Epelo 4:12 - Tosi Tapu

¹² Talie ko le folafola a le Atua e mauli, mo makeke, mo matakakai ake i se seleta mata lua, mo ulu loloto o kaku ki le vaei o le loto mo le laumalie, o sokoga mo gako o ivi ; e fakamaaui e ia a manatu o le laumalie ti mo manatu o le loto.

Epelo 4:12 ပူးပေါင်းရင်းမြစ်များ

Pesalemo 110:2

E fakamafola loa e le Eteleno mei Sione le tokotoko o lou mafimafi : Ke ke pule i loto malie o ou fili !

Pesalemo 119:130

Ko le matala ki au folafola e tuku ia le malama, E tuku e ia le atamai ki le kau agamalu.

Pesalemo 139:2

E ke iloa mo ka kau tonatona ki lalo, ti mo ka kau tuu ki aluga, E ke ului mei mamao laku manatu ;

Pesalemo 149:6

Ke nofo i olatou gutu a fakafetai o le Atua, Ti mo le seleta mata lua i olatou lima,

Pesalemo 45:3

E ke tupulaga toka tasi i vosa o le tagata : E apele le kalasia i ou laugutu : Koia na tapuaki ai le Atua kiate koe o lee gato.

Taagapati 5:4

Kae i le fakaoki e kona a ia ofaipe le apesite, Ti e matakakai a ia ofaipe se seleta mata lua.

Ekelesiasi 12:11

O tupu na lasi ai le poto o le Ekelesiasi, na ako foki e ia le poto ki le kakai, ti na sivi e ia, mo ului loloto e ia, mo fakatuutuu e ia ni pati fakatata mauke.

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Esaia 49:2

Na fakaliliu e ia loku gutu ke tatau mo se seleta matakakai, Na fufu e ia au i le malu o lona lima ; Na fai e ia kiate au se gasau matakakai, Na fufu e ia au i lana taga gasau.

Esaia 55:11

E tatau foki mo laku folafola, leia e ulu mei loku gutu : E leaise toe liliu mai a ia kiate au sala fua, Kae e leikiaise fai e ia loku finegalo Ti mo fakasoko aku fakatuutuu.

Selemia 17:10

Ko au, le Eteleno, e kau tio o kaku ki le mafu, ti e kau iloa a manatu fakapulipuli o le laumalie, Ke tuku ki le tagata taki tasi o mulimuli ki ona ala, O mulimuli ki le fua o ana gaoi.

Selemia 23:29

Pe leaise fai laku folafola pe se afi, e pati le Eteleno, Pe se amale leia e fatifati ia le fatu ?

Luka 8:11

Ko leinei le uiga o le folafola fakatata lena : Ko le fakaili, ko le folafola a le Atua.

Soane 12:48

Ko leia e tiaki ia au ti e leaise tali ia aku folafola e maua e ia lona tui fakamaau ; ko le folafola leia na kau fakasa, ko ia leia e fakamaaui ia loa a ia i le aso fakamuli.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Gaoi 2:37

I lalatou logo ki le masau lena, na lotou logoi i olatou loto se fakasemala lasi ai, ti na lotou pati loa kia Petelo mo la ake apositolo : Kau tagata ko fetaina, kolea le nea leia e tonu ke motou fai ?

Gaoi 4:31

I le oki o lalatou faikole, na galulu loa le ganea leia na lotou fakatasi ai ; ti na lotou apele fuli loa i le Laumalie Maokioki, ti na lotou fakasa loa le folafola a le Atua i le makeke katoa.

Gaoi 5:33

Na lotou fakainaina loa i le ita i masau ana, ti na lotou loto loa ke tamate latou.

Gaoi 7:38

Ko ia leia, i le fakatasi i le toafa, na nofo mo le aselo leia na masau kiate ia i le mauga o Sinai ti mo otatou tamana, na tali ia a folafola mauli, ke tuku mai kia koutou.

Loma 1:16

Talie e leaise kau luma ai ki le Evaselio : Ko le makeke a ia mei le Atua ke fakamauli ai leia e tui, o uluaki le Sutea, ti mo le Keleka foki,

Uluaki tosi ki le kau Kolinto 1:24

kae ko se makeke o le Atua mo se poto o le Atua kia latou ala kua kalagai, i le kau Sutea mo le kau Keleka.

Lua tosi ki le kau Kolinto 2:17

Talie e leaise motou fai kaka ki le folafola a le Atua, ofaipe le fai a se toka api ; kae motou masau i le maoki, i mua o le Atua, ofaipe ni tagata fakasausau a Kilisito.

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.

Efeso 5:13

kae kapau e fakasa a nea fuli ana ki le malama, e sa loa lolatou natula totonu, talie ko nea fuli ala e fakasa fenaaki e liliu o malama.

Efeso 5:26

o tupu ke fakatapui a ia, mo fakamea a ia, ti mo fufulu a ia ki le vai o le folafola,

Efeso 6:17

ti kotou too foki le puloga tau o le fakamauli, mo le seleta a le Laumalie, leia ko le folafola a le Atua.

Uluaki tosi ki le kau Tesalonika 2:13

Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui.

Uluaki tosi ki le kau Tesalonika 5:23

Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Epelo 13:7

Kotou manatui okoutou kau takitaki ala na fakasa ia atu kia koutou le folafola a le Atua ; kotou tio ki le fakaoki o lolatou mauli, ti kotou faifaitaki lalatou tui.

Epelo 6:5

ti kua kai ki le folafola malie a le Atua ti mo makeke o le malama ka au,

Sakopo 1:18

Na fakatupu e ia tatou ki le folafola o le maoki o mulimuli ki lona finegalo, o tupu ke tou liliu ko le kau uluaki tupu o lana kakai.

Uluaki tosi a Petelo 1:23

talie kua kotou tupu foou, o leai mei se pulapula popo kae mei se pulapula lee popo, mei le folafola mauli mo lee gato a le Atua.

Apokalipisi 1:16

Na too e ia i lona lima atamai ni fetuu e fitu. Na ulu mei lona gutu se seleta lau ikiiki, mata lua ; ti ko ona mata na faipe le laa mo ka ula i lona makeke katoa.

Apokalipisi 19:15

Ti na ulu mei lona gutu se seleta lau ikiiki, ke tamate ai a puleaga : E taki loa e ia latou ki se tokotoko ukamea ; ti e takatakafi loa e ia le fuai vite i le tatauaga vino o le sausau kaka o le Atua Mafimafi.

Apokalipisi 19:21

Ti na tamate loa le toega e le seleta leia na ulu mei le gutu o leia na eke i le osi ; ti na kai loa olatou kanofi e manu lele o makokona.

Apokalipisi 2:16

Koia ke ke fakasemala ; ka leai, e kau au vave loa kiate koe, ti e kau taui loa latou ki le seleta o loku gutu.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.

Tuifakamaau 3:16

Na fai loa e Euti kiate ia se seleta mata lua, ti na tukilima katoa lona loa. Ti na sunuki loa e ia le seleta ki lona kilipipi, i loto o lona kofu, o lave ki lona tega atamai.