Epelo 6:8 - Tosi Tapu

⁸ kae kapau e fakatupu e ia ni malualoi mo ni laakau talatala, e leaise aoga a ia, ti e leaise tuvai lona fakamalaia ; ti e fakaoki loa a ia o tutu i le afi.

Epelo 6:8 ပူးပေါင်းရင်းမြစ်များ

Senesi 4:11

Koia i le aso nei, e ke malaia ai loa i le kele lena, leia na fakamavaa ia lona gutu o tali mei lou lima le toto o lou taina.

Senesi 5:29

Ti na soli loa e ia kiate ia le igoa ko Noe, o pati : Ko ia leinei e fakafimalie ia loa tatou i atatou gaoi pakia, talie kua fakamalaia le kele leinei e le Eteleno.

Lua tosi a Samuele 23:7

Ko leia e fafa kia latou e tonu ke too e ia se ukamea pe ko se laakau loa, Ti e tutu e ia latou ki le afi i le ganea lena.

Sopo 31:40

Ke somo i ai ni vao sukisuki o fetogi le fulumeto, Mo se sisania o fetogi le olese ! Oki o masau a Sopo.

Pesalemo 107:34

Le kele mauli ko se kele kaka, O tupu ko le agaveli o lona kakai.

Esaia 27:4

Kua oki loku ita ; Kae kapau e tonu ke kau taui a vao veveli mo vao sukisuki, E kau taui loa latou, ti e kau tutu fakatasi loa latou i le afi.

Selemia 17:6

E fai a ia pe se ga laakau gini i le toafa, Ti e leaise tio a ia ki le au o le manuia kiate ia i se aso ; E nofo a ia i ganea masunu o le toafa, I se kele kona mo lavaki.

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Mateo 3:10

Kua tuu foki le toki i le aka o laakau : ko laakau fuli e leaise fua ki ni fua malilie e tuuti loa o ti ki le afi.

Mateo 7:19

Ko laakau fuli ala e leaise tupu i ai ni fua malilie e tuuti loa, o ti ki le afi.

Maleko 11:14

Na pati loa a ia ki le fiki : Ke aua na kai fua se tasi ki lou fua ! Ti na logo loa ana tisipulo ki ai.

Maleko 11:21

Ti na fakamanatu loa e Petelo le nea na soko, o pati kia Sesu : Pule, tio, kua malo le fiki leia na ke tutuku ia.

Soane 15:6

Kapau e leaise nofo se tasi iate au, e tiaki a ia ki fafo ofaipe le laa vite, ti e malo a ia ; ti e tanaki a ia o ti ki le afi, ke ulaula i ai.

Tetelonome 29:28

Na liligi loa e le Eteleno lona sausau kaka mo fakaii ki lona kakai, ti na taaki loa e ia a ia mei lona fenua, ti na kapu loa e ia a ia ki se fenua kese, leia e nofo ai i le aso nei.

Epelo 10:27

kae ko se talitali fakaii ki le fakamaau ti mo se afi kaka leia e tutu ia loa le kau fili o le Atua.

Epelo 12:17

E kotou iloa, ki muli ake, na toe fia maua loa e ia le tapuaki, kae na tiaki loa a ia, logo ai lana afa a ia i ni tagi loimata ; talie na leaise mafai loa e ia ke toe fakaliliu a manatu loto o lona tamana.

Apokalipisi 20:15

Ko leia na leaise maua kua tosi i le tosi o le mauli, na ti loa a ia ki le tai afi.