Epelo 5:1 - Tosi Tapu

¹ Talie, ko le pule fai sakilifisio fuli, kua filifili a ia i lotomalie o le kakai, ti kua fakanofo a ia ki le kakai ke tausi ki le Atua, o tupu ke momoli e ia ni moliga mo ni sakilifisio o tupu ko agasala.

Epelo 5:1 ပူးပေါင်းရင်းမြစ်များ

Levitiko 8:2

Ave Alone mo ona vosa ki le uluaga o le falela tapu ; ti toe ave foki ki ai a kofu tapu, mo le lolo tapu, mo le pipi tagata ki le agasala, mo ovi tagata e lua, ti mo le kete leia e tanaki ai a pane sala fakatupu ;

Levitiko 9:7

Na pati loa Moisese kia Alone : ke ke fakafeofi ki le aletale ; momoli lau sakilifisio o le fakamolemole mo lau failaulau, ti ke fai le fakamolemole kiate koe mo le kakai ; ti ke momoli foki le sakilifisio a le kakai, ti ke fai le fakamolemole kiate ia, o mulimuli ki le fakatotonu a le Eteleno.

Loma 15:17

Koia i le fakatasi mo Sesu-Kilisito, e feala ke kau fia tagata i laku gaoi ki le Atua.

Uluaki tosi ki le kau Kolinto 15:3

Na kau akonaki atu kia koutou i mua o nea fuli, ofaipe le nea leia na kau tali ia foki : na mate Kilisito o tupu ko atatou agasala, o mulimuli ki le Tosi ;

Epelo 10:11

Ti e tuu i aluga a tagata fai sakilifisio fuli i aso taki tasi o fai lana gaoi, ti e momoli tuumau e ia a sakilifisio tatau, ala e leaise mafai ke too ia i se aso a agasala.

Epelo 10:12

Kae ko Kilisito, i le oki o lana momoli se sakilifisio e tasi ki agasala, na nofo a ia o lee gato i le lima atamai o le Atua ;

Epelo 11:4

Ko le tui leia na momoli ai e Apele ki le Atua se sakilifisio leia e malie tukupau ake i leia a Kaino ; ko le tui leia na fakasa ai a ia ko le agatonu, o tali e le Atua ana moliga ; ko le tui leia koi masau ai a ia, logo ai kua mate.

Epelo 2:17

Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Epelo 7:27

leia e leaise aoga kiate ia, o tatau mo la ake kau pule fai sakilifisio, ke momoli e ia i aso taki tasi ni sakilifisio, o uluaki mua ki ana agasala totonu, ti oki ki agasala a le kakai. Talie na fai e ia le nea lena o tua tasi malie, i lana momoli a ia totonu.

Epelo 8:3

Talie ko pule fai sakilifisio fuli, kua fakanofo latou ke lotou momoli ni moliga ti mo ni sakilifisio ; koia na aoga ai kiate ia ke i ai foki sana nea ke momoli.

Epelo 8:4

Kanapau na nofo a ia i le malama nei, na leaise fai sakilifisio a ia, talie na nonofo i ai latou ala e momoli ia a moliga o mulimuli ki le lao :

Epelo 9:9

Ko se fakatata lena ki le temi nei ; ko lona uiga, ko nea alofa mo sakilifisio, ala na momoli ki le Atua, e leaise mafai ke fakasoko ia o malie tukupau le loto o leia e fai ia le atolasio lena ;