Epelo 5:7 - Tosi Tapu

⁷ Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Epelo 5:7 ပူးပေါင်းရင်းမြစ်များ

Pesalemo 22:24

Ko koutou ala e i ki le Eteleno, ke kotou vikiviki kiate ia ! Ko koutou fuli ko le sakoga o Sakopo, ke kotou fakakololia kiate ia ! Ke kotou lulu i ona mua, kotou fuli ko le sakoga o Iselaele !

Pesalemo 69:1

Ki le pule o le kau sua. I lilio. A Tavite.

Pesalemo 88:1

Katiko. Pesalemo a vosa o Kole. Ki le pule o le kau sua. Ke sua i le fulute. Katiko a Emani, ko le tagata Eselaki.

Esaia 49:8

Ko leinei le folafola a le Eteleno : I le temi o le kalasia e kau tali loa kiate koe, I le aso o le fakamauli e kau tokoi loa kiate koe ; E kau taupau loa a koe, ti e kau fakanofo loa a koe ke fai ia se sai mo le kakai, Ke toe lagai ia le fenua ki aluga, Ti ke tufa ia a tofiga na tiaki ;

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Esaia 53:3

Vesiaina mo tiakina e tagata, Tagata o le mamae mo masani i le mamae, Tatau mo leia e mafuli kese i ai a mata ; Na tou nukinuki kiate ia, na leaise tou tokaga fua kiate ia.

Levitiko 2:2

E ave loa e ia le moliga ki le kau faisakilifisio, vosa o Alone ; ti e too loa e ia ki lona lima se ga lukuga i le falina lena, leia kua fakasusu ki le lolo, mo le iseso katoa, ti e tutu loa e le tagata faisakilifisio a nea fuli ana i aluga o le aletale ofaipe se fakamanatu. Ko se moliga tutu a ia e le afi, ti ko se nea manogi malie a ia ki le Eteleno.

Mateo 27:46

Ti i le ola tolu, na kalaga loa Sesu o leo lasi : Eli, Eli, Lama Sabachthani ! Ko lona uiga : Ei loku Atua, ei loku Atua, kolea kua ke tiaki ai au ?

Mateo 27:50

Na toe kalaga leo lasi loa Sesu, o tuku lona laumalie.

Maleko 15:34

I le ola tolu sili lalatea, na kalaga loa Sesu o leo lasi : Eloi, Eloi, lama sapakatani ? Ko lona uiga : Ei loku Atua, ei loku Atua, kolea kua ke tiaki ai au ?

Maleko 15:37

Kae na kalaga leo lasi loa Sesu, ti na mate loa a ia.

Luka 23:46

Na kalaga loa Sesu o leo lasi : Tamana, e kau tuku loku laumalie ki ou lima. Ti oki, na mate loa a ia.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 11:35

Na tagi loa Sesu.

Soane 11:42

Kiate au, e kau iloa e ke tali tuumau au ; kae e kau masau o tupu ko le kakai leinei e takatakai ia au, talie ke lotou tui ko koe leia na kakau ia mai au.

Soane 17:1

I le oki o lana masau a ia, na siki loa e Sesu ona mata ki le lagi, o pati : Tamana, kua soko le ola ! Fakakololia lou Alo, o tupu ke fakakololia a koe e lou Alo,

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Kalate 4:4

kae i le kaku mai o le temi leia na fakatuutuu ki ai, na kakau mai loa e le Atua lona Alo, leia na tupu mei se fafine, leia na tupu i le lao,

Uluaki tosi kia Timoteo 3:16

Ti e maoki, e lasi le misitelio o le alofa o le Atua : Kua fakasa le Atua i le kanofi, kua fakamaoki a ia i le Laumalie, kua tio kiate ia le kau aselo, kua fakamafola a ia ki puleaga, kua tui kiate ia i le malama nei, ti kua siki ake a ia ki le kololia.

Epelo 10:10

Ti e tupu ko le finegalo lena kua tou soko ai o maokioki ki le momoli o le tino o Sesu-Kilisito, tua tasi fuai.

Epelo 10:5

Koia na pati ai Kilisito, i lana au ki le malama nei : Na leaise ke loto ki se sakilifisio pe ko se moliga, Kae na ke fau se tino kiate au ;

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Epelo 12:28

Koia o tupu kua tou maua se puleaga leia e leaise mafai ke lui, ke tou fakasa lotatou fakafetai o tuku ki le Atua se atolasio leia e malie kiate ia, i le alofa ti mo le i ;

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Uluaki tosi a Soane 4:3

ti ko laumalie fuli ala e leaise fakasa ia na tupu tagata Sesu, e leaise au a ia mei le Atua, ko le laumalie a ia o le atekilisito, leia na kotou logo e au, ti e nofo nei a ia i le malama nei.

Lua tosi a Soane 1:7

Talie kua ulu mai ki le malama nei ni tagata toka api, ti e leaise lotou fakasa ia kua au Sesu-Kilisito i se tino fakatagata ; ko leia e felaaki ko le tagata a ia, ti ko le atekilisito.