Epelo 3:8 - Tosi Tapu

⁸ Aua na kotou fakafefeka okoutou loto, Ofaipe le aso leia na kotou agatuu ai ki le Atua, Ofaipe le aso leia na kotou asiasii ai le Atua i le toafa,

Epelo 3:8 ပူးပေါင်းရင်းမြစ်များ

Lua tosi o Sau 17:14

Kae na leaise lotou fakalogo fua, ti na lotou fakafefeka loa olatou ua ofaipe olatou tamana, ala na leaise tui ki le Eteleno, lolatou Atua.

Lua tosi o Koloniko 30:8

Aua na kotou ua fefeka, ofaipe okoutou tamana ; kae kotou soli okoutou lima ki le Eteleno, kotou au ki lona sagatualio leia na fakatapui e ia o lee gato, ti kotou tausi ki le Eteleno, lokoutou Atua, o tupu ke maliu kese lona sausau lasi meia koutou.

Lua tosi o Koloniko 36:13

Na agatuu foki a ia ki le sau ko Nepukatenesale, leia na fakamaua ia a ia ke fakapapau i le suafa o le Atua ; ti na fakafefeka loa e ia lona ua mo lona loto, o leaise toe liliu a ia ki le Eteleno, le Atua o Iselaele.

Neemia 9:16

Kae na fia nealasi omatou tamana, o fakafefeka olatou ua. Na leaise lotou fakalogo loa ki au folafola,

Sopo 9:4

A ana le poto mo le mafimafi : Ko ai leia e fakatutuu kiate ia kae leaise tautea a ia ?

Pesalemo 106:14

Na lotou manumanu loa i le toafa, Ti na lotou asiasii loa le Atua i le potu lavaki.

Pesalemo 78:18

Na lotou asiasii loa le Atua i olatou loto, O lotou kole se nea kai o mulimuli ki oli o lolatou loto.

Pesalemo 78:56

Kae na lotou asiasii loa le Atua taualuga, ti na lotou agatuu loa kiate ia, Na leaise lotou tausi loa ana fakatotonu.

Pesalemo 95:8

Aua na kotou fakafefeka okoutou loto, ofaipe okoutou tamana i Melipa, ofaipe le aso o Masa, i le toafa,

Ekesote 17:7

Ti na soli loa e Moisese ki le ganea lena le igoa ko Masa mo Melipa, talie na fakatupu fefele a fanau a Iselaele kia Moisese, ti na lotou asiasii le Eteleno, o pati : Pe nofo koia le Eteleno mo tatou, pe leai

Ekesote 8:15

Na pati loa le kau fai nea fakatalatupua kia Falaone : Ko le maikao leinei o le Atua ! Kae na fakafefeka loa e Falaone lona loto, ti na leaise fakalogo loa a ia kia Moisese mo Alone, o mulimuli ki le nea leia na pati ki ai le Eteleno.

Taagapati 28:14

Manuia le tagata leia e i tuumau ki le Eteleno ! Kae ko leia e fakafefeka ia lona loto e vilo ki le malaia.

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Selemia 7:26

Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Taniela 5:20

Kae i le aso leia na fia nealasi ai a ia ti na fakafefeka ai e ia lona loto, na ti loa a ia ki lalo mei lona ekeekeaga fakasau, ti na too loa meiate ia lona kololia ;

Numelo 14:11

Ti na pati loa le Eteleno kia Moisese : E kaku loa kiafea le fakamamae o loku loto e le kakai leinei ? E oki loa afea lana tuigataa kiate au, logo ai a fakamailoga fuli o loku mafimafi ala kua kau fakatio a ia ki ai ?

Mateo 13:15

Talie kua liliu o mate noa le mafu o le kakai leinei ; Kua lotou fakatulituli olatou taliga, ti kua lotou tapono olatou mata, O tupu ke aua na lotou tio ki olatou mata, Ke aua na lotou logo ki olatou taliga, Ke aua na lotou matala i olatou loto, Ke aua na lotou tafoki, ti ke aua na kau fakamauli latou.

Gaoi 19:9

Kae, i le fakafefeka mo le tui gataa o ni iki, o lauveli i mua o le toka api ki le ala o le Aliki, na tiaki loa e Paulo latou. Kae na too kese loa e ia le kau tisipulo mo ia, o ako loa e ia latou i aso fuli i le fale ako o Tilanusi.

Gaoi 7:36

Ko ia leia na fakamavae ia loa latou mei Esipito, ti na fai ia loa ni nea fakaofolele mo ni milakulo i le fenua o Esipito, mo le Tai Kula, ti mo le toafa, lolotoga o fetuu e kau fa.

Uluaki tosi ki le kau Kolinto 10:9

Aua na tou asiasii le Aliki, ofaipe le fai a ni iki o latou, ala na mamate loa i gata.

Tetelonome 6:16

Ke aua na kotou asiasii loa le Eteleno, lokoutou Atua, ofaipe lakoutou asiasii a ia i Masa.

Uluaki tosi a Samuele 6:6

Kolea ka kotou fakafefeka ai loa okoutou loto ofaipe le fakafefeka o loto o Falaone mo le kau Esipito ? Pe na leaise fakavilo loa e le Atua ana tautea kia latou, pe na leaise lotou tuku loa ke ano a fanau a Iselaele ?