Epelo 5:12 - Tosi Tapu

¹² Talie ko koutou, ala kua tonu mei fualoa ke liliu ko ni pule fai sekola, kua aoga ke toe ako atu kia koutou a uluaki lekula o le folafola a le Atua ; kua kotou toe tatau mo latou ala e aoga ki ai le sua pipi kae leai le nea kai makeke.

Epelo 5:12 ပူးပေါင်းရင်းမြစ်များ

Lua tosi a Samuele 16:23

I le temi lena na fakalogo ki tokoi a Asitofele ofaipe le folafola a le Atua totonu. Na fai felaaki ki tokoi fuli a Asitofele, tatau kia Apesalone pe kia Tavite.

Esetalasi 7:10

Talie na tokaga fakamalotoloto Esetalasi o ako mo fai le lao a le Eteleno, ti mo ako ki le kakai o Iselaele a folafola mo lekula o le lao lena.

Pesalemo 34:11

E pakupaku ti e fia inu a uviki laione, Kae e leaise puli se nea kia latou ala e afa ia le Eteleno.

Esaia 28:13

Kia latou, ko le folafola a le Eteleno e liliu loa Ko se pelesepeto ki se pelesepeto, ko se pelesepeto ki se pelesepeto ; Ko se lekula ki se lekula, ko se lekula ki se lekula ; Ko se nea noa i leinei, ko se nea noa i leia, O tupu ke lotou sisiga o fatifati mo ka lotou saele, O tupu ke visia olatou vae ti ke lotou pikiia ai.

Esaia 55:1

Koutou fuli ala e fia inu, kotou au ki atu vai, Mo leia foki e leaise maua ia sana paaga ! Kotou au, kotou totogi ti kotou kai, Kotou au, kotou totogi se vino mo se sua u, sala paaga, sala totogi !

Mateo 17:17

Na tali loa Sesu : Lanu tui gataa mo aga fakalialia, e kaku loa kiafea laku nofo mo koutou ? E kaku loa kiafea laku kataki kia koutou ? Aumai a ia ki leinei.

Maleko 9:19

Na pati loa Sesu kia latou : Lanu tui gataa, e kaku loa kiafea laku nofo mo koutou ? E kaku loa kiafea laku katakii koutou ? Aumai le toe kiate au. Ti na aumai loa le toe kiate ia.

Gaoi 7:38

Ko ia leia, i le fakatasi i le toafa, na nofo mo le aselo leia na masau kiate ia i le mauga o Sinai ti mo otatou tamana, na tali ia a folafola mauli, ke tuku mai kia koutou.

Loma 3:2

E lasi ai le malie i nea fuli ; uluaki na tuku le folafola a le Atua ki le kau Sutea.

Uluaki tosi ki le kau Kolinto 14:19

kae, i le Ekelesia, e malie ake kiate au ke kau puaki ni kupu e lima i loku atamai, o tupu ke akoi ai foki ala ake, i ni kupu e kau agafulu afe i se masau kese.

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Kalate 4:3

Ko tatou foki, e tou tatau, i le temi leia na koi tou liliki ai, na tou popula ki makeke fakalaumalie o le malama nei ;

Filipe 3:1

Fakatoetoe, ei oku fetaina, kotou fiafia i le Aliki. E leaise kau kaekae fua i le tosi atu kia koutou o nea masani, talie e aoga a ia kia koutou.

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Epelo 10:32

Kotou manatui a uluaki aso i mua, i le oki o lokoutou fakamalamai, na kotou kataki se tau lasi i loto malie o mamae.

Epelo 5:11

E lasi ai a nea ala e motou fia masau ki ai i le potu lena, ti ko ni nea e faigataa ke fakamatala, talie kua kotou liliu o gasueveli i le fia matala.

Epelo 5:13

Talie ko leia koi nofo i le sua pipi e leaise poto a ia i le folafola o le maokioki ; talie ko se toe ikiiki a ia.

Epelo 6:1

Koia foki, ke tuku ki muli a uluaki folafola a Kilisito, tou fai atu ki le nea leia e malie tukupau ; kae aua na toe teki le fakatafito o le fakafiti ki gaoi mate,

Uluaki tosi a Petelo 2:2

kae kotou oli, ofaipe ni toe memea, ki le sua u fakalaumalie mo mea, o tupu ke kotou tuputupua i ai ki le saofaki,

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !