Epelo 4:10 - Tosi Tapu

¹⁰ Talie ko leia e ulu ki le maloloaga o le Atua e malolo a ia i ana gaoi, ofaipe le Atua na malolo a ia i ana gaoi.

Epelo 4:10 ပူးပေါင်းရင်းမြစ်များ

Senesi 2:2

Na fakaoki loa e le Atua lana gaoi i le fitu o aso, ti na malolo loa a ia i ana gaoi fuli ala na fai e ia.

Soane 19:30

I le too e Sesu o le vinika, na pati loa a ia : Kua katoa nea fuli ai. Ti na mapelu loa lona ulu, ti na tuku loa e ia lona laumalie.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 10:12

Kae ko Kilisito, i le oki o lana momoli se sakilifisio e tasi ki agasala, na nofo a ia o lee gato i le lima atamai o le Atua ;

Epelo 4:9

Koia e i ai se malolo o le Sapato leia kua taofi ki le kakai o le Atua.

Apokalipisi 14:13

Ti na kau logo loa ki se leo mei le lagi leia na pati mai kiate au : Tosi : Manuia i le temi nei, le kau mate ala e mate i le Aliki ! Io, e pati le Laumalie, o tupu ke lotou malolo i alatou gaoi pakia, talie e muli alatou gaoi ia latou.

Apokalipisi 6:11

Ti na soli loa se kofu tea ki le tagata taki toka tasi o latou ; ti na pati loa kia latou ke lotou toe malolo mua i se ga temi ikiiki, ke katoa le api o olatou kau tagata gaoi ti mo olatou fetaina ala kua tonu ke maletile ofaipe latou.