Epelo 6:2 - Tosi Tapu

² mo le tui ki le Atua, mo le akonaki o papitema, mo le teki o lima, mo le toe tuuake o le kau mate, ti mo le fakamaau lee gato.

Epelo 6:2 ပူးပေါင်းရင်းမြစ်များ

Ekelesiasi 12:14

Koia ei loku vosa, ke ke ako mei nea ana ; e leaise toe oki loa, mo kapau e loto ke fai se tuuga tosi, ti e fakatupu gaegae ki le tino le ako lasi.

Esaia 26:19

Ke toe mauuli ou mate ! Ke toe tutuu ake ki aluga oku mate ! Kotou alaala ti kotou fiafia, kakai o le efu ! Talie ko lou sasau ko se sasau fakamauli, Ti e toe soli loa e le kele le malama o le aso ki le kau mate.

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Mateo 28:19

Kotou ano, kotou fai ni tisipulo i puleaga fuli, o papitema latou i le suafa o le Tamana, mo le Alo mo le Laumalie Maokioki,

Mateo 3:14

Kae na taofi loa a ia e Soane, o pati : Ko au leia e aoga ke ke papitemai, kae e ke au kiate au !

Maleko 16:16

Ko leia e tui loa ti e papitema loa e mauli loa a ia, kae ko leia e leaise tui loa e malaia loa a ia.

Maleko 7:4

ti ka lotou toe liliu mei le lapalasi fakafenua, koi lotou kai mo ka kua lotou fakamea. E lotou maua foki ni iki ake maua fakatalatisio, ofaipe le fufulu o ipu, mo fagu asu vai, ti mo ipu ukamea.

Maleko 7:8

Kua kotou tiaki a fakatotonu a le Atua, kae kotou tausi le talatisio a tagata.

Luka 11:38

Na ofolele le tagata faliseo i lana tio na leaise fanofano Sesu i mua o le kai.

Luka 12:50

E i ai se papitema leia e tonu ke kau papitema ai, ti e kau loto ke fai ti ke soko mai la !

Luka 14:14

Ti e ke manuia loa, talie e leaise mafai ke lotou totogi atu a ia kiate koe. E totogi atu loa a ia e le Atua kiate koe i le toe tuuake a le kau agatonu.

Luka 3:16

na pati loa Soane kia latou fuli : Ko au, e kau papitema koutou ki le vai ; kae e au loa leia e makeke ake iate au, ti e leaise kau gali ke kau tatala ia a sai o ona taka. Ko ia leia e papitema ia loa koutou ki le Laumalie Maokioki mo le afi.

Soane 1:33

Na leaise kau iloa a ia, kae ko leia na kakau ia mai au ke fai papitema ki le vai, na pati mai kiate au : Ko leia e ke tio loa e ifo ki ai le Laumalie Maokioki, o tuu iate ia, ko ia leia e fai papitema ki le Laumalie Maokioki.

Soane 5:29

Ko latou ala na fai ia loa le malie e toe tuuake loa ki le mauli, kae ko latou ala na fai ia le veli e toe tuuake loa ki le fakamaau.

Gaoi 10:47

Ti na pati loa Petelo : Pe mafai ke taofi le vai o le papitema kia latou ala kua tali ia le Laumalie Maokioki ofaipe tatou ?

Gaoi 13:3

Koia, i le oki o lalatou sesunio mo lalatou faikole, na lotou teki loa olatou lima kia laua, ti na lotou tuku loa laua ke ano.

Gaoi 16:15

I le oki o lona papitema, a ia mo lona famili, na fai loa e ia kia matou le kole leinei : Kapau e kotou tio e kau tui maoki ki le Aliki, kotou ulu ki loku fale, o nonofo i ai. Ti na fakaafe loa e ia matou ke matou tali lana kole.

Gaoi 16:33

Ti na too loa e ia laua, i le ola fai lena o le pouli, ti na fufulu loa e ia ola lavea, ti na papitema aifai a ia, mo lona famili katoa.

