Epelo 5:14 - Tosi Tapu

¹⁴ Kae e tuku le magiti makeke ki tagata kua katoa, kia latou ala kua masani i le iloa kesekese o le malie mo le veli.

Epelo 5:14 ပူးပေါင်းရင်းမြစ်များ

Senesi 3:5

kae e iloa e le Atua, i le aso leia e kolua kai loa ki ai, e mavaa loa okoulua mata, ti e kolua tatau loa mo le Atua, o kolua iloa loa le malie mo le veli.

Lua tosi a Samuele 14:17

Na pati lau fafine fakasausau : Ko le masau a loku aliki, le sau, e soli ia mai loa kiate au le fulufulumalie. Talie e tatau loku aliki, le sau, mo se aselo a le Atua, kua nofo teuteu a ia ke logo ki le malie mo le veli. Ti ke nofo mo koe le Eteleno, lou Atua !

Uluaki tosi o Sau 3:11

Ti na pati loa le Atua kiate ia : Talie kua ke kole le nea lena, ti na leaise ke kole mai se mauli fualoa, pe ko ni koloa, pe ko le mate o ou fili, kae kua ke kole mai le poto ki le fai o le fakamaau totonu,

Uluaki tosi o Sau 3:9

Koia ke ke soli ki lau tagata fakasausau se loto poto ke fakamaaui ai lou kakai, ke tio ai ki le nea leia e malie mo le nea leia e veli ! Talie ko ai e mafai ia loa ke fakamaaui ia lou kakai, le kakai api leinei ?

Sopo 12:11

Pe leaise ko le gaoi a le taliga ko le iloa o masau, Ofaipe le gutu ko le iloa o le kano malie o nea kai ?

Sopo 34:3

Talie e asiasii e le taliga a masau Ofaipe le gutu leia e asiasii ia a nea kai.

Sopo 6:30

Pe i ai se agaveli i loku alelo ? Pe leaise iloa malie e loku gutu le nea e veli ?

Pesalemo 119:103

E suamalie au folafola ki oku kau gutu, O lasi ake i le meli ki le gutu !

Katiko o Katiko 1:3

E maua e ou kaloni se manogi fakaaloalofa ; Ko lou igoa ko se kaloni leia e liligi ; Koia leia e mamana ai a taineliki kiate koe.

Katiko o Katiko 2:3

Ofaipe se pome i loto malie o laakau o le vao, E fenaaki loku alofaaga i lotolotoga o tama tupulaga. Na kau oli ke kau tonatona i lona malu, Ti e suamalie lona fua ki loku gutu.

Esaia 7:15

E kai loa e ia le gako o le sua pipi mo le meli, o kaku ki lana iloa le nea leia e veli e tonu ke tiaki mo le nea leia e malie e tonu ke filifili.

Mateo 5:48

Koia ke kotou malie tukupau, ofaipe lokoutou Tamana i Selo leia e malie tukupau.

Loma 14:1

Ke kotou fakatalitali leia e gaegae i le tui, ti ke aua na kotou fevisi i manatu.

Uluaki tosi ki le kau Kolinto 2:6

Kae ko se poto leia e motou fakasa ia latou ala e saosaoa, poto leia e leaise au mei le sekulo leinei, pe mei pule o le sekulo leinei, ala ka maumaui loa.

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Efeso 4:13

o kaku ki le temi leia e tou soko fuli ai ki le pipiki tasi o le tui, ti mo le iloa o le Alo o le Atua, ki le tagata kua katoa, ki le fuafua o le lasi o le apele o Kilisito :

Filipe 3:15

Koia ko tatou fuli ala ko ni tagata kua katoa, ke tou maua le manatu lena ; ti kapau e kotou maua se tasi ake manatu, e fakamalamai loa koutou e le Atua i le nea foki lena.

Uluaki tosi ki le kau Tesalonika 5:21

Kae kotou sivisivi a nea fuli ; kotou taofi le nea leia e malie ;

Uluaki tosi kia Timoteo 4:7

Ke ke tiaki a fanaga fakamalama a le kau finematua.

Epelo 6:1

Koia foki, ke tuku ki muli a uluaki folafola a Kilisito, tou fai atu ki le nea leia e malie tukupau ; kae aua na toe teki le fakatafito o le fakafiti ki gaoi mate,

Sakopo 3:2

Talie e tou tukia fuli i nea kesekese. Kapau e leaise tukia se tasi i ana masau, ko se tagata saosaoa a ia, kua mafai e ia le taofi o lona tino katoa.