Epelo 5:4 - Tosi Tapu

⁴ E leaise mafai ke too e se tasi le tulaga mauiga lena kiate ia ; kae na leaise kalagai a ia e le Atua, ofaipe Alone.

Epelo 5:4 ပူးပေါင်းရင်းမြစ်များ

Uluaki tosi o Koloniko 23:13

Ko vosa o Amilame : ko Alone, mo Moisese. Na vaei loa Alone, o tupu ke fakatapui a ia ke maokioki lasi, a ia mo ona vosa, i tautupu fuli, ke lotou momoli a nea fakamanogi i mua o le Eteleno, ke lotou fai le tausi kiate ia, ti ke lotou tapuaki ki le kakai i le suafa o le Eteleno.

Lua tosi o Koloniko 26:18

tagata loto makeke, ala na fakafesagai loa ki le sau ko Osiasi, o pati kiate ia : E leaise taga kiate koe, Osiasi, ke ke momoli ni kaloni ki le Eteleno ! E fakalogo le tuulaga lena ki le kau tagata faisakilifisio, vosa o Alone, ala na fakatapui ke momoli ia latou. Mavae mei le sagatualio, talie e ke fai ia se agasala ! Ti e leaise maliu loa le nea lena o malie kiate koe i mua o le Eteleno Atua.

Esetalasi 7:5

vosa o Apisua, vosa o Finesi, vosa o Eleasale, vosa o Alone, le tagata faisakilifisio lasi.

Ekesote 28:1

Fakafeofi mai kiate koe lou taokete ko Alone, mo ona vosa, ti ke vaei kese latou mei fanau a Iselaele, o ke fakanofo latou ke gaoi kiate au i le gaoi fakapelepitelo : Ko Alone mo ona vosa ko Natape, mo Apiu, mo Eleasale, mo Itamale.

Levitiko 8:2

Ave Alone mo ona vosa ki le uluaga o le falela tapu ; ti toe ave foki ki ai a kofu tapu, mo le lolo tapu, mo le pipi tagata ki le agasala, mo ovi tagata e lua, ti mo le kete leia e tanaki ai a pane sala fakatupu ;

Numelo 16:10

Na fakafeofi e ia koutou kiate ia, a koe mo ou fetaina fuli, fanau a Levi, ti e kotou toe loto foki ki le gaoi fakapelepitelo !

Numelo 16:35

Na au loa se afi mei le Eteleno, o tutu le kau tagata e tino lelau lua tino lima, leia na momoli ia le kaloni.

Numelo 16:40

Ko se fakamanatu a ia ki fanau a Iselaele, o tupu ke aua na fakafeofi se tasi leia e leaise kau ki le sakoga o Alone, o momoli se kaloni i mua o le Eteleno, ti ke aua na fai loa a ia pe Kole mo lona kakai, o mulimuli ki le nea leia na fakasa e le Eteleno ia Moisese.

Numelo 16:5

Na masau loa a ia kia Kole mo lana kakai katoa, o pati : I le usu apogipogi, e fakasa loa e le Eteleno pe ko ai leia kua filifili e ia, pe ko ai leia kua fakanofo e ia ke fakafeofi kiate ia. E fakafeofi ake loa e ia kiate ia leia ka filifili loa e ia.

Numelo 16:7

I apogipogi, ke kotou tuku ki ai se afi, ti ke kotou liligi ki aluga se kaloni i mua o le Eteleno ; ti ko le tagata leia e filifili loa e le Eteleno, ko ia leia e maokioki loa. Kua feauga le loto lasi, ei fanau a Levi !

Numelo 18:7

Ko koe, Alone, mo ou sakoga, e kotou fai loa lakoutou gaoi fakapelepitelo i le aletale mo le ganea taputapu i loto o le kie tapono : Ko au leia e soli fakaalofa atu ia kia koutou le gaoi fakapelepitelo. Kapau e fakafeofi mai loa se tasi kese kiate au, e tautea loa a ia ki le mate.

Numelo 3:3

Ko igoa ana o vosa o Alone ala na fakanofo ke faisakilifisio ti na ulu loa ki le gaoi o tagata faisakilifisio.

Soane 3:27

Na tali loa Soane : E maua fai e le tagata le nea leia na tuku kiate ia mei le lagi.