a ia ki lona faitotonu.

Esaia 63:1

Ko ai leia e au mei Etome, Mei Potesela, i ni kofu kula, I ni kofu gigila, Ti e saele fia tagata i lona makeke katoa ? Ko au leia na fakapapau ia le fakamauli, Leia e nofo mo le makeke ke saofaki.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Taniela 3:15

I le lakaga nei, ke kotou teuteu ! ka kotou logo loa ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, ke kotou punou loa o atolasio ki le fakatata leia na kau fakatuu ia ; kapau e leaise kotou atolasio loa ki ai, e ti loa koutou i le temi fai lena ki se gutuumu kaka. Ti ko le atua fea loa leia e saofaki ia loa koutou mei loku lima ?

Taniela 3:17

Ko leinei, ko lomatou Atua leia e motou tausi ki ai, e mafai loa ke saofaki e ia matou mei le gutuumu kaka, ti e saofaki loa e ia matou mei lou lima, ei aliki sau !

Taniela 3:29

I le aso nei, ko leinei le fakatotonu leia e kau fai : Ko tagata fuli, mo kakai fuli, mo puleaga, mo masau fuli, e masau veli loa ki le Atua o Satalake, mo Mesake, mo Apeteneko, e tutuuti loa, ti e fakaliliu loa lona fale ko se tuuga penu, talie e leaise tasi ake atua leia e feala ke saofaki ia ofaipe ia.

Taniela 6:20

Na fakafeofi loa a ia ki le popoko, ti na kalaga loa a ia kia Taniela ki se leo mamae. Ti na masau loa le sau, o pati kia Taniela : Taniela, tagata fakasausau a le Atua mauli, pe na mafai e lou Atua leia e ke tausi ki ai i le kataki fualoa, ke saofaki a koe mei laione ?

Taniela 9:16

Aliki, o tupu ko lou manava alofa lasi, ke ke fakamaliu kese lou mafaia mo lou sausau mei lou kolo ko Selusalemi, mei lou mauga maokioki ; talie, o tupu ko amatou agasala mo agatuu o omatou tamana, kua luma Selusalemi mo lou kakai i mua o latou ala e takatakai ia matou.

Soane 14:13

ti ko nea fuli ala e kotou kole loa i loku suafa, e kau fai loa latou, o tupu ke fakakololia le Tamana i le Alo.

Soane 14:16

Ti ko au, e kau kole loa ki le Tamana, ti e tuku atu loa e ia kia koutou se tasi Fakapelepele, o tupu ke nofo a ia mo koutou o lee gato,

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Loma 5:10

Talie kapau, i le temi leia na tou fefiliaki ai, na fakatokatoka tatou mo le Atua i le mate o lona Alo, e toe tasi ake loa lotatou saofaki e lona mauli i le oki o lotatou fakatokatoka mo le Atua.

Loma 5:2

iate ia kua mafai ai i le tui ke tou ulu ki le kalasia lena, leia e tou tuu makeke i ai, ti e tou fiafia i le amanaki malie ki le kololia o le Atua.

Loma 8:34

Ko ai ka tautea ia loa latou ? Ko Kilisito leia na mate ; ti kua toe tuuake foki a ia, ti kua nofo a ia i le fetuu atamai o le Atua, ti e faikole a ia kia tatou !

Uluaki tosi ki le kau Kolinto 1:21

Talie i lona poto na leaise iloa e le malama nei le Atua, kae na malie ki le Atua i lona poto ke saofaki latou ala e tui ki le valea o le akonaki.

Efeso 2:18

talie iate ia, ko koutou mo matou, e tou maua se uluaga ki le Tamana i se Laumalie e tasi.

Efeso 3:12

iate ia e tou maua ai, i le tui kiate ia, le lauatea ke tou fakafeofi ai ki le Atua i le fanaki.

Efeso 3:20

Koia, ki leia e mafai ke fai ia o lasi maumau ake i nea fuli ala e tou kole pe tou manatu ki ai, i le makeke leia e gaoi ia tatou,

Filipe 3:21

leia e fetogi ia loa lotatou tino fakaaloalofa, ke tatau mo lona tino fakakololia, i le pule leia e maua e ia ke aumai ai a nea fuli ke fakalogo kiate ia.

Uluaki tosi kia Timoteo 2:5

Talie ko le Atua e tasi, ti mo le tagata fakasokopati e tasi i le vasaa o le Atua mo tagata, ko Sesu-Kilisito tagata,

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Epelo 11:6

Io, sala mo le tui, e leaise feala ke malie se tasi ki le Atua ; e tonu ko leia e fakafeofi ki le Atua ke tui a ia e i ai se Atua, ti ko ia leia e fakapale ia latou ala e afa ia a ia.

Epelo 13:15

Koia ke tou momoli tuumau iate ia se sakilifisio o le fakavikiviki ki le Atua, ko lona uiga le fua o ni laugutu ala e fakafetai ki lona suafa.

Epelo 2:18

Koia o tupu na asiasii a ia ti na fakasalai a ia, e feala ke tokoi ai a ia kia latou ala e asiasii.

Epelo 2:9

Kae ko leia na tuku i se ga temi ikiiki ki lalo o le kau aselo, Sesu, e tou tio kua fakapala a ia ki le kololia mo le fakamauiga, o tupu ko le mate leia na mamae ai ; talie ko le kalasia lena o le Atua ke mamae a ia ki le mate o tupu ko tagata fuli.

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Epelo 7:16

leia na leaise fakanofo o mulimuli ki ni lekula fakatagata, kae o mulimuli ki le makeke o se mauli leia e leaise toe mate ;

Epelo 7:19

Talie na leaise ave e le lao se nea e tasi ki le malie tukupau ; kae kua fakaulu loa se amanaki malie tukupau, leia e tou fakafeofi ai ki le Atua.

Epelo 7:24

Kae ko ia, talie e mauli a ia o lee gato, e maua e ia se tulaga fakapelepitelo leia e leaise feala ke tuku ki se tasi.

Epelo 7:8

I leinei, ko latou ala e tanaki ia le vaega kau agafulu ko ni tagata e mamate ; kae i lena, ko leia e fakamaoki ki ai e mauli.

Epelo 9:24

Talie na leaise ulu Kilisito ki se sagatualio leia na fau e lima o le tagata, leia ko le fakatata o le tapenakulo maoki, kae na ulu a ia ki le lagi totonu, o tupu ke fakafofoga e ia tatou i le temi nei i mua o le Atua.

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,