Epelo 7:24 - Tosi Tapu

²⁴ Kae ko ia, talie e mauli a ia o lee gato, e maua e ia se tulaga fakapelepitelo leia e leaise feala ke tuku ki se tasi.

Epelo 7:24 ပူးပေါင်းရင်းမြစ်များ

Soane 12:34

Na tali loa le kakai kiate ia : Kua motou ako i le lao e nofo le Kilisito o lee gato ; e feaki loa lau pati : E tonu ke siki ake ki aluga le Vosa o le tagata mei le kele ? Ko ai le Vosa o le tagata lena ?

Loma 6:9

o tou iloa e leaise toe mate Sesu-Kilisito leia na toe tuuake mei le kau mate, ti e leaise toe maua e le mate se pule kiate ia.

Loma 9:5

ti mo le kau pateliaka foki, ala na tupu mei ai le tino o Kilisito, leia e taualuga i nea fuli, ko le Atua manuia o lee gato. Amene !

Epelo 13:8

E tatau Sesu-Kilisito nanafi, mo ailanei, ti mo lee gato.

Epelo 7:28

Talie e fakanofo e le lao ke pule fai sakilifisio ni tagata gaegaeia ; kae ko le folafola o le sai, leia na fai i muli o le lao, na fakanofo ia le Alo leia e malie tukupau o lee gato.

Apokalipisi 1:18

Ko au ko le uluaki, ti ko le fakamulimuli, ti ko leia e mauli. Na kau mate ; ti ko leinei, kua kau mauli ki sekulo mo sekulo. E kau too a kalavi o le mate ti mo le nofoaga o le kau mate.

Uluaki tosi a Samuele 2:35

E kau fakanofo loa kiate au se tagata faisakilifisio agatonu, leia e fai loa o mulimuli ki loku loto mo loku laumalie ; e kau fakatuu loa kiate ia se fale ke mou, ti e saele tuumau loa a ia i mua o laku filifiliia.