Epelo 3:10 - Tosi Tapu

¹⁰ Koia na kau vesia ai loa ki le tautupu lena, ti na kau pati ai loa : E sese tuumau olatou loto, Ti e leaise lotou iloa oku ala.

Epelo 3:10 ပူးပေါင်းရင်းမြစ်များ

Senesi 6:6

Ti na fakasemala loa le Eteleno i lana fakatupu le tagata i le malama nei, ti na mamae ai lona loto.

Pesalemo 147:20

Na leaise fai fenaaki e ia ki atu puleaga fuli, Ti e leaise lotou iloa fua ana fakatotonu. Kotou fakafetai ki le Eteleno !

Pesalemo 67:2

Ke alofa le Atua kia matou ti ke tapuaki a ia kia matou, Ke fakagigila e ia ona mata kia matou. - Manava.

Pesalemo 78:40

Na tua fia lalatou agatuu kiate ia i le toafa ! Na tua fia lalatou fakatupu ia lona sausau i le potu lavaki !

Pesalemo 78:8

O tupu ke aua na lotou faipe olatou tamana, Se lanu patigataa mo agatuu, Se lanu leia na leaise tuu mau lona loto, Ti na leaise agatonu lona laumalie ki le Atua.

Pesalemo 95:10

I le lolotoga o fetuu e kau fa na kau vesia loa ki le lanu lena, Ti na kau pati loa : Ko se kakai leia kua sese lona loto, E leaise lotou iloa oku ala.

Esaia 28:7

Kae ko latou foki, kua lotou sisiga i le vino, Ti kua lotou ninimo o tupu ko kava makeke ; Kua sisiga a tagata faisakilifisio mo polofeta i kava makeke, Kua pule le vino kia latou ; Kua lotou maua ni ninimo o tupu ko kava makeke ; Kua lotou sisiga i le faikikite, Kua lotou matuletule i le fai fakamaau.

Esaia 63:10

Kae na lotou agatuu kiate ia, na lotou fakamamae lona Laumalie maokioki ; Koia na liliu ai loa a ia ko lolatou fili, ti na tau loa a ia kia latou.

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Oseo 4:12

E afa e loku kakai ki lona taulaatua ; Ti ko lana potu laakau leia e tali kiate ia ; Talie e fakasese le laumalie o le faifeauaki, Ti e fakamamao e ia latou i lolatou Atua.

Mateo 20:24

Ko le tino agafulu, i lalatou logo ki le nea lena, na itaita loa ki le tautaina.

Maleko 3:5

Ti na tio fakaita loa a ia kia latou, i le lasi o lona mamae o tupu ko le fefeka o latou loto ; ti na pati loa a ia ki le tagata : Falo lou lima. Na falo loa e le tagata lona lima, ti na mauli loa a ia.

Soane 8:45

Ti ko au, talie e kau fakasa le maoki, e leaise kotou tui mai kiate au.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Loma 3:7

Ti kapau, i laku loi, e toe sa lasi ake ai le maoki o le Atua mo lona kololia, kolea koi fakamaaui ai au ofaipe se tagata agasala ?

Efeso 4:30

Aua na kotou fakamamae le Laumalie Maokioki o le Atua leia na fakamailoga ia koutou ki le aso o le letamisio.

Epelo 3:12

Kotou tokaga, fetaina, ke aua na maua e se tasi o koutou se loto veli mo tui gataa, o kaku o mavae mei le Atua mauli.

Tuifakamaau 10:16

Ti na lotou too loa a atua kese ala na nofo mo latou kae lotou tausi loa ki le Eteleno, leia na logoi ia loa i lona loto a mamae o Iselaele.