Epelo 5:13 - Tosi Tapu

¹³ Talie ko leia koi nofo i le sua pipi e leaise poto a ia i le folafola o le maokioki ; talie ko se toe ikiiki a ia.

Epelo 5:13 ပူးပေါင်းရင်းမြစ်များ

Pesalemo 119:123

E gaegae oku mata i le talitali ki lou fakamauli, Ti mo le fakapapau o lou faitotonu.

Esaia 28:9

E lotou pati : Ko ai leia e loto Esaia ke ako ki ai le poto ? Ko ai leia e ke loto ke tuku ki ai ni akonaki ? Pe ki ni uviki toe ala nao puaki fua, Pe ki ni toe ala nao too mai fua mei le u o le tinana ?

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Maleko 10:15

E kau pati maoki atu kia koutou, ko leia e leaise tali ia loa le puleaga o le Atua ofaipe se ga toe ikiiki e leaise ulu loa a ia ki ai.

Loma 2:20

ko le toketa a koe o le kau vale, ko le pule a koe o le kau valelea, talie e ke maua i le lao le lekula o le poto ti mo le maoki ;

Uluaki tosi ki le kau Kolinto 13:11

I le temi leia na kau ikiiki ai, na kau masau ofaipe se toe, ti na kau manatu ofaipe se toe, ti na kau fakakaukau ofaipe se toe ; kae i le temi leia na kau liliu ai o tagata, na kau tuku kese loa a naunau o le toe.

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Uluaki tosi ki le kau Kolinto 3:1

Kiate au, fetaina, na leaise mafai ke kau masau atu kia koutou ofaipe ki ni tagata fakalaumalie, kae ofaipe ki ni tagata fakakanofi, ofaipe ki ni fanau liliki ia Kilisito.

Lua tosi ki le kau Kolinto 3:9

Talie kapau na kololia ia le gaoi o le fakamalaia, ti e toe fakalaka mamao ake le kololia ia o le gaoi o le faitotonu.

Efeso 4:14

Talie ke aua na tou toe fai loa pe ni toe liliki, ala e fetaaki mo feaveaki e matagi o akonaki fuli ala e fakamafola e ni tagata kaka ke fakasese ai ni iki ki alatou puleaki kaka.

Lua tosi kia Timoteo 3:16

E au le Tosi tapu katoa mei le tukumanava a le Atua, ti e aoga a ia ki le akonaki, mo le valoki, mo le fakatonutonu, mo le fakapotoi ki le maokioki,

Uluaki tosi a Petelo 2:2

kae kotou oli, ofaipe ni toe memea, ki le sua u fakalaumalie mo mea, o tupu ke kotou tuputupua i ai ki le saofaki,

Lua tosi a Soane 1:11

Talie ko leia e pati kiate ia : Malo ! e kau a ia ki ana gaoi veveli.