Gaoi 17:18

Ti na kamata masau loa a ia mo ni tagata filosofia o le kau Epikulio mo le kau Sitoikoto. Ti na pati a iki : Kolea e fia masau ki ai le tagata gutu masau lena ? Ti ko iki, i le logo ki lana fakasa ia Sesu mo le toe tuuake, na pati loa : E sakinake e fakasa e ia ni taulaatua foou.

Gaoi 2:38

Na pati loa Petelo kia latou : Kotou fakasemala ti ke kotou tasi papitema i le suafa o Sesu-Kilisito, o tupu ko le fakamolemole o akoutou agasala ; ti e kotou tali loa le nea alofa o le Laumalie Maokioki.

Gaoi 2:41

Ko latou ala na tali ia loa lana folafola na papitema loa ; ti i le aso fai lena, na lasi loa le api o le kau tisipulo i laumalie e tino afe tolu.

Gaoi 23:6

Ko Paulo, i lana iloa ko le tasi vaega o le fakatasi ko le kau Satuseo ti ko leia ake ko le kau faliseo, na kalaga loa i le fono lasi : Tagata fetaina, e kau faliseo, vosa o se faliseo ; e fakamaaui au o tupu ko le amanaki ki le toe tuuake o le kau mate.

Gaoi 24:15

ti e kau maua i le Atua le amanaki malie leinei, leia e lotou maua foki e latou anei, e i ai loa se toe tuuake o le kau agatonu mo le kau lee agatonu.

Gaoi 24:21

na saga fai ko le kalaga leia na kau fai i lotomalie o latou : E tupu ko le toe tuuake o le kau mate, leia e kau tuu ai i mua o koutou.

Gaoi 24:25

Kae i le masau a Paulo ki le faitotonu, mo le oli veli, ti mo le fakamaau fakamuli, na lulu loa Felise, o pati kiate ia : Ano, kua feauga le aso nei ; ka kau toe maua loa se tasi faigamalie, ti e kau toe kalagai atu loa a koe.

Gaoi 26:8

Kolea ! Pe leaise feala ke tui e toe fakatuuake e le Atua le kau mate ?

Gaoi 4:2

i lolatou ita i lala akonaki ki le kakai, o fakasa le toe tuuake o Sesu mei le kau mate.

Gaoi 6:6

Na lotou ave loa latou ana ki mua o le kau apositolo. Ti na oki loa lalatou faikole, na lotou teki loa olatou lima kia latou.

Loma 2:16

E sa loa le nea lena i le aso leia e fakamaaui ai loa e le Atua ia Sesu-Kilisito a gaoi fakapulipuli a tagata, o mulimuli ki laku Evaselio.

Uluaki tosi ki le kau Kolinto 10:2

ti na lotou papitema fuli ia Moisese i le ao mo le tai,

Uluaki tosi ki le kau Kolinto 12:13

Talie kua tou papitema fuli i se Laumalie e tasi, ke fau se tino e tasi, pe Sutea, pe Keleka, pe popula, pe lauatea, ti kua fakainu fuli tatou ki se Laumalie e tasi.

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Filipe 3:21

leia e fetogi ia loa lotatou tino fakaaloalofa, ke tatau mo lona tino fakakololia, i le pule leia e maua e ia ke aumai ai a nea fuli ke fakalogo kiate ia.

Kolose 2:12

Ti kua tanu fakatasi koutou mo ia i le papitema, ti kua kotou toe tuuake foki iate ia ti mo ia, i le tui ki le mafimafi o le Atua, leia na toe fakatuuake ia a ia mei le kau mate.

Lua tosi kia Timoteo 2:18

ala kua sese mei le maoki, o pati kua sili le toe tuuake, ti kua la fulusi ia le tui a ni iki.

Epelo 11:35

Na toe maua loa e ni fafine olatou mate i le toe tuuake ; Ti na fakavelivelii loa ni iki, o leaise lotou tali loa se saofaki, o tupu ke maua se toe tuuake leia e malie tukupau ake ;

Epelo 9:10

ti ko nea ana, mo nea kai, mo nea inu, ti mo fakamea kesekese, ko ni lekula fakatino latou, ala na fakatuu fua o kaku ki se temi leia e fakafoou ai latou.

Lua tosi a Petelo 3:7

kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.