Epelo 3:5 - Tosi Tapu

⁵ Kia Moisese, na agatonu a ia i le fale katoa o le Atua, ofaipe se tagata fakasausau, ke fakamaoki ki le nea leia e tonu ke fakasa ;

Epelo 3:5 ပူးပေါင်းရင်းမြစ်များ

Neemia 9:14

Na ke fakasa loa kia latou lou sapato maokioki, ti na ke fakatuutuu loa a nea ana kia latou i lau tagata fakasausau ko Moisese, mo au folafola, mo au pelesepeto, mo au lao.

Pesalemo 105:26

Na kakau loa e ia Moisese, lana tagata fakasausau, Ti mo Alone, leia na filifili e ia.

Ekesote 14:31

Na tio loa Iselaele ki le lima makeke o le Eteleno leia na vilo ki le kau Esipito. Ti na i loa le kakai ki le Eteleno, ti na tui loa a ia ki le Eteleno mo Moisese, lana tagata fakasausau.

Ekesote 40:16

Na fai loa e Moisese a nea fuli ala na fakatotonu ake e le Eteleno kiate ia, ti na fai loa a ia ki ai.

Numelo 12:7

Kae e leaise felaaki ki laku tagata fakasausau ko Moisese. E agatonu a ia i loku fale katoa.

Mateo 24:45

Ko ai loa le tagata fakasausau agatonu mo poto, leia kua fakanofo e lona aliki ke pule ki ana kakai, mo tufa ia kia latou le nea kai i lona temi totonu.

Mateo 25:21

Na pati loa lona pule kiate ia : E malie ai, tagata fakasausau agamalie mo agatonu ; na ke agatonu i se ganea ikiiki fua, e kau fakanofo loa a koe ke pule ki se nea lasi ; ulu ki le fiafia o lou pule.

Luka 12:42

Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Luka 24:27

Ti na kamata loa a ia meia Moisese ti mo le kau polofeta fuli, o fakamatala kia laua i le Tositapu katoa a nea o uiga mo ia.

Luka 24:44

Ti na pati loa a ia kia latou : Ko nei a nea ala na kau fakasa atu kia koutou koi kau nofo mo koutou : E tonu ke fakasoko a nea fuli ala kua tosi kiate au i le lao a Moisese, mo le kau polofeta, ti mo pesalemo.

Soane 5:39

E kotou sufe le Tosi tapu talie e kotou manatu e kotou maua i ai le mauli lee gato. Ko le Tosi tapu leia e fakamaoki kiate au.

Gaoi 28:23

Ti na lotou fakatuutuu loa kiate ia se aso, ti na au loa se toka api o maua a ia i lona fale. Ti na fakasa loa e ia le Puleaga o le Atua kia latou, o fakamaoki, ti mo afa i le lao a Moisese mo le kau polofeta, ke lotou tio ki nea o uiga mo Sesu. Na fai loa le nea lena mei le usu o kaku ki le afiafi.

Gaoi 7:37

Ko le Moisese lena, leia na pati loa ki vosa o Iselaele : E fakatuu ake loa kia koutou e le Atua i okoutou fetaina se polofeta ofaipe au.

Loma 3:21

Kae ko leinei, sala mo le lao kua fakasa e le Atua lana faitotonu, o fakamaoki ki ai le lao mo le kau polofeta,

Uluaki tosi ki le kau Kolinto 4:2

Ti ko le nea foki leia e kole ki ni tagata tausi koloa, ke lotou tasi agatonu i lana gaoi.

Tetelonome 3:24

Aliki Eteleno, na ke kamata fakasa ki lau tagata fakasausau lou lasi mo lou makeke ; talie ko ai le atua, i le lagi mo le kele, e mafai ia le fakatautau o au gaoi mo au nea fakatalatupua ?

Tetelonome 34:5

Na mate loa Moisese, tagata fakasausau a le Eteleno i lena, i le fenua o Moape, o mulimuli ki le fakatotonu a le Eteleno.

Uluaki tosi kia Timoteo 1:12

E kau fakafetai ki leia na fakamakeke ia au, kia Sesu-Kilisito lotatou Aliki, i lana tio mai kiate au ofaipe se tagata agatonu, o fakanofo au ki lana gaoi,

Epelo 1:1

I mua, na masau le Atua i ni temi kesekese ti mo ni fai kesekese ki otatou tamana i le kau polofeta,

Epelo 3:2

Sesu, leia na agatonu ki leia na fakanofo ia a ia, ofaipe Moisese leia na agatonu i lona fale katoa.

Epelo 3:4

Talie kua fau a fale fuli e se tasi, kae ko leia na fau ia a nea fuli ko le Atua.

Epelo 8:5

E lotou fai se tausi o fakatatau ki le paaki ti mo le ata o nea i le lagi, ofaipe le fakasa fakatomua e le Atua kia Moisese i mua o le fakatuu o le tapenakulo, i lana pati kiate ia : Tokaga o fai a nea fuli, o fakatatau ki le paaki leia na fakasa kiate koe i le mauga.

Epelo 9:24

Talie na leaise ulu Kilisito ki se sagatualio leia na fau e lima o le tagata, leia ko le fakatata o le tapenakulo maoki, kae na ulu a ia ki le lagi totonu, o tupu ke fakafofoga e ia tatou i le temi nei i mua o le Atua.

Sosue 1:15

o kaku ki le temi e tuku ai loa e le Eteleno le malolo ki okoutou fetaina ofaipe koutou, ti ke lotou maua foki le fenua leia e soli loa kia latou e le Eteleno, lokoutou Atua. Kao oki loa a ia, ti o kotou liliu mai loa o nofo i le fenua leia na tuku atu kia koutou e Moisese, tagata fakasausau a le Eteleno, i le fetuu leinei o le Solotane, i le sopoaga o le laa.

Sosue 1:2

Kua mate laku tagata fakasausau ko Moisese. I le aso nei, tuu ki aluga o fakalaka i le Solotane leinei, a koe mo le kakai katoa leinei, o ulu ki le fenua leia e kau soli ki fanau a Iselaele.

Sosue 1:7

Ko leia fua ke ke fakamakeke, mo ke loto toa lasi, o agatonu ki le lao katoa leia na kau tuku kia Moisese, laku tagata fakasausau : Ke aua na ke maliu ki le fetuu atamai pe ko le fetuu sema, o tupu ke ke manuia i ganea fuli e ke ano loa ki ai.

Sosue 8:31

o mulimuli ki le nea leia na fakatotonu e Moisese, tagata fakasausau a le Eteleno, ki fanau a Iselaele, nea kua tuu i le tosi o le lao a Moisese : ko se aletale na fau ki ni fatu katoa, ala na leaise siki ki ai le ukamea. Na lotou momoli loa i ai ni failaulau ki le Eteleno mo ni sakilifisio fakafetai.

Sosue 8:33

Ko Iselaele katoa, ona kau tagata fakamatuatua, mo ona pule, mo ona tui fakamaau, na tutuu loa i fetuu e lua o le aleka, i mua o le kau tagata faisakilifisio, mo le kau Levi, ala na amo ia le aleka o le fakapapau a le Eteleno, a matapule ofaipe fanau a Iselaele, na lotou tutuu fuli i ai, ko le tasi vaelua i le fetuu o le mauga ko Kalisimi, ko le tasi vaelua i le fetuu o le mauga ko Epale, o mulimuli ki le fakatotonu leia na tuku i mua e Moisese, tagata fakasausau a le Eteleno, ke tapuakii le kakai o Iselaele.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !