Epelo 6:19 - Tosi Tapu

¹⁹ Ko le amanaki lena, kua tou maua a ia ofaipe se taula o le laumalie, leia e makeke mo pipiki mau ; ti e ulu a ia ki loto o le kie puipui,

Epelo 6:19 ပူးပေါင်းရင်းမြစ်များ

Pesalemo 39:7

Io, e evaeva le tagata ofaipe se malu, E taugaoi noa a ia ; E tanaki e ia, kae e leaise iloa e ia pe ko ai e maua ia loa.

Pesalemo 42:11

E fatifati oku ivi mo ka nukinuki mai kiate au latou e fakaveliveli kiate au, O pati tuumau mai kiate au : Kofea lou Atua ?

Pesalemo 42:5

E kau manatui le temi leia na kau saele ai kae takatakai au e le kakai, Ti na kau taki ai latou ki le fale o le Atua, i loto malie o ni kalaga fakafiafia mo ni fakafetai A se kakai toka api i aso lalasi.

Pesalemo 43:5

Kolea e ke mamae ai, ei loku laumalie, ti e ke tagi ai i loku loto ? Ke ke amanaki malie ki le Atua, talie e kau toe fakafetai loa kiate ia. Ko ia ko loku fakamauli mo loku Atua.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Levitiko 16:15

Ti e tamate loa e ia le koti tagata ki le fakamolemole o agasala a le kakai, ti e ave loa e ia se toto ki loto o le lito tapono, o fai ai ni afusi ki le toto i aluga o le tapono o le manava alofa ti mo mua o le tapono o le manava alofa.

Levitiko 16:2

Na pati loa le Eteleno kia Moisese : Masau ki lou taina ko Alone, ke aua na ulu fakalaluvale ki le sagatualio, ki leia atu fetuu o le lito tapono, leia e tuku ai le aleka mo lona tapono tapu ; talie e kau sa loa i ai i le ao, i aluga o le tapono tapu o le aleka, ti e feala loa ke mate ai a ia.

Sakalia 9:12

Kotou toe liliu ki le kolo makeke, kau popula kua apele i le amanaki malie ! I le aso nei foki e kau fakasa maoki, E kau toe soli loa kiate koe o liuga lua.

Mateo 27:51

Ti ko leinei, na masae loa le kie o le fale tapu mei aluga ki lalo, ti na galulu loa le kele, ti na mafaafaa loa a utu,

Gaoi 23:6

Ko Paulo, i lana iloa ko le tasi vaega o le fakatasi ko le kau Satuseo ti ko leia ake ko le kau faliseo, na kalaga loa i le fono lasi : Tagata fetaina, e kau faliseo, vosa o se faliseo ; e fakamaaui au o tupu ko le amanaki ki le toe tuuake o le kau mate.

Gaoi 27:29

I lolatou i na piki ia le vaka i le mata utua, na lotou tuku loa a taula e fa i le taumuli, ti na lotou talitali loa ke mafoa ake le ao.

Gaoi 27:40

Ti na lotou tatala loa a taula o tiaki i le moana, ti na lotou veteki loa a sai o le foeuli ; ti na lotou toso loa le la o le taumuli, o lotou ano ai loa ki uta.

Loma 4:16

Koia, e tou maua ai le tofiga o le fakapapau i le tui, o tupu ke tuu a ia ko se kalasia, ti ke tuu mau le fakapapau ki le sakoga katoa, o leaise gato fua ki le sakoga leia e fakalogo ki le lao, kae ki le sakoga foki leia e maua ia le tui a Apalaamo, lotatou tamana fakatasi, ofaipe lona tuu i le Tosi :

Loma 4:18

Ti na amanaki malie a ia, kae kua oki a amanaki fuli, na tui a ia ti kua liliu a ia ko le tamana o ni puleaga mauke ai, o mulimuli ki le nea leia na fakasa kiate ia : E fenaaki loa lou sakoga.

Loma 5:4

mei le kataki fualoa le malo i le asiasi, ti mei le malo le amanaki malie.

Uluaki tosi ki le kau Kolinto 13:13

I le aso nei e tuu mau a nea anei e tolu : Le tui, mo le amanaki malie, ti mo le alofa ; kae ko leia e lasi ake i nea ana, ko le alofa.

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Efeso 2:6

kua fakatuu ake e ia tatou fakatasi, ti kua fakaeke e ia tatou fakatasi i potu fakalagi, ia Sesu-Kilisito,

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 3:1

Koia kapau kua kotou toe tuuake mo Kilisito, kotou afa a nea o aluga, i le ganea leia kua nofo ai Kilisito i le lima atamai o le Atua.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Epelo 4:16

Koia ke tou fakafeofi ai i le tui makeke ki le agaiaga o le kalasia, o tupu ke tou maua ai le manavaalofa ti ke tou tali ai le kalasia, ke tokoi ai kia tatou i nea ala e aoga kia tatou.

Epelo 9:3

I muli o le lua puipui na tuu ai le potu o le falela leia na igoa ko le potu taputapu.

Epelo 9:7

Kae ki le lua potu o le tapenakulo, e ulu ki ai le pule fai sakilifisio toka tasi o tua tasi i le fetuu, kae tonu ke ave e ia ki ai se toto, kiate ia totonu ti mo agasala a le kakai.

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,