Epelo 4:16 - Tosi Tapu

¹⁶ Koia ke tou fakafeofi ai i le tui makeke ki le agaiaga o le kalasia, o tupu ke tou maua ai le manavaalofa ti ke tou tali ai le kalasia, ke tokoi ai kia tatou i nea ala e aoga kia tatou.

Epelo 4:16 ပူးပေါင်းရင်းမြစ်များ

Uluaki tosi o Koloniko 28:11

Na tuku loa e Tavite kia Salomone, lona vosa, le paaki o le uluaga fakamalumalu mo fale, mo kogafale tanaki o koloa, mo kogafale fata, mo kogafale loto, ti mo le kogafale o le sagatualio.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Levitiko 16:2

Na pati loa le Eteleno kia Moisese : Masau ki lou taina ko Alone, ke aua na ulu fakalaluvale ki le sagatualio, ki leia atu fetuu o le lito tapono, leia e tuku ai le aleka mo lona tapono tapu ; talie e kau sa loa i ai i le ao, i aluga o le tapono tapu o le aleka, ti e feala loa ke mate ai a ia.

Efeso 2:18

talie iate ia, ko koutou mo matou, e tou maua se uluaga ki le Tamana i se Laumalie e tasi.

Efeso 3:12

iate ia e tou maua ai, i le tui kiate ia, le lauatea ke tou fakafeofi ai ki le Atua i le fanaki.

Epelo 13:6

Koia e mafai ai ke tou pati makeke ai : Ko le Aliki ko loku tokoi, e leaise kau i loa ki se nea ; Kolea e mafai e se tagata kiate au ?

Epelo 3:6

kae ko Kilisito, e agatonu a ia ofaipe le Vosa i lona fale totonu ; ti ko lona fale ko tatou, mo kapau e tou kukumi mau le tui makeke mo le amanaki malie o le kololia o kaku ki le fakaoki.

Epelo 7:19

Talie na leaise ave e le lao se nea e tasi ki le malie tukupau ; kae kua fakaulu loa se amanaki malie tukupau, leia e tou fakafeofi ai ki le Atua.

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Epelo 9:5

I aluga o le aleka na tuu ai a selupino o le kololia, ala na fakamalumalu ia ki ola kapakau le tapono o le aleka. E leaise ko le temi leinei ke masau ai ki ona anoaga fakalikiliki fuli.

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.