Epelo 4:15 - Tosi Tapu

¹⁵ Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.

Epelo 4:15 ပူးပေါင်းရင်းမြစ်များ

Ekesote 23:9

Aua na ke fakagaoi fakamakeke ia loa le matapule ; e kotou iloa le nea leia e logoi e ia, talie na kotou matapule i le fenua o Esipito.

Esaia 53:9

Na tuku lona tanuma i le kau agaveli, Lona tanuma mo le tagata mou koloa, Kae na leaise fai e ia se veli, Ti na leaise maua se kaka i lona gutu.

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Mateo 12:20

E leaise fatii loa e ia le fa u mafati, Ti e leaise tamate loa e ia le vavai malama leia e afu, O kaku ki lana fakasoko ke malo le faitotonu.

Mateo 4:1

I le oki o le nea lena, na taki loa Sesu e le Laumalie Maokioki ki le toafa ke fakasalai ai e le Tiapolo.

Luka 22:28

Ko koutou, na kotou nonofo tuumau mo au i oku asiasii ;

Luka 4:2

Ti na fakasalai loa a ia e le Tiapolo i aso e kau fa. Na leaise kai loa e ia se nea i aso ana ; ti na sili loa a aso ana, na fia kai loa a ia.

Soane 8:46

Ko ai ia koutou e maua ia loa se agasala iate au ? Kapau e kau fakasa le maoki, kolea e leaise kotou tui mai ai loa kiate au ?

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Epelo 4:14

Koia i le kua tou maua ai se pule fai sakilifisio leia kua ulu i le atu lagi, Sesu, le Alo o le Atua, ke tou tuu makeke i le tui leia e tou fakasa.

Epelo 5:2

E feala ke maua e ia se alofa mamae ki le kau vale mo le kau sese, talie e kau foki a ia totonu ki le gaegaeia.

Epelo 7:26

Koia na aoga ai kia tatou ke tou maua se pule fai sakilifisio o tatau mo ia, maokioki, mo mea, mo lee mele, mo mavae kese mei le kau agasala, ti mo taualuga ake i le atu lagi,

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Uluaki tosi a Petelo 2:22

A ia leia na leaise agasala, Ti na leaise maua fua i lona gutu se kaka ;

Uluaki tosi a Soane 3:5

Ti e kotou iloa, na sa Sesu ke too e ia a agasala, ti e leaise maua se agasala iate ia.