Epelo 6:18 - Tosi Tapu

¹⁸ o tupu, i nea ana e lua ala e leaise toe fetogi ti e leaise feala ke loi ai le Atua, ke tou maua se loto makeke lasi, e tatou ala ko lotatou mumuniaga e tasi ko le kukumi o le amanaki malie leia kua tuku mai kia tatou.

Epelo 6:18 ပူးပေါင်းရင်းမြစ်များ

Senesi 19:22

Sola fakatavili ki ai, talie e leaise feala ke kau fai ia se nea kae e leikiaise ke kaku ki ai. Koia na tuku ai le igoa ko Tesoale ki le kolo ikiiki lena.

Uluaki tosi o Sau 2:28

Na logo loa Soape ki le nea lena : Talie na muli Soape i le fetuuga o Atonisa, logo ai na leaise mulimuli a ia i le fetuuga o Apesalone. Ti na mumuni loa Soape i le falela o le Eteleno, o tapiki ki tala o le aletale.

Pesalemo 110:4

Na fakapapau le Eteleno, ti e leaise toe fakasemala loa a ia ki ai : Ko le tagata faisakilifisio a koe o lee gato, i le faasiga o Melekiseteke.

Pesalemo 46:1

Ki le pule o le kau sua. O vosa o Kole. I le nota o le alamote. Katiko.

Pesalemo 62:8

I le Atua e malolo ai loku fakamauli mo loku kololia ; Ko le utu o loku makeke mo loku ulufaga e nofo i le Atua.

Taagapati 3:18

Ko se laakau a ia o le mauli kia latou ala e too ia a ia, Ti e manuia latou ala e kukumi mau ia a ia.

Taagapati 4:13

Taofi ke mau le akonaki, aua na ke tuku a ia ; Kukumi mau a ia, talie ko lou mauli a ia.

Esaia 27:5

Kae kapau e lotou too au ko se mumuniaga, Ti kapau e lotou afa le tokamalie mo au, Io, mo kapau e lotou afa le tokamalie mo au, Ti e leaise kau tutu loa latou.

Esaia 51:12

Ko au, ko au leia e fakapelepele ia koutou. Ei loku kakai, kolea e ke i ai ki le tagata leia e mate, Ki le vosa o le tagata leia e tatau mo le mutie ?

Esaia 56:4

Talie e folafola le Eteleno : Ki le kau enuke ala e tausi ia loa oku sapato, Ala e filifili ia loa le nea leia e malie kiate au, Ti e too mau ia loa laku sai :

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Sakalia 9:12

Kotou toe liliu ki le kolo makeke, kau popula kua apele i le amanaki malie ! I le aso nei foki e kau fakasa maoki, E kau toe soli loa kiate koe o liuga lua.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Mateo 24:35

E puli loa le lagi mo le kele, kae e leaise toe puli loa aku folafola.

Mateo 3:7

Kae, i lana tio ki le au o ni faliseo mo ni Satuseo toka api ki lana papitema, na pati loa a ia kia latou : Lanu o gata velo, ko ai leia na ako atu ia kia koutou ke sola i le sausau leia ka vilo mai ?

Luka 2:25

Ti ko leinei, na i ai i Selusalemi se tagata na igoa ko Simeone. Na agatonu le tagata lena mo tausi malie ki le Atua, ti na talitali a ia ki le fakapelepeleaga o Iselaele, ti na iate ia le Laumalie Maokioki.

Loma 15:5

Ke soli atu kia koutou e le Atua o le kataki fualoa mo le fakapelepele, ke kotou maua ni manatu tatau i okoutou vasaa o mulimuli kia Sesu-Kilisito,

Loma 3:25

Ko ia leia kua fakatuutuu e le Atua ko le failaulau fakamolemole o agasala kia latou ala e tui loa ki lona toto, o tupu ke fakasa ai lana faitotonu, talie na leaise fakatuaa e ia a agasala ala na fai i mua, i le temi o lona kataki fualoa.

Loma 3:4

E leai ai ! Ke maoki le Atua, kae loi tagata fuli, o mulimuli ki le nea leia kua tosi : O tupu ke maua a koe e faitotonu i au masau, Ti ke ke malo i lou fakamaau.

Loma 5:5

Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.

Filipe 2:1

Koia kapau e i ai se fakapelepele ia Kilisito, kapau e i ai se fimalie i le alofa, kapau e i ai se komunio i le Laumalie, kapau e i ai se alofa mamae ti mo se manavaalofa,

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 1:5

o tupu ko le amanaki malie leia kua taofi atu ma koutou i le atu lagi, ti kua fakasa atu kia koutou i mua e le folafola o le maoki, le folafola o le Evaselio.

Uluaki tosi ki le kau Tesalonika 1:10

ti ke talitali mei le atu lagi ki lona Alo, leia na toe fakatuuake e ia mei le kau mate, Sesu, leia e fakamauli ia tatou mei le sausau ka au.

Uluaki tosi kia Timoteo 1:1

Ko au Paulo, apositolo a Sesu-Kilisito i le fakatotonu a le Atua lotatou Fakamauli ti mo Sesu-Kilisito lotatou amanaki malie,

Uluaki tosi kia Timoteo 6:12

Tau le tau malie o le tui, too le mauli lee gato, leia kua kalagai a koe ki ai, ti kua ke fakasa le fakamaoki malie ki ai i mua o ni tagata fakamaoki toka api.

Lua tosi kia Timoteo 2:13

kapau e leaise tou agatonu, e agatonu a ia, talie e leaise mafai ke fakafiti a ia kiate ia totonu.

Tito 1:2

ala e fakatafito ki le amanaki malie o le mauli lee gato, leia na fakapapau i mua o sekulo fuli e le Atua leia e leaise loi,

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Epelo 3:11

Ti na kau fakapapau loa i loku ita : E leaise lotou ulu loa ki loku maloloaga !

Epelo 3:6

kae ko Kilisito, e agatonu a ia ofaipe le Vosa i lona fale totonu ; ti ko lona fale ko tatou, mo kapau e tou kukumi mau le tui makeke mo le amanaki malie o le kololia o kaku ki le fakaoki.

Epelo 6:17

Koia, i le loto o le Atua ke fakasa lasi kia latou ala e tonu ke maua ia le tofiga o le fakapapau, e leaise toe fetogi loa e ia lana fakapapau, ti na fakamaoki loa e ia a ia ki se sai,

Epelo 7:19

Talie na leaise ave e le lao se nea e tasi ki le malie tukupau ; kae kua fakaulu loa se amanaki malie tukupau, leia e tou fakafeofi ai ki le Atua.

Epelo 7:21

talie na soko le kau Levi ko tagata fai sakilifisio sala fakapapau, kae na soko Sesu ko le tagata fai sakilifisio i leia na pati kiate ia : Kua fakapapau le Aliki, ti e leaise toe fakasemala loa a ia : Eke tagata fai sakilifisio o lee gato, Omulimuli ki le faasiga o Melekiseteke ;

Sosue 20:3

ala ke feala loa ke sola ki ai le tagata tukipo leia na tamate ia loa se tasi kae na leaise loto a ia ki ai. E kotou sosola loa ki ai ke kotou sao mei le tagata totogi toto.

Uluaki tosi a Soane 1:10

Kapau e tou pati na leaise tou agasala, e tou fakaloii a ia, ti e leaise nofo lana folafola ia tatou.

Uluaki tosi a Soane 5:10

Ko leia e tui ki le Alo o le Atua, e maua e ia le fakamaoki lena iate ia totonu ; ko leia e leaise tui ki le Atua, e fakagutuloiloi e ia le Atua, talie e leaise tui a ia ki le fakamaoki a le Atua ki lona Alo.

Uluaki tosi a Samuele 15:29

Ko ia leia ko le makeke o Iselaele e leaise loi ti e leaise toe fakasemala, talie e leaise ko se tagata a ia ke fakasemala